NAVENDA NÛÇEYAN – Sema Yuce li hemberî esaret, înkar û îmhayê di 21’ê Adara 1998’an de bedena xwe da ber agir û di 17’ê Hezîranê de dema li nexweşxaneyê dihat dermankirin jiyana xwe ji dest da. Yuce bedena xwe di navbera 8’ê Adarê û 21’ê Adarê de kir pire û bi vê çalakiya xwe di Newrozê de vîn û têkoşîneke bêhmpa ya jinê da avakirin.
Sema Yuce bi çalakiya xwe ya dîrokî xwest bedena xwe di navbera 8’ê Adarê û 21’ê Adarê de bike pire, di 21’ê Adara 1998’an de dema li Girtîgeha Çanekkaleyê dima, berî çalakiyê nameyek nivîsî bû. Bi gotinên wekî, “Ji bo ez bibim şagirteke herî baş ya Kawayê Hemdem Mazlum Dogan û hemû şehîdên meyên din, dixwazim wekî Zekiyeyê bişewitim, jina ku bibe çirûskeka vê, dê Kurdistana azad bihûne” û xwest rastiya heqîqet û azadiyê bi van gotinan bîne ziman. Yuce di 21’ê Adarê de bedena xwe da ber agir û di 17’ê Hezîranê de gihişt şahdetê û li pey xwe têkoşîneke bêhempa ya jina azad hişt.
Yuce di sala 1971’an de li gundê Qerqelik a Dutaxê ya Agiriyê di malbateke 6 zarokî ya ji kevneşopiyên şêxtiyê tê de hatiye dinê. Yuce hêj di temenê zarokatiyê de bi rastiya Kurd re rû bi rû dimîne, dibistana seretayî li gund, dibistana navîn li Dutaxê, lîseyê jî li Agiriyê dixwîne. Piştî lîseyê Yuce Beşa Civaknasiyê ya Zanîngeha Teknîkê a Rojhilata Navîn bi dest dixe, zêde dem bi sere derbas nabe, PKK’ê nas dike. Di nava têkoşîna gelê Kurd de cih digire û di 1991’an de li Mêrdînê beşdarî nav refên PKK’ê dibe, Yuce piştî demekî li herêma Mêrdînê dimîne, ji bo perwerdeyê derbasî Akademiya Mahsun Korkmaz dibe. Yuce li vir Rêberê Gelan Abdullah Ocalan nas dike û gotinên Rêbertî ên wekî “Mirovê xwe bi rêxistin dike milîtanê herî baş e” ji bo xwe wekî rêgez esas digire, di sala 1992’yan de bi komek hevalên xwe re di meha havînê de derbasî herêma Serhedê dibe.
Yuce demekî li vir di xebatan de cih digire û di nava vê demê de derbasî Agiriyê dibe û qasî 3 mehan li vir xebatê dimeşîne, dema di nava xebatan de ye li ser îxbarekî li navenda bajêr tê girtin. Piştî lêpirsîneke demdirêj, Yuce parastina siyasî dike û piştî derdixin dozgeriyê tê girtin û dişînin girtîgehê. Yuce piştî 22 salan cezayê girtîgehê lê tê birîn, destpêkê dişînin Nevşehîr û piştre sirgûnî Girtîgeha Çanakkaleyê dikin. Yuce piştî 6 salan di girtîgehê de dimîne, bi amadekariyên komploya navneteweyî ya li hemberî Rêberê Gelan Abdullah Ocalan re, li hemberî hemû planên qirêj, îmha û înkarê di 21’ê Adarê 98’an de li girtîgehê bedena xwe dide ber agir. Yuce piştî çalakiya xwe qasî 80 rojî li Nexweşxaneya Falulteya Tibê ya Cerrahpaşa ya Stenbolê tê dermankirin, di 17’ê Hezîranê de tevli kerwanên şehîdan dibe.
