NAVENDA NÛÇEYAN- Esma ku di 9 salî de dest bi çêkirina wêneyan kir, niha 16 salî ye û saleke tevlî perwerdeya wêneyan dibe. Esma ku bi pênûsa reş dest bi çêkirina wêneyan kir, niha bi rêya boyaxê hewl dide hunera xwe bi pêş ve bibe. Esma heta niha 10 tablo amade kir û ev berhemên xwe hem digihîne hunerhezan û hunera xwe pêşkê dike, hem jî xwedî li nirxên dîrokî yên çand û hunerê derdikeve.
TEVKARIYÊ LI VEGUHERÎNA CIVAKÎ DIKE
Esma li ser daxwaza ji civakê bi konseptên cuda tabloyan amade dike, bi vî rengî hunera xwe cihêreng dike û di her berhemê de jî hewl dide bibe dengê gelê xwe. Malbat û hevalên wê pêşketina Esma ya li hunerê bi kêfxweşî pêşwazî dike. Hunermenda ciwan jî tevkariyê li veguherîna civakî dike.
Hunermenda ciwan bi xwedîderketina li nirxên çand û hunerê yên dîrokî sûdê ji rabirdûya gelê xwe werdigire. Serketina Esma dibe mînak ji hunermendên ciwan re û dike ku huner li nava civakê hîn bêhtir belav bibe.
ASOYÊN NÛ DIAFIRÎNE
Esma hunerê ji bo xwe weke şêweyeke vegotinê dibîne. Berpirsyariya civakî û mîrateya çandî bi hunera xwe re dike yek û berhemên xweser diafirîne. Tevî temenê xwe yê ciwan jî gavên wêrek diavêje û asoyên nû diafirîne.
HEBÛNA HUNERÎ YA JINAN DIVÊ BÊ XURTKIRIN
Esma bang li jinan hemûyan dike ku potansiyela xwe nîşan bidin, bandor û hebûna xwe ya li nava hunerê zêde bikin.D
ÇAVKANÎ- ANF
