BEHDÎNAN – Navenda Ragihandin û Çapemeniyê ya HPG’ê derbarê çalakiyên gerîlayan û êrîşên hewayî daxuyanî da.
Di daxuyaniya HPG’ê de ev tişt hate diyarkirin:
“Di çarçoveya Pêngava Şoreşger a Şehîd Bager û Şehîd Ronya de hêzên me di 30’ê Cotmehê de saet di 10.30’an de li Girê Şehîd Derwêş ê Xakurkê ya Herêmên Parastinê yên Medyayê li dijî artêşa Tirk a dagirker çalakiyên sûîkastê li dar xist. Di van çalakiyan de 2 leşker hatin kuştin û leşkerek jî birîndar bû.
LI GARÊ Û KALATÛKAYÊ ÊRÎŞÊN HEWAYÎ
Di 30’ê Cotmehê de saet di 23.00’an de balefirên şer ên artêşa Tirk a dagirker qada Gundê Gûzê yê herêma Garê bomberdûman kiriye.
Di 31’ê Cotmehê de saet di 00.30’an de balefirên şer qada Kalatûka ya Qendîlê bomberdûman kiriye.
Di van bomberdûmanan de tiştek bi hêzên me nehatiye.”
