NAVENDA NUÇEYAN- Kovara Yekîtiya Jinên Ciwan a Bakur û Rojhilatê Sûriye “SILAVA” bi slogana “Di Nava Dengê Xwezayê De, Dengê Azadiyê Bibîhîsin” derket. Di vê hejmarê de kovara Silava ku her du mehan carekê bi Kurdî û Erebî derdikeve mijarên girîng di çerçoveya Ekolojî de destdigire.
Di hejmarên borî de me behsa Sosyalîzmê kir. Niha dema Rêber APO behsa avakirina civakek sosylîst dike rêbazê vê jî nîşan dide. Ev jî bi avakirina Netewa Demokratîk û civakek sosyalîst pêkane. Netewa Demokratîk jî li ser sê lingên esasî dimeşe: Demokrasî, Ekolojî û Azadîxwaziya jinê. Ji bo em karibin paradîgmaya Rêber APO di kûrahiya xwe de fêm bikin emê di vê hejmara Kovara xwe de li ser lingê paradîgmaya Rêber APO bisekînin.
Hûn dikarin di Kovarê me de nas bikin Ekolojî çi ye, kesayetek ekolojîk çi ye û em çawa dikarin xwe bighînin civakek ekolojîk. Nirxandinên Rêber APO yên li ser Ekolojî cih digire û di perspekîfa Jinên Ciwan de hûnê nas bikin em çawa dikarin di kesayeta xwe de guhertinên pêwist bidin destpêkirin. Her wiha di beşa portre de hûn dikarin jiyan û têkoşîna Şehîd Tîjda Zagros nas bikin. Di berdewamiya xwendina kovarê de hûnê nas bikin Ekolojî wekî Têgeh xwedî wateyek çawa ye û di beşa Jineolojî de hûn ê têkiliyên jin û xwezayê fêr bibin. Herî dawî jî hunê nas bikin gelo Mikeyfên Kevnar çi ne û di çirokên Nînhûrsag de jî pîrozbûna xwezayê carek din şîn dibe.
Hûn dikarin bi navnîşanan jêrin re xwe bigihînin Kovara Silava:
https://t.me/jinenciwankurmanci
https://t.me/RagihandinJinenCiwan
https://linktr.ee/ragihandinajc
