ŞENGAL- Yekîtiya Jinên Ciwan ên Şengal (YJCŞ) di çarçoveya 25’ê Mijdarê, Roja Tekoşîn li Dijî Şîdeta li ser Jinan de, li Navenda Ciwanan a Şengal semînerek lidar xist. Di çalakiyê de girîngiya dîrokî û civakî ya 25’ê Mijdarê, zehmetiyên heyî yên têkoşîna jinan û rola jinên ciwan li herêmê hatin nîqaşkirin.
Semîner bi kêliyek bêdengiyê ji bo bîranîna şehîdan dest pê kir. Bi taybetî bal kişandin ser şervanên jin û pêşengên têkoşînê yên ku ji bo “azadiya jin” jiyana xwe ji dest dane. Di çarçoveya bernameyê de kurtefîlmek li ser Mafên Jinan û Têkoşîna Jinan a Cîhanî jî hate nîşandan.
Piştî nîşandanê, nîqaşek berfireh li ser wateya 25’ê Mijdarê û şêweyên şîdeta sîstematîk a ku jin pê re rû bi rû dimînin dest pê kir. Beşdaran girîngiya têkoşîna rizgariya jinan, hem li herêmê û hem jî li seranserê cîhanê, tekez kirin û pêwîstiya hevgirtina hevbeş ji bo wekhewiya zayendî tekez kirin.
Nûnerên YJCŞ’ê diyar kirin ku têkoşîna rêxistinkirî ya jinên ciwan ji bo veguherîna civakî li Şingalê diyarker e û gotin ku ew ê semîner û xebatên xwe yên hişyarkirinê bidomînin.
