NAVENDA NÛÇEYAN – Piştî fermana 3’yê Adara 2017’an hê ku xeterî û metirsiya DAÎŞ’ê li herêmê heyî û Şengalî birînên wan nû û xwîn jê diçûn, PDK’ê hewl dan bi çeteyên Roj ku ji welatiyên Rojava ku ji şer reviyabûn di bin kontrola artêşa Tirk de hatin perwerdekirin, xwestin 3’yê Adarê bikevin Xanesorê û xwe li wir bi cih bikin.
BI KOLANDINA XENDEKAN DEST PÊ KIR
Gava yekem a vê plana bicihbûn û dagirkirinê 2’yê Adara 2017’an çeteyên Roj ên ber êvarî xwe li Xanesor û Sinûnê dan, dest bi kolandina xendekan kirin.
Li ser vê yekê helwesta yekem a dayikên Şengalî bû. Dayikên Şengalî li ber kolandina xendekan derketin û xendekên çeteyan bi mekîneyên kar dikolan, wan jî bi destê xwe xwestin wan xendekan dagirin. Li beramberî vê çeteyên Roj bi nêzîkatiyek tund û êrîş bire ser dayik û jinên Êzidî.
BI ÊRÎŞÊ XWESTIN BIKEVIN XANESORÊ
3’yê Adarê ji bo ev rewş baştir bê famkirin rêveberiya YBŞ’ê xwestin bi vê koma ku hatî herêmê bê destûr û dest bi kolandina xendekan kir re bicive. Hê civîn neqediyayî. Çeteyên Roj bi 30 hamer, wesayîtên zirxî û çekên giran ku ji welatên Ewropa ên mîna Elmanya ji bo li dijî DAÎŞ’ê şer bikin, xwestin bi pêş ve biçin û êrîş kirin. Li ser vê yekê şervanên YBŞ/YJŞ û Asayîşa Êzidxanê di çarçoveya parastina rewa de bersiv da.
GERÎLAYÊN LI PÊŞIYA WESAYÎTA ZIRXÎ SEKINÎN, BI NEMERDANE ŞEHÎD KIRIN
Ji bo şer rû nede, gerîlayên HPG’ê û YJA Star ên li herêmê bûn, xwestin navbeynkariyê bikin û bi canê xwe ketin pêşiya wesayîtên zirxî. Lê çeteyên nemerd ev yek nedîtin û gerîlayên HPG’ê yên bi navê Çekdar Sînan û Orhan Baran ên xwestin pêşiya wesayîtên zirxî bigire bi nemerdî şehîd kirin.
JI BO EV QIRÊJIYA WAN KIFŞ NEBE, ROJNAMEVAN ŞEHÎD KIRIN
Di vê êrîşa nemerd de ji bo ev kiryarên çeteyên Roj ên bi pêşengtiya PDK’ê xwestin li herêmê bicih bibin, kifş nebe rojnamevan jî kirin hedef. Di êrîşeke sûîkastê de rojnamevan Nûjiyan Erhan a demek dirêj bû li herêmê kar kir û dema fermanê rastiya herêmê ji bo raya giştî ya cîhanê radigihand kar dikir, kirin hedef û ji serê xwe giran birîndar bû. Her wiha li gel Erhan 2 rojnamevanên din jî birîndar bûn. Erhan piştî berxwedana 19 rojan 22’yê Adara 20172an li Nexweşxaneya Hesekê şehîd dibe.
GEL PÊŞIYA DAGIRKERIYÊ GIRT
Li ser vê helwesta PDK’ê û çeteyên Roj gelê Kurd dakete kolanan û nerazîbûn nîşan da. Taybet bi hezaran xelkê Rojava û dîsa Êzidî bi meşekê berê xwe dan Şengalê. Di meşa 14’ê Adarê pêk hat, çeteyên Roj li vir jî êrîşî girseyê kir û gule li ser gel reşand. Di encama êrîşê de endama Tevgera Azadiya Jinên Êzidî (TAJÊ) Nazê Nayîf şehîd bû.
DI ÊRÎŞAN DE 10 ŞEHÎD
Di êrîşa çeteyên Roj ên PDK’ê ya li ser Xanesorê de 7 şervanên YBŞ, 2 gerîlayên HPG’ê, endama TAJÊ’ Nazê Nayîn, Rojnamevan Nûjiyan Erhan şehîd bûbûn.
PIŞTÎ NEKARÎN, BI ÊRÎŞÊN ESMANÎ KETIN DEWRÊ
Piştî hemû hewlan û peymanên li ser Şengalê bi berxwedana xelkê Şengalê hatin pûçkirin, vê carê jî bi êrîşên esmanî û sîxûriyê dixwazin civak Êzidî û gelê Şengalê têk bibin. Cara ewilê 24’ê Nîsana 2017’an balafirên şer çiyayê Şengal bombe kir. Piştre navber navber Şengal bû hedefa êrîşên esmanî yên dewleta Tirk.
15’ê Tebaxa 2018’an Mam Zekî Şengalî, 16’ê Tebaxa 2021’an Seîd Hesen û biraziyê wî Îsa Xwedêda, 20’ê Çileya 2020’ê fermandar Zerdeşt Şengalî, Pîr Hemid, Êzdin Şengalî û Cilo Şengalî, 17’ê Tebaxa 2021’ê di êrîşa li ser nexweşxaneya Sikêniyê de Hemîd Sadun (Qîran Sîba), şervanê YBŞ’ê, Xidir Şeref (Pîr Xidir), şervanê YBŞ’ê Ramî El Salim (Ronî), şervanê YBŞ’ê yê Ereb ji Baacê, Meytem Xidir Xelef (Serhed Zemar), şervanê YBŞ’ê yê Ereb, Elî Reşo Xidir, xebatkarê tenduristiyê Sedo Îlyas Reşo, Hecî Xidi, Muhlise Sîdar û herî dawî 7’ê Mijdara 2021’an Hevserokê Desteya Rêveber a Şengalê Merwan Bedel hatin şehîdkirin.
ÇAVKANÎ – ANF
