REQA – Hevbîna Xwebûn ya Yekîtiya Jinên Ciwan di bin duruşmeya; “Jin, Jiyan, Azadî, Serbixe Azadî” de duh li Reqa dest pê kir, û îro di roja xwe ya 2’yemîn û dawî de berdewam dike, bi tevlîbûna pêkhateyên kurd, ereb, ermen û suriyan ji tevahî Bakur û Rojhilatê Sûriyê. Jinên ciwan ên Suriyan ku beşdarê hevbînê bûn derbarê vê çalakiyê bi Nûçe Ciwan re axivîn.
“Navê min Culiye Beşîr e. Ez hevseroka ciwanên Suryanî me. Em îro tevlî Hevbîna Xwebûn bûn yê ku Yekîtiya Jinên Ciwan pê rabûye. Îro jî rol dane jinên Suryan jî ku xwe nas bike, tekoşîna xwe nas bike û netewa xwe jî nas bike. Jinên Suryan di bin desthilatdariyê de jiyan kirin, em di bin desthilatdariyek wisa de bûn ku nedihêşt em hêza xwe bidin nîşan û dengê xwe derxin, hertim me û koçberî rû bi rûyê hev hêştin. Dîsa jî em rastî gelek qirkirinan bûn weke Sîmêl, Seyfo, hekarî û Itîfaqa Lozanê jî, ev qirkirin hêşt ku lewaztî bi jinê re çêbibe û heşt ku gelê me jî koçber bibe, jin jî di nav lewaztiyek mezin de bû. Me jî wek jinên ciwan xwe di rêxistinbûna xwe de xwe avakiriye ji bo em bikaribin weke jin cihê xwe di nav saziyan de bigrin û dengê xwe bilind bikin, ne tenê bi tiştên mal re mijûl bibin.
Em jî rêxistinbûna xwe jî girîng dibînin ji ber vê jî me komîteyên xwe yên silhê jî avakirin ku pirsgirêkên ku di nav jin û malbatan de derdikevin çareser bikin. Wek Rêber Abdulah Ocelan jî rolekî girîng da jinê. Ji ber vê ger jin hilweşe wê civak jî hilweşe, ji ber vê jî divê jin her bi hêz be, ji ber zilam bi rastî jî her dixwaze jinê bişkîne û wê bike milkê xwe, ev jî ne raste, jin jî dikare gelek tiştan bi hevre bike, ji ber jin hişyarbûye heya astekî û êdî fêm dike çi li derdora wê çêdibe. Em jî spasya Yekîtiya Jinên Ciwan dikin ku me dawetî vê çalakiyê kir. Û ez dixwezim hemû jinan bi boneya 8’ê adarê pîroz bikim. Û ez serkeftinê ji hemû jinan re dixwazim, divê em hemû destên xwe bikin yek û wisa dengê xwe bilind bikin ku êdî dengê me bigihêje dervayî suriyê jî.”
“Navê min Sîlva Berrî, di komîteya ciwan û werzîşê û di xebatê jinên ciwan ên suryan de jî cihê xwe digrim û ez endamê Partiya Yekîtiya Suryan im. Em îro tevlî çalakiya jinên ciwan ya ji bo 8’ê adarê bûne. 8’ê adarê gelek deng daye ji ber bûyera kargehê ku tê de neheqî hatî kirin. Dîsa 8’ê adarê bû şoreşek ku tê de jin êdî li mafê xwe bigere û biparêze ji zihniyeta desthilatdar yê ku hakîmiyeta xwe li ser ferz kiribû. 8’ê adarê di jiyana jinê de bû tiştek cîhanî û êdî hemû berpirsyartiyên xwe û hêza xwe nas dike. Jin, êdî roleke xwe yê girîng di jiyanê de çêbû, ji ber tevlî gelek tiştan êdî dibe û xwe îspat dike û êdî hevsengiya di navbera jin û mêr de heya astekî ava dibe. Jin her çû asoyên xwe di jiyanê de hîn firehtir kir û rola rêveberiyê dîsa hilgirt ser milê xwe, ev yek bi fikira netewa demokratîk ava bû ku hêşt jin hîn bêhtir çalak bibe.
Jin di qada eskerî de jî cihê xwe girt û xwe bi xwe, xwe diparêze bêyî ku zilam alîkariya wê bike. Ji bo jinên ciwan ew jî bi çalakiyên xwe hîn bêhtir xwe çalak kirin. Jinên ciwan bi tevlîbûnên xwe yên mezin û xurt roleke mezin lîst, êdî jin dengê xwe derket, îradeya xwe dît û bi karê xwe rola xwe mezintir kir. Jin berê tenê bi karên malê û zarokan re mijûl dibû, roleke xwe ya diyarker ku xwe tê de îsbat bike nîn bû, zilam kesayeta jin pir lewaz kiribû. Ema niha rewş hat guhertin û êdî jin maf û berpirsyartiyên xwe nas dike û êdî rabûye ku ji nû ve mafê xwe bi destbixe û xwedî li nasnameya xwe ya xwedawendî derketiye wisa bû îlham ji gelek kesan re. Banga min ji bo her jineke suryan û hemû jinan mafê xwe bixwaze, xwe îspat bike û kesayeta xwe bihêz bike û xwe pêşbixe, xwe perwerde bike, li beramberî hemû zehmetiyan xwe xurt bike û tekoşînek rast bimeşîne û heya nefesa xwe ya dawî bihêz be ku îspat bike ku ew jine û dikare gelek tiştan bike û ti ferq û cudahî di navbera wê û zilam de tuneye û ew civak hemûye.”
