QAMIŞLO – Rêberê gelan Abdullah Ocalan di 15’ê Sibata 1999’an de bi komployeke navneteweyî dîl hat girtin. Her çiqas bi vê komployê dihat xwestin gelê Kurd bê tinekirin jî, dewletên emperyalîst nekarîn vê bi dest bixin. Rêberê Gelan û şehîdên ku derdora Agiriyê dorpêç kirine ev komplo pûç kirine.
Gelê Kurd îsal li her derê hêrsa xwe ya li dijî komploya navneteweyî nîşan dide, ji bo dilsoziya xwe ya bi Rêberê Gelan re nîşan bide daket qadan. Me jî ji kesên ku bi salan berê Rêberê Gelan re yekem hevdîtina wan, hest û hêrsa wan a li hemberî komployê guhdar kir.
Bi tevahiya hevpeyvîna me wiha ye:
Navê min Celal Mele Ezedîne. ji Cirnikê me, ji milê her kesî têm naskirin. Di sala 91’ê de agahî dan me, gotin divê hûn werin cejnê. Em girûpek bûn. heft heyştek bûn. Hinek ji me welatî bûn û hinek biyanî bûn. Rabûn em qaçax çûn Şamê. Em gihiştin cihê perwerdê, hevalan em pêşwazî kirin. Herekê rûpelek bi me vekirin. Ez ji grûbê cilê fireh bûm û tenduristiya min baş bû hevalan şîv da me û me birin bin konekî.
Konê me xweş bû, piştî nîv seatê du heval hatin gotin rojnemevan hatine xerîbin wê biçin gel Serok. Pêwîste em we bibin cihekî din, em rabûn çûn cihekî din. Hinek gel ji Dêrik ew jî li wê derê bûn em li wê derê rûniştin , heya seat bû 9 û nîv seatek me çêbû nedît ku deriyê çandirê vebû serok ket hundir bi rastî ez qet ji tu kesî netirsiyame lê ev car wekî ku avek cemidî bi ser min hate rijandin. Em hemû rabûn Serok got rûnên me got : Heya tu neyê em rûnanên ji me heye ku wê li ba derî rûnê lê hat dawiya hundir pirsa me kir pirsa zarokan û hemû gel kir piştre ji me re li ser partiyê axivî nêzî seatekê seat û nîvekê axivî çû û me hew serok dît. Em pênc rojan li wir man û pişt re vegeriyan ji ber ku em biyanî bûn me hisabê girtinê dikir ji ber vê yekê em berî gel vegeriyan hevalên me yên din ji ber ku ew bi destûr çûbûn ew çûn Libnan û piştre hatin roja dawî.
Beriya hatina me Serok hat seat deh heya sê axivî pişt re hevalan got werin taştê bixwin me got: emê herin razên hevala got na werin bixwin. Dawiyê de serok got yê dixwaze biçe bila biçe em vegeriyan careke din ez çûm gel Serok cihê perwerdê anîbûn Şebia ez 13 rojan mam lê min Serokatî nedît. Me amûrê cihê perwerdê anî cihê nû ez û hevalekî xwe nizanim niha jiyan dike yan na. Yê din jî xerîb bûn ji Efrîn, Kobanê û derên din bûn. Em yên ku di wir de kar dikirin me binayet ava dikir menê binayetê Serok jî ava bikira me bingeh ava kir ez 13 rojan li wir mam.
Ez pir digeriyam di 92 an de li Tirpespiyê ez û heval Nijbîr bû gel pir hatibû min xwe di nava gel re derbas kir, min dît ku erebeyeke hat ji mine heye ku dewlete ji nişka ve min dît ku Serokatî û hevalekî daketin ne sekinîn berê xwe dan gund ji bilî vê carê dema ku basil mir em çûn eza li Qerdaha min wê demê Jî serok dît em dîsa gelek bûn. 80 kes bûn em ji vê herêmê çûn em dîsa li hev kom bûn me Serokatî dît hat silav li me kir piştî ku me eza xelas kir em vegeriyan. Ez hîsdikim wekî ku bavekî min di zindan de ye di nav destê dijmin de ye ne ez tenê wisa me hemû gelê Kurd wisa ye. Şevek derbas nabe bêyî ku em jêre dua dikin em kal jî bûne em dikarin bibin fedayîyê Serok.
Navê min Rênase. Ji herêma Cirnikê ya girêdayî Qamişlo me. Naskirina min ya partiyê di 90 an de bû, wê demê ez tevlî xebatê rêxistinî bûm di milê Enteriyê û Meyselûn de. Di 94 an de hevalan em vexwendin çûna gel Serokatî em nêzî 45 kes bûn. Em ji Qamişlo em çûn Şamê heval hatin pêşya me em li nuqtan belav kirin. Em çûne malekê heya êvarê li wir man.
Pişt re hatin me ji wir birin cihekî me li wir Serokatî dît. Di 14 Tîrmehê de bû roja berxwedana hevalên zindana bû. Ji bo wê ji me re civîn li dar xistin axaftinê Serokatî ji bo berxwedana hevalan bû,nîqaş jî hat meşandin. Em zêdetirî du seatan gel Serokatî em man.
Bi rastî dîtin û gotin nabe wek hev, dîtina Serokatî bandorek pir mezin li ser me kir. Di dîrokê de qet em ji bîr nakin bîr û baweriyê me pê hene. Heya dawî me sozê xwe pê re dane, emê li ser vê xetê bin heya nefesa dawî. Ji bo komploya li ser Rêber Apo komployek navnetewî bû bila tirk nebêjin ku me bi tenê xwe kiriye, Rêber Apo dikarî li Şamê bima lê rêber Apo xwest ku doza kurd derbasî qadê navnetewî bike. Ew komploya li ser rêber Apo çêbû bi destê hemû dewletan bû, li kînyayê Rêber Apo hate girtin û radestî tirkan hat kirin.
