KOBANÊ – 6’emîn Festîvala Çandî û Werzîşî ya Şehîd Bawer Agir wê di rojên 11, 12 û 13’ê Cotmehê de were lidarxistin. Festîval her sal li bajarê Kobanê ji aliyê Tevgera Ciwanên Şoreşger, Yekîtiya Jinên Ciwan û Desteya Ciwan û Werzîşê ve tê bi rêxistin kirin.
Îsal, wê festîval li Lîstokgeha Fûtbolê ya Şehîd Bawer Agir bi cih bibe. Ev Lîstokgeh bi salan tê avakirin û wê di festîvalê de cara yekemîn ji raya giştî re were vekirin. Kapasîteya Lîstokgehê ji bo 5000 mirov heye.
Endamê Tevgera Ciwanên Şoreşger Mihemed Mihemed li ser festîvala vê salê axivî û got:
“Di mehê dehan de salvegera şehadeta şehîd Bawer Agir e. Di şexsê şehîd Bawer Agir de em tevahî şehîdên şoreşê bibîrtînin û bejna xwe li ber wan ditewînin. Em nêzîkî salvegera şehadeta şehîd Bawer Agir dibin. Sal bi sal, di salvegera şehîd Bawer Agir de biryar hat girtin ku festîvalekî were çêkirin. Festîvala îsal wê bibe ya şeşemîn, ne wekî festivalên ku derbas bûne. Ferqekî xwe ji festivalên berê heye, yek ji xeyalên mezin ên şehîd Bawer Agir li Kobanê pêk tê. Ev bi kedekî pir mezin ê Şehîd Bawer çêbû. Xwestekekî xwe yê pir mezin hebû kû di bajarê Kobanê de standyûmekî futbolê çêbike. Îro jî em dibînin ku ev stadyûmê mezin bi dawî bûye. Wê di 11’ê vê mehê de vekirina wê were çêkirin, di vekirina festival şehîd BawerAgir de, wê her du bi hev dû re li vê derê werin çêkirin.
Şîara festîval wê “Bi hêvî û baweriya şehîdan, banga aştî û civaka demokratîk serbixe, azadiya fizîkî ya Rêber Apo mîsoger bike”.
Bûn 2 meh ku hezirtiya vê festîval tê kirin. Wê 3 rojan berdewam bike li Stadyûma Şehîd Bawer Agir. Roja yekemîn, wê Stadyûm were vekirin. Wê bernameyekî çandî hebe, ku hemû netew di nav xwe de bigire. Kurd, ereb, sûriyan û ermen wê çand û hûnera xwe pêşkêş bikin. Di roja dûyemîn de, wê bernameyekî werzîşî hebe. Sibeh saet 10’an de dest pê dike. Pêşbîrkên satranc, voleybol, rev, bîsîklet û her wekî din werin kirin. Derdorê nîvro wê li navenda Çand û Hûner şanoyekî were pêşkêş kirin. Saet 4 û 5 jî wê tîmên fûtbolê werin beramberî hev, hem tîmên jin, hem tîmên xort. Wê tîma Kobanê li dijî tîma Serdem bilîze. Êvarê jî bernameyên şahî werin lidarxistin. Di roja dawî de, belgefilmekî li ser jiyan û kedê Şehîd Bawer Agir were pêşkêş kirin. Piştî wê, wê bi beşdarbûna hûnermendan festîval bi dawî bibe. Wê hûnermendên ji Kobanê, ji Bakur û Rojhilatê Sûriyê û hinek hûnermendên ji derve welat jî amade bin. Di demekî nêzî destpêkê festîvalê de wê navê hunermendan were eşkere kirin.
Em banga hemû ciwan û hemû civakê dikin ku tevlî vê festîvalê bibin, vê festîvalê mezintir, geştir û xurtir bikin. Ev festîval ji festîvalên salên borî cudatir e. Yek ji wan cûdahiyan ew e ku vekirina stadyumekî bi vî şiklî, weke pêkanîna xeyalê şehîdan pêk tê. Ev festîval wê li ser şiyara “Aştî û Civaka Demokratîk” a Rêber Apo be. Em dixwazin vê şiyarê pêk bînin.”
