NAVENDA NÛÇEYAN –
Ji Pênûsa Gerîla Sakîne Herakol…
Tu buyî modela sed sala 21 mîn,
Tu bo derguşa mirovahî yê .
Te tevahî gelên bindest di nava dilê xwe de hembêzkir ,
Derîyê hest û ramanên xwe jibo hemû netewan vekir,
Te zarokên rûken û dil wêrek baxçê azadî ya xwe de bicîhkir…
Ji ber vê sedemê ye ku îro jin û ciwan berê xwe didin welatê rojê. Dilê milyonan keç û xurtên Kurd ji bo te lêdixê û berê xwe dide warê şoreşgerên xwiyn herikandin. Ji ber wê navê te kirinê Şoreşa 19 Tîrmehê ango şoreşa biratiya gelan. Penasekirin û serlêv kirina navê te di hindirê peyvên zerîn û bedew de hatiyê neqişandin. Xwiyna zarokên Kurd, Erep, Sûryan hwd weke bûka barana piştî tavê Rojava xemilandiyê. Her bohestêk axa Rojava bi xwiyna lêhengan hatiyê avdan, tovên hêviye li ser singa erdnîgariya wê şîn dibe. Dinavbera her dû çemên Dîcle û Firat rihê fedaî û hêza tekoşîna jibona welat herikandin. Navê Arîn, Berxwedan û Avesta li ser çek û bombeya xwe neqişandin, hêrs û kîna dilê xwe dinava dijmiin û neyaran da teqandin. Şervanên şopdara Heqîqeta Egît Zîlan û Viyanan, remza lehengî û tolhildanê bûn ew zarokên agir û rojê bûn. Kurdê mirî şiyar kirin, penûsa dîrokê bi navê xwe ronî kirin û mohra berxwedana gelan ser nivîsandin. Bi fikir û felsefeya Rêber APO pergala jiyana nûjên konfederalîzma demokratîk ava kirin. Dewlêmendiya ziman, çand, al û gelan hindirê hevdê hewandin. Bi siwana demokrasiyê hêz û hebûna xwe parastin.
28 serhildanên dîroka Kurdistan tecribe û encamên pewîst derxistin holê. Şoreşa PKK a ku Rêber APO da ye despê kirin îro tevahiya gûnd û bajaran, dest û çiyan ser singa parzemîna cîhanê belav kiriye. Çirûska ji bendawa çibûka li enqerê îro wek agirê dor rojê ser cîhanê şewqa ronahiya xwe daye. Hêzen desthilatdar û di pişt perdeyên reşda xwe veşartî erîşê şoreşa biratiya gelan dikê, bê ku pîvanên şer nasbike lîstok û xwiynmejiya xwe didomîne. Hewara ku erd û asîman qelişand gûhê gerîlayên azadiyê de deng vedida û bê ku astengî, cûdahiya ol û baweriyan nasbikin xwe berdidan nava cenga berxwedanê. Bi çek û bombê xwe erîşên neyaran şikandin. Xiyaneta dinava Kurdan hewil dide xwe bidomînê lê pewîste neyê ji bîrkirin ku bi birdoziya Rêber APO wê ne tenê îxanet wê tevahî neyar û desthilatdar tine bibin.
Axaftinek heye dibêjin çavên li derîya xwelî li seriya, ji xwe çavên li derîyabin hertim dibe kolê dijmin û dijminatî ya Kurdan dike. Kurdên xîyanetkar hertim gel desthilatdaran cihê xwe girtî ye tûcaran tiştekî ji bo kurdan û şoreşa Kurdan nekirye ji ber wê sedemê ye ku mafê xaînan nînê û tûneye ku behsa destkeftîyên Kurda bikin û bînin ser ziman. Heya digihijê wê astê ku kes ango kesên xaîn li ser erdnîgariya Kurdistan bijî. Şoreşgerên welat, hestên welatparêz xaka nîştiman diparêze.
Li ser destkeftiyên Kurdan êrîşên pir berfireh, polîtîqayên qirêj tên meşandin, her çiqas wek hêz dewleta Tirk aşkera xwuya bikê jî lê tevahî hêzên hegemon dinava vê erîşkariyê de cîh digrin. Pergala desthilatar a kapîtal dixwazê bi qirkirin û hêlandinê şerê Rojhilata Navîn çareser bike. Lê pewîste baş werê zanîn ku hêzên hegemon û di despekê de dewleta tirk di milê civakî, aborî, siyasî û hwd. Ketinê rewşek tangavda. Ji ber ku binketina xwe qebûl nake jî bi dek dolabên qirej gefan li ser tevahî hêzên demokrat dixûn. Her wiha dinava şerê li Rojhilata Navîn de berjewendiyên hêzên ABD, AB û hêzên desthilatdar hene jibona wê yekê jî beramberî erîşên dewleta tirk bêdeng ango ker, lal û kor dimînin. Heya roja me ya îro jî erîşên qirker ango jenosîta gelan dilîzê, rastiya civakbûna wan dûr dixe. Sazî û deskeftiyên ku dibejin em mafê mirovan diparêzin îro beramberî wan erîşan bêdengin, berovajî ew yêk jî tevlî van erîşan dibin û dipejirînin. Pergala ku bi destê zordaran hatiyê nivîsandin wê bi destê jina Kurd ji nû vê bê nivîsandin. Jina Kurd a serhildêr çawa erîşên DAIŞ e li Bakur û Rojhilatê Sûriyê şikand û tekbir wê erîşên tevahî zilamên zordest mejiyê dewleta zilamperest jî têkbibe.
Şoreşa Rojava Şoreşa Jinê ye. Jibona wê di despekê de wek jinên Kurd û tevahî jinên Rojhilata Navîn pewîste em bin sîwana YPJ de kom bikin. Her wiha Serokê netewî Rêber APO bi fikir û felsefeya xwe beramberî pergala kapîtal pergala demokrat, azadîxwaz ava kir. Heman demê jibona berxwedanêk bê hempa û serkeftinêk bi rûmet jî stratejiya şerê gelê şoreşgerî pêşxist. Parastina welatê xwe erk û berpirsyariya tevahî civak û şoreşgerê wê civakê ne. Şoreşa Rojava îro hêviya tevahî jinan û gelanê. Keç û lawên dinava cenga azadiya gelande cîh digrin wekê derwêş hespê mirada evînê dibezînê û tola hezara salên derbasbûyî radike. Ciwanên Kurd pêşeroja mirovahiyê dinivsînin, ji ber vê yekê çeka şoreşê hildan ala kesk sor û zer hildan erka dîrokî pêkanînê. Dîroka ku bi xwiyna pakrêwanên hatiyê nivîsandin wê neyê ji bîrkirin. Navê wan wê zarokên nû dayikbûyire, perwerdên dîrokêre, hêviyan re wê bibe mînaka şenber ya herî rast a jiyanê ye.
