BURSA – Ji parêzerên Rêberê Gelan Abdullah Ocalan ê 22 sal in li Girtîgeha Tîpa F a Ewlekariya Bilind a Îmraliyê di bin tecrîdeke giran de ye, Raziye Ozturk, Faîk Ozgur Erol, Rezan Sarica û Cengîz Yureklî, ji bo bi miwekîlên xwe re hevdîtinê bikin, dîsa serî li Serdozgeriya Komarê ya Bûrsayê dan.
Di 23’ê Îlona 2020’an de, bi hinceta “Nexşerêya” Rêber Ocalan ku di sala 2009’an de weke pêveka parastina xwe ji Dadgeha Mafê Mirovan a Ewropayê (DMME) re şand, ji bo 6 mehan biryara qedexeya parêzeran dabûn Rêber Ocalan û 3 girtiyên gel wî. Ligel ku qedexeya hevdîtinê di 23’yê Adarê de qediya jî, ji serlêdanên parêzeran re ne erênî ne neyînî bersiv nayê dayîn. Dîsa bi serlêdana parêzeran a di Çileya 2021’an re, derketibû holê ku cezayek dîsîplînê yê nû dane Ocalan.
Ji parêzerên Rêber Ocalan Rezan Sarica û Newroz Ûysal, piştî 8 salan di 2-22’ê Gulan, 12-18’ê Hezîran û 7’ Tebaxa 2019’an de hevdîtin bi muwekîlên xwe re kiribûn.
Piştî îdîayên li ser hesabên medya dijîtal yên di Rêber Ocalan de fikarên raya giştî mezin bûbûn û di 25’ê Adarê de birayê Ocalan Mehmet Ocalan bi rêya telefonê hevdîtin kiribû lê telefon di nîvî de hatibû qûtkirin.
