NAVENDA NÛÇEYAN- Heyeta Îmraliyê ya Partiya Demokrasî û Wekheviyê ya Gelan (DEM Partî) ji parlamentera Wanê Pervîn Bûldan, parlamenterê Rihayê Mîthat Sancar û parêzerê Buroya Hiqûqê ya Sedsalê Faîk Ozgur Erol pêk tê. Heyet ji bo karibe bi Rêber Apo re hevdîtinê bike ber bi Girava Îmraliyê ve bi rê ket.
Hevdîtina ku îro pêk were wê piştî avabûna Komîsyona Demokrasî, Xwişk-Biratî û Piştevaniya Mîllî ya li Meclîsê bibe hevdîtina destpêkê.
Lewma tê payin ku Rêber Apo têkildarî karên komîsyonê û pêvajoya çekdanînê peyamên girîng bide.
