NAVENDA NÛÇEYAN- Ji Kovara Yurtsever Gençlik (Ciwanên Welatparêz)
“Li ser vê ax û welatê kû roj li mirovahiyê hilatiye de xwestin ku mirovahî di tarîtiyê de bimîne. Mezopotamya bi bereketa axa xwe, xweşbûna av û hewaya xwe û cihêrengîya xwezaya xwe ve di malzaroka xwe de mirovahî parastîye, bi zayîn kirîye û mezin kirîye. Bi destê dayîka xwedawend çanda hatî avakirin û zimanê hatî pêşxistin civakbûneke qayîm hûnandiye. Bi vê civakbûnê re jiyanê xwe sipartiye wateyê. Ev wate piştî 30 hezar sal carekî din wê di şexsê Rêber APO de, dayîk bibe û di nav hucreyeke reş tarî û çar koşe bikare çar aliyê cîhanê; mirovahiyê ronî bike. Wê bi pêşxistina sosyolojiya dîrokî; heqîqetê, ji rastiya dîrokî bide qezenç kirin. Rêber APO dibêje; ‘’Li diyarde û pirsgirêkekî ewqas dîrokî û berfireh ya Kurd bûnê xwedî derketin, wekî hilgirtina barekî bi qasî çiyayekî li ser milê xwe ye‘’. Di demekî wisa ku her kes ji Kurd bûnê û rastiya wê direwîya berovajî wê Rêber APO xwedî lê derket. Bi ser rastîya wê de çû û xwest heqîqeta wê derbixe holê. Bi avakirina PKK ê re Rêber APO karî nasnameya Kurd û jina Kurd ya azad derbixe holê. Tekoşîna dayî destpêkirin ne tenê tekoşîna azadî û rizgariyê bû heman demê de, dihat wateya li beramberî mirinê parastina jiyanê.
Wekî Rêber APO dibêje, tiştekî ku hebûna wê ne diyar be ne dikare bê rizgarkirin ne jî dikare bê azad kirin, destpêkê pêwîste hebûna wê diyar bibe. Serxistina vî karî dihat wateya ku hêzên hegemon girtina hemberê xwe ye. Xeyal û utopyayên Rêber APO yên ji bo avakirina pêşerojeke azad bû sedem ku di serxistina vî karî de israr bike û îradeya pêwîst raber bike. Komploya 9’ê Cotmehê li beramberî îradeya civaka Kurd û tevahî civakên Rojhilata Navîn û mirovahiyê pêkhat. Bi komployê re hedef girtina Rêber APO dihat wateya înkarkirina heqîqeta Kurd û Kurdistanê û îradeya tevahî mirovahiyê desteser kirinê. Ji ber wê pir giran, tijî êş û bêrehme. Giran e; ji ber kû ne diyare wê bi çi awayî komplo bi encam bibe. Tijî êşe; ji ber ku gelek rastiyên dijwar di nav xwe de dihewîne. Eger mirov du rastiyan di nav van rastiyên dijwar de bîne ziman ji bo dîtin û hîskirinê têrker e. Komploya 9’ê Cotmehê êrîşeke mezin e li hemberî mirovahiyê, li pişt vê komployê aqlê dewletê yê hevpar heye. Hemû hêzên bîrdozî, siyasî û leşkerî li ser bingehê berjewendiyên xwe ketin tevgerê. Rêber APO jî hin di destpêka tekoşînêda zihmetiyên vê tekoşînê dabû li ber çavan. Bêgûman bi qasê êrîşên dijmin li ser komployê diyarkerin nebesiyên me jî heman awayî faktorek diyarker e. Wek tevger, milîtanên tevgerê û tevahî civaka Kurd kûrahiya vê rewşê hatiba famkirin, li beramberî wê seknekî zêdetir baldar hatiba raber kirin, dibe ku negihîştiba asta bi 15 Sibatê re bi encam bibe. Rêber APO, ew rewş bi rêhevaltiya kêm û dostanîya sexte bi nav kir. Dostanîya kêm jî taybet di şexsê Yunanîstande bi mînaka Prometeus yak û li armixê we tê girêdan pênase dike. Ev jî aliyekî ve nîşaneyeke kû mirovahî çiqasî ji rastiya xwe ya civakî û çandî xerîb ketiye. Ji aliyê din ve jî dibe ku dîrokê xwest ji me re nîşan bide ku çiqas pêwîstiya mirovahiyê bi famkirina heqîqeta Rêber APO heye. Rêber Apo dibêje; ”dibe ku ji bo min tenê wisa be, lê belê ez bawer dikim ku ev rewşeke giştîye jî. Eger ku, ya te hêviya xwe pêve girêdabe dayîke te jî be, ne di rewşekî ku bikaribe tiştekî pêşkêşî te bike, wekî kes tuyê xwe ji sipartina hêza xwe ya cewherî paşde nedî. Çep, rast tuyê xwe teslîmî ajoyan nekî. Eger ku li holê rewşekî bê jiyankirin nebe bizanibe ku wekî mirov bi aqil û îradeyê dikarî ya herî baş, rast û xweşik înşa bikî, hêza wê nîşan bidî.”
Rêber APO ew komploya ku mînaka wê di dîrokê da nîne, bi hêza aqil û îradeyê vala derxist. Rêber APO dibêje; ‘’Jiyana însan ji bo yên bîrbirina wan ya heqîqetê pêşketî û zêde ye wekî mucîzeyekê ye. Jiyan bixwe çavkanîya kelecanî û çoşek mezine. Di jiyanê da wateya gerdûnê veşartî ye. Bi qasê ketina ferqa vê sirrê, eger tû li zîndanê jî da bibî, jiyan vê wekî tê zanîn zihmet nebe. ‘’Rêber APO di zîndana Îmralî de jiyanekî mucîzewî bi serxist. Ji ber her tim bi çoş û heyecana azadiya tevahî mirovahiyê jiyan kir.”
