Hevserokatiya KCDK-E, diyar kir ku jiyana Hevseroka KCD’ê Leyla Guven li ber xeteriyê ye û got: “Ji bo em bibin dengê qêrîna Leyla Guven raya giştî bixin tevgerê, gang dikin ku bi ruhê berxwedana Kobanê daketin qadan.
NAVENDA NÛÇEYAN – Li ser navê Hevserokatiya KCDK-E’yê Yuksel Koç têkildarî tenduristiya Hevseroka Kongreya Civaka Demokratîk (KCD) Leyla Guven daxuyaniyek nivîskî da û bal kişand ku rewşa Leyla Guven di xeteriyê de ye.
Daxuyaniya hevpar wiha ye;
“Dewleta Tirk a faşîst û hevkarên wê hêzên xwecihî û navneteî tecrîdeke girankirî li ser Serok Apo didin meşandin û bi vê re dixwazin têkoşîna azadî û demokrastiyê ya gelê Kurd, Rojhilata Navîn û cîhanê tasfiye bikin, temenê desthilatdariya xwe dirêjtir bikin.
Armanca wan tasfiyekirina Serok Apo û li Rojhilata Navîn dîktatoriya faşîst mayînde bikin. Hêza ku pêşengiya vê konsepta tasfiyeyê dike dewleta Tirk û Erdogan e. Lê yên ku dewleta Tirk û Erdogan xwedî dikin hêzên hegemonîk ên navnetewî ne. Hinek car DYE, hinek car Rûsya û hinek caran jî bi dewletên xwecihî re hebûna xwe didin nîşandan heman demê hêzên ku sala 1999’an komploya navnetewî pêk anîne.
Lê serî de gelê Kurd û yên aligirên azadî û demokrastiyê em ê tu caran destûra vê nedin. Bi berxwedanê, bi serhildanê em ê serî rakirin û destûr nedin ku komployek din li dijî Serok Apo pêk were. Serî de Tevgera Azadiya gelê Kurd ku Rêber Apo rêbertiya wê dike em ê her kes liberxwe bidin û em ê mezin serbikevin û destûr nedin ku komploya navnetewî ya duyemîn pêk were. Ger pêwîst be em ê benda xwe bidin bend û ji konsepta tasyfiyekirinê re bibêjin ‘raweste’.
Berxwedana fedayî ya bi pêşengtiya Hevseroka KCD’ê û Parlemetera HDP’ê Leyla Guvan a di roja 72’an de ye mînaka vê ye harî ber biçav e. Çalakiya fedayî ya Leyla Guven di heman demê de li Hewlêr Nasir Yagiz, li Gallerê Îmam Şîş, li Kandayê Yûsûf Îba û li Strasboûrgê jî 14 şoreşger û welatparêz a dayîn destpêkirin, diyar dikin ku bila hemû dost û dijmin vê yekê bizanin ku nikarin Serok Apo teslîm bigirin, wê nekarin 50 milyon Kurd jî ji kolanan bikin.
Bi hevdîtina 15 deqeyan tecrîd nehatiye şikandin û carekî din qîr dikin ku nikarin vê yekê bi pejirînin, ji bo gelê xwe, dost, dijmin, jin, ciwan dibêjin wê nikare Rêber Apo teslîm bigirin, wê nikaribin pêşiya berxwedana me ya tê kirin bigirin.
Em ê bi berxwedana xwe tecrîda li ser Rêber Apo bişkînin. Li ser vî bingehî em 14 hevrêyên li Ewropa dest bi çalakiya greva birçbûnê ya bêdawî û bêdorveger kirî di roja 33’an de ne, em ê hê zêdetir geş bikin. Ev deynekî me yê rûmetê ye. Divê en tu kes û ne jî bi ti hincetan nîşan bide ku nikaribe tevlî çalakiyên li Ewropayê bên kirin bide nîşandan. Roj roja rizgarkirina jiyana Leyla Guven û şikandina tecrîda giran a li ser Serok Apo ye.
Ji niha û şûnde erka me ya sereke xistina tevgerê ya sazî û dezgehên Ewropî, parlementoya bixin dewreyê û li ser vî bingehî tecrîdê ji holê rakin. Li ser vî bingehî 19’ê Çileya 2019’an tevlî çalakiyên bi dirûşma ‘Ji bo şikandina tecrîdê, Serî hilde’ ya Tevgera Ciwanên Şoreşger a li Ewropayê li hemû qadan bide kirin bibin. Bang dikin bi milyonan biherikin û tecrîda giran a li ser Rêber Apo bişkînin. Serketin wê ya hevrêyên me yên berxwedêrên fedayî ya bi pêşengtiya Leyla Guven didomîne û wê ya yên li gel gelê me bi qehremanî li ber xwe didin be.”
