MEXMÛR – Tevgera Ciwanên Mexmûr tevlî merasîma ji bo bîranîna kadroyên pêşeng yên Partiya Karkerên Kurdistan (PKK) Alî Haydar Kaytan û Riza Altûn bû. Xelkê Wargeha Penaberan a Mexmûrê her du şehîdan bi merasîmeke girseyî bi bîranîn.
Di merasîmê de berdevkê Tevgera Ciwanên Mexmûr Sipan Yaman li ser her dû cangorîyên azadîyê axivî û wiha anî ser ziman “Wek ciwan emê her tim xwe rêxistin bikin, têkoşîna xwe bilind bikin û bibin layîqê keda şehidên xwe”.
Merasîma bîranînê li Saziya Malbatên Şehîdan a Mexmûrê bi amadebûna gel bi deqeyek rêzgirtin ji bo tevahî Şehîdên Doza Azadiyê destpê kir. Piştî rêzgirtinê têkildarî têkoşîna her dû pêşengên PKK’ê Şehîd Alî Haydar Kaytan û Şehîd Riza Altûn Hevseroka Meclisa Gel a Mexmûrê Filîz Bûdak axivî.
Filîz di destpêka axaftinên xwe de, di kesayeta Şehîd Alî Haydar Kaytan û Şehîd Riza Altûn de hemû şehîdên şoreşê bîranî û wiha axivî: “Li ser kesayetên ku gotin û piratîka wan yekin, axaftin gelek zehmete. Ji ber ku herdu heval wisa bûn, mirov çi dike nake nikare gotinekî cûda ku wana pênase bike bibîne. Herdu heval ji Dêrsimê bûn, yên ku digotin yên li Dêrsimê mane bermahiyên şûrin, ji komkujiyê rizgar bûne, lê tenê fîzîkî rizgar bûne wê nikaribin carek din bi ser xwe ve werin, rêya têkoşîna gelê Kurd dan avakirin. Piştî komkujiyên li Dêrsim û Mihabadê, rêyekî ku Kurd li ser bimeşe tunebû. Ji ber wê bû, dijmin digot ‘me li Agiriyê tirbekî kola, ew xistinê û ser de beton kir.’ Van hevalan ji sifrê destpêkirin bi Rêbertî re rê avakirin, bûn rê, bûn hervrê û di wê hevrêtiyê de bi hezaran li xwe zêdekirin. Kesayetên ku ji kesayetiya xwe kesayet didan afirandin bûn, ji ber wê ew hostayê gotin û pratîkê bûn. Li cihê ku gotin hûn tine bûne, wan dest bi vejînê kirin. Eşqek li beranberî Rêbertî, rizgarî û azadiyê bêyî ku biwestin, bêyî ku dudiliyê jiyan bikin li ser rêya heqîqetê meşiyan. Soza me bilindkirina têkoşîna wane, soza me li xeta Netewa Demokratîk derketine her wiha soza me ya bingehîn azadiya fîzîkî ya Rêber Apo ye.”
Her wiha li ser navê Komîteya Malbatên Şehîdan, Hezar Nerexî jî axivî û destpêkê herdu şehîd bibîranî û wiha got: “Yên ku îro ji bo me bedelên giran dane em bikaribin li vêderê li ser fikir û felsefeya Rêbertî xwe rêxistin bikin, pêşbixin û xwe ji koletî û zordariya bi hezaran sal li ser hemû kêmenetewan bi taybet li ser gelê Kurd hatî meşandin rizagar bikin. Pêşengên me yên bi vî rengî li gel Rêbertî ji kêliya destpêkê het kêliya şahadetê bê dudilî tevgeriyan û gihiştin şahadetê em bi minetdarî bîrtînin.”
Her wiha piştî axaftinê merasîm bi dirûşmeyên ‘Şehîd Namirin’, ‘Bijî Serok Apo’ bidawî bû.
Wê li Saziya Malbatên Şehîdan a wargehê ji bo Şehîd Alî Haydar Kaytan û Şehîd Riza Altûn, du şevan serdanên sersaxiyê bên qebûlkirin.
