DUSSELDORF – Partî û saziyên Kurdistanî yên li Ewropayê li dijî êrîşên dagirkeriyê yên dewleta Tirk daxuyaniyek dan û bang li her kesê kirin ku tevlê meşa li Dusseldorfê bibin.
Di daxuyaniyê de wiha hat gotin:
“Êrîşa dewleta Tirk a dagirker ku li Metîna û Zapê dayî destpêkirin, ne tenê êrîşa li dijî gerîla ye. Ev êrîş êrîşa li dijî hemû gel û nirxên Kurdistanê ye. Dewleta Tirk a qirker ku xewna Neo Osmanîzma dibîne, venaşêre ku xewna dagirkirina xaka Rojava û Başûrê Kurdistanê ya ku jê re dibêjin sînorên Mîsakî-Mîllî, ji nû ve dagirkiri û bi ser sînorê xwe ve zêde bike. Êrişên li ser Başûr, Rojava û Şengalê jî bi armanca pêkanîna vê hedefa xwe pêk tîne.
‘EM DESTKEFTÊN XWE BIPARÊZIN, BI RIHÊ NETEWÎ LI DIJÎ DAGIRKERIYÊ BISEKININ’
Dema ku dewleta mêtinger a Tirk bi êrîşên ku par ji bo vê armancê li Garê û Metîna pêk anî, encam negirt, vê carê jî dixwaze bi hevkariya hin kesimên Başûrê Kurdistanê û hikûmeta Iraqê êrîşeke hevpar pêk bîne û wisa encamekê bi dest bixe.
Weke Kurdên li Ewropayê, banga me ji hemû partî, sazî, rewşenbîr û hunermendên Kurdistanê re ew e ku ji bo parastina destkeftiyên gelê Kurd û garantîkirina pêşeroja gelê Kurd, bi ruhekî netewî li dijî van êrîşên dagirkerî û qirkeriyê yên dewleta Tirk a mêtinger derkevin. Bêdeng bûn û temaşe kirin xizmeta polîtîkayên qetlîamker ên mêtingeran dike. Dewleta mêtinger a Tirk û alîgirên wê yên ku li hemberî gerîlayên ku li Herêmên Parastinê yên Medyayê ji bo rûmeta gelê Kurdistanê têdikoşin nekarîn serketinê bi dest bixin, dema ku dibînin ku nikarin ti encamekê bi dest bixin, çekên kîmyewî bikar tînin, nirxên mirovahiyê binpê dikin.
Ev êrîş li dijî hemû gel û nirxên Kurdistanê tê kirin. Her Kurdistaniyekî ku dilsozê ax, nirx û gelê xwe ye, divê sekinandina li dijî van polîtîkayên qirêj weke erkekî netewî bibîne û têkoşînê mezin bike.
Em weke sazî û partiyên Kurdistanî yên ku îmzeya wan li jêr heye, di 30’ê Nîsanê de li bajarê Elmanya Dusseldorfê bi dirûşmeya ‘Em li dijî dagirkeriya dewleta Tirk û alîgirê wê Kurdistanê biparêzin’ meş û mîtînga navendî organîze dikin.
Em bang li hemû gelê Kurdistanê û rewşenbîran dikin ku bi ruhê netewî tevlê meş û mîtînga ku wê bi amranca derketina li dijî dagirkerî û qetlîamên dewleta mêtinger a Tirk û xwederketina li berxwedana gerîlayan yên ji bo rûmeta gelê Kurd têdikoşin were lidarxistin ku tê de her kes bi cil û bergên netewî û hilgirtina tenê dovîzên ‘Kurdistanê biparêze’ tevlê dibe.
PARTÎ Û SAZIYÊN KU ÎMZEYA WAN DI DAXUYANIYÊ DE HEYÎ
Partî û saziyên ku daxuyanî îmze kirine wiha ne:
“Rêxistinên Partî û Saziyên Kurdistanî yên li Ewropayê
YNK (Yekîtiya Niştîmanî Kurdistan)
Tevgera Goran
KCDK -E (Kongreya Civakên Demokratîk ên Kurdistaniyên li Ewropa)
TJK-E (Tevgera Jinên Kurdistanê-Ewropa)
Partiya Şûî Kurdistan- Başûr
Kongra Star (Rêxistna Jinên Rojava û Bakur-Rojhilatê Sûriyê) Ewropa
Partiya Zahmetkêşan – Başûr
PADÊ (Partiya Azadî û Demokrasî ya Êzîdiyan)
Tevgerê Komelgeha Azadî ya Kurdistanê (Tevgera Azadî)
PYD (Partiya Yekîtiya Demokratîk)
P.D.K.S (Partiya Demokrat a Kurdî ya Sûrî)
Partiya Çep a Kurd li Sûriyê
Tevgera Nûjen ya Kurdistanî-Sûriye
PÇDKS (Partiya Çep a Demokrat a Kurd li Sûriyê)
Partiya Demokrat a Kurd li Sûriye( El Partî)
Partiya Çep a Demokrat li Sûriye
Partiya Rêkeftin a Kurd li Sûrye
Partiya Çaksaziya Kurd li Sûriye
Partiya Kesk a Kurdistanî li Sûriye
Partiya Demokrat a Kurdistanî li Sûrye
Partiya Komunîst a Kurdistanî li Sûriye
PÎK (Partiya Îslamî ya Kurdistanê)
KKP (Partiya Komunîst a Kurdistanê)
Tevgera Kawa
PJAK (Partiya Jiyana Azad a Kurdistanê)
Yakîtiya Şorşgerî Kurdistan
KODAR (Civaka Demokratîk û Azad a Rojhilatê Kurdistanê)
KJAR (Civaka Jinên Rojhilat a Kurdistan)
Platforma Horam
Platforma Zagros
Platforma Yarsan
Yarî Kurd
Partiya Demokrat a Pêşverû Kurdî li Sûriyê
TEV-ÇAND (Tevgera Çand û Hunera Kurd)
Kurdische Gemeinde Stuttgart e.V
FEDA ( Federesyona Elewiyên Kurdistanê)
NAV YEK (Navenda Mal û Komeleya Êzidiyan)
Kurdische Zentrum Berlîn
CÎK (Civaka Îslamî ya Kurdistanê)
Enstituta Kurdî – Elmanaya
Enstituta Kurdî – Bruksel
MŞD (Meclîsa Şengalê ya Derveyî Welat)
YMK (Yekîtiya Mamostayên Kurdistanê)
YÊS (Yekîtiya Êzdiyên Sûriyê)
Kurdische Gemeinde zu Berlîn-Brandenburg e.V.
Dachverband der Êzidischen Frauenräte
DKF (Deutsch-Kurdisches Forum) e.V Dresden
Kongreya Gel a Mezopotamya (Mezopotamya Halk Kongresi)
Partiya Azadî ya Mezopotmaya (Mezopotamya Özgürlük Partisi)
Kurdistan Human Rights Association
Civaka Kurd ji bo Neteweyên Yekbûyî.”
