NAVENDA NÛÇEYAN
Pergala Zilamsalarî di hemû aliyan de xwe li Kurdistanê bicîh kiriye û di her çar parçê de jî xwe nîşan dide. Ziniyeta serdest di hemû aliyan de ziniyeta xwe ferz dike, zimanê me, olên me, nîjadê me tune dibînin û ji xwe re maf dibînin ku li ser fîzîka me her tiştê ku dixwazin bibêjin. Li hemberî vê yekê di ev demên dawî de ku em nêzî 25’ê Mijdarê dibin re êdî dem hatiye ku em hemû bi hevre tundiya ser jin re, ziniyeta zilamsalarî ya ku xwe ferz dike re bêjin NA.
Ji faşîzmê re tên gotina NA ne bese, pêwîste di her qêrînekî de em bikevin tevgerê de. Me ziniyetekî ku di çar parçe Kurdistanê de xwe dide jiyankirin behs kir niha jî em hemû parçeyan re cuda binêrin.
Li Rojavayê Kurdistanê dewleta Tirk a dagirker êrîşên hovane a ser ‘Şoreşa Jin’ berdewam dike, Perwerde ya bi zimanê dayikê, ku ji bo sedan Şehîd dane, ji hêla ENKS’ê stûna siyasî ya dewleta Tirk a dagirker li Rojava tune tê dîtin, û hevjiyana azad a ku ji bo bi sadan Şervanên jin nemir bûne dixwazin tune bikin. Bê guman li hemberî vê dem hatiye ku di şexsê Jinên Ciwan de hemû civak bêje NA! Ji bo hevjiyana azad û perwerdeya bi zimanê dayikê em zihniyeta dewlat a bi zihniyeta zilamsalarî re dorpêç bûye re dibêjin NA!
Li Başûrê Kurdistanê jî rewş ne pir cuda ye. Bi navê Kurdbûyinê PDK’ê ku xeta îxanetê hilbijartiye û bi dijminê Kurdan re hevkarî kiriye û çeteyên wê, Di Çiyayên Kurdistanê de dixwazin xwînê Kurdan birêjînin di heman demê de jî rê vedike tecawizê ku dewlet ser jinên Kurd pêşdixe re, dikeve nav hevkariyekî ku çavê wê wisa reş dike heta ku tê asta Ciwanên Kurd re cezayê darvekirinê bide. Kesên wisa li gelek deveran di bin navê neteweyî de, Jinên Kurd dixin milên Kapîtalîzmê û çekan hemberî parêzvanên Çiyayên Kurdistanê radikin û bê çandiyê dikin.
Li Rojhilatê Kurdistanê jî rewş ne cuda ye. Rejîma Îranê ya ku ji bo pêşî lê bigire ku Kurd negihîje statuyekê, her cûre polîtîkayên zextê dimeşîne. Bi afirandina civakek girtî hewl dide gelê Kurd bike Farisî. Tevî vê yekê, ew nahêle ku gelê Kurd bi kok û çanda xwe ve were girêdan. Jinên Kurd divê bikaribe bêje NA ku gavek xurt bavêje liber şikandina qalibên ku rêjîma Îranê bi hişmendiya zilam li hember jinan afirandiye. Bi vî rengî, ew ê derbeyek mezin li nîzama serdest a zilam bixin ku wê bibe dengê hemû jinên cîhanê.
Dîsa li Bakurê Kurdistanê veguheriye navenda dijminahiya dijî Kurd, û gelê Kurd baş dizane ku lingekî her êrîşa li dijî gelê Kurd faşîzma Tirk de derbas dibe. Pir eşkere ye ku gelê Kurd di şexsê jinên Kurd de bi her awayî tê hedef girtin. Bê guman, divê jinên Kurd yekem ji Bakurê Kurdistanê bêje NA, ji ber ku li vir tê xwestin ku bibe navenda Madeyên hişbir, Qetilam, Tecawiz û fuhuş. Heya ku Jinên Kurd nebêjin NA, faşîzma Tirk naqede. Dem dema gotinê NA û li ser xeta rast çalakî û rêxistin meşandinê ye.
Bê guman ne ku tenê divê jin bêjin NA, divê tevahiya gelê Kurd bêje NA. Bi rastî her mirov an jî gelê ku bawerî û ramanên wan têne êrîş kirin, divê bikaribin bêjin NA! Ger em bi yek dengî bêjin NA, dengê mehîn bilindtir bibe û faşîzm bi xeta çalakiyê ya rast li axên Kurdistanê bê veşartin.
Di dîroka me ya dagirkerî û xiyanetê de, berxwedan û serhildanên me hene ku rûpelên dîrokê dagirin. Dem dema em bêjin NA û gav bi gav ber bi Azadiyê ve çûyîne. Em ji bîr nekin ku cîhanek di şexsê jinan de dikare biguhere. Cîhan bi berxwedana jinan xweş bibe, û zihniyeta zilamsalarî têk biçe. Ji bo cîhanekî Wekhev, Adil û Azad di şexsê Kurdistan de dem dema ji faşizmê re gotina NA ye û DEM DEMA AZADİYÊ YE!
NC // Axin Mahir Dicle
