NAVENDA NÛÇEYAN – Ji saetên sibehê ve bi çekên sivik li navenda Efrînê şer di navbera koman de didome.
Li aliyekî din, polîsên leşkerî yên artêşa Tirk a dagirker li taxa Eşrefiyê ya Efrînê dest bi girtina komek ji çeteyên Zinkî kirin yên ku nû tev li çeteyên Cebhe El-Şamiyê bûne.
Di şer de, polîsên leşkerî yên artêşa Tirk a dagirker hemû rêyên li navenda Efrînê ji taxa Mehmûdiyê heta taxa Eşrefiyê û daketina Efrînê li aliyê navçeya Cindirêsê girtin.
Şerê di navbera çeteyên Tirkiyeyê de dewam dike.
CERABLÛS
Li gorî agahiyên hatine bidestxistin ji saet 02’ê sibehê û heta niha li bajarê Cerablûsê dengê gulereşandinê tê bihîstin.
Çavkaniyan diyar kir ku şer di navbera komên çete yên Tirkiyeyê de pêk tê yên ku Cerablûs ji Tebaxa 2016`an dagir kirine.
Li Efrîna dagirkirî jî heman şer rû didin. Li gorî agahiyên ku hatin bidestxistin, sedema şer ji ber nakokiyên navxweyî û desthilatdariya li ser herêmê ye. Di şer de çekên giran jî bi kar tên.
Li herêma ji bajarê Cerablûs heta bajarê Efrîn û Ezaz û Babê ku di bin dagirkeriya Tirkiyeyê de ye, nakokî û tevliheviya ewlehî rû dide, pir caran ji bo desthilatê çete bi hev dikevin û kiryarên kuştinê, dizîn, revandin û destdirêjî pêk tê.
