KOBANÊ – Di 25’ê Kanûnê de endamên Tevgera Ciwanên Şoreşger û Yekitiya Jinên Ciwan, Şehîd Viyan Kobanê, Şehîd Nûjiyan Ocalan, Şehîd Rojîn, Şehîd Welîd û Şehîd Merhef di êrîşên hewayî yên dewleta Tirk a dagirker de şehîd bûn. Me jî li ser êrîşê nêrîna Berdevkê Tevgera Ciwanên Şoreşger ên Herêma Firatê Mihemed Mahmut girt.
Berdevkê Tevgera Ciwanên Şoreşger ên Herêma Firatê Mihemed Mahmut bal kişand ku dewleta Tirk a faşîst û dagirker li Herêmên Parastinê yên Medyayê li çiyayên Kurdistanê li hemberî gerîla têk çû.
Mihemed Mahmut di berdewamiya axaftina xwe de wiha got:
Navê min Mihemed Mehmûd e. Berdevkê Tevgera Ciwanên Şoreşger a Herêma Firatê me. Dewleta Tirk a dagirker û faşîşt li çiyayên Kurdistanê, li herêmên Medya, li çiyayê Pîroz li hember gerilayê Azadiyê ya Kurdistanê têk çûn. Êrîşê ku derê kir têk çû.
Dewleta Tirk a dagirker ji ber nakokiyên xwe yên navxweyî yên aborî, civakî veşêre di şexsê ciwanan de malbatên me yên welatparêz hedef digire. Du meh berê du ciwanên me; Şehîd Hemze û Şehîd Fariz şehîd xistin. Dîsa li Qamişlo bi rêya keştê li malbateke me ya welatparêz, malbata Gulo wan xist sê kes şehîd ketin. Dewleta dagirker bi rêya balafiran bi rêya erdê çi qasî êrîşî me kir hevalên me Şehîd xistin ji wan e ku em xilas bûn, kes li holê nema, lê bila dewleta Tirk a dagirker baş bizanibe , bila ixanetkarên diçine AKP’ê û PDK’ê baş bizanibin ku gel û ciwanên Kobanê DAIŞ têk birin, dewleta Tirk a faşîst têk birin, Şoreşa 19’ê Tîrmehê li vir bi ser xistin û dê tu caran wê paş de gav neavêjin. Her ku hevalekî me Şehîd dikeve hêrs û kîna me xurtir dibe û em tu caran ji dagirkeriyê re serê xwe netewînin.
Dewleta Tirk a dagirker çi qas êrîşî ciwan û gelê me bike jî tu carî em gava xwe paş de navêjin. Bila baş bizanibin ku bi Şehîd xistina ciwan û gelê me em xilas nabin. Ciwan û gelê Kobanê û yê hemu Kurdistanê wê ber xwe bidin. Rast e, dibe ku tank û top, balafirên keşfê û êrîşê û her cure teknîka xwe heye, lê yê me ciwanên me yên berxwedêr û fikr û felsefeya Rêber Apo di mêjiyê me de hatiye çandin.
Gelê Kobanê gelekî welatparêz e. Yên wan çi teknîka wan hebe bila hebe yê me jî bi hezaran ciwanên me yên welatparêz, bi hezaran malbatên me yên Şehîda , malbatên me yên berxwedêr hene. Duh li hevalên me xistin Şehîd xistin, îro jî gelê Kobanê wek gelemperî derketin qadan û ji bo dagirkerî û ixanetkaran nerazîbûn û helwesta xwe diyar kirin.
Di dawiyê de dibêjim:
Bijî Berxwedana Gerîla,
Bijî Serok Apo,
Bijî berxwedana ciwanan
û Bijî Gelê Kobanê,
Şehîd Namirin.
