NAVENDA NÛÇEYAN – Şoreşa Rojava gelek şoreş di nav xwe de hewandin, di nav xwe de şoreşa jinê, şoreşa ziman, şoreşa ciwanan hewand. Şoreşa ziman an jî bi giştî şoreşa perwerdehiyê ji bo gel bi tena serê xwe bû şoreş û vejîneke nû.
Ji ber vê têkildarî şoreşa ziman ya ku li Rojavayê Kurdistanê bi pêşketî yek ji endamê Desteya Perwerde û Fêrkirinê ya herêma Cizîrê Hesen Elî Mihemed, ji me re axivî û diyar kir ku şoreşa Rojava di nava xwe de yek ji şeroşên herî girîng şoreşa ziman pêşxist.
‘Eger zimanekî kesekî nîne be, ew kes bê nasname, bê dîrok û bê pêşeroj e’
Hesen Elî Mihemed bi şirove kirina girîngiya perwerdê dest bi axaftina xwe kir û got; “Navê min Hesen Elî Mihemed, endamê Desteya Perwerde û Fêrkirinê ya herêma Cizîrê. Ji bajarê Qamişlo me. Dema ku destpêkê şoreş ava bû, me pir zehmetî dîtin, ji ber ku avakirina şoreşekî ne hêsane û ne jî tesadûfe. Beriya ku şoreş were avakirin, amadekarî ji gelek tiştan re hatibû kirin, wekî saziyên me ya zimanê Kurdî, beriya ku şoreşa were pêşxistin, me bi dizî xebatê xwe ya perwerdeya zimanê Kurdî dida meşandin. Piştî avabûna şoreşê jî weke her saziyekî din, saziya zimanê Kurdî jî bi awayekî fermî bi pêşxist. Me saziya zimanê Kurdî bi kêm derfetiya xwe, bi tirsa xwe ya li hember Rêjîmê û bi zehmetiyan bi rêve bir. Armanca me her pêşxistina zimanê Kurdî bû. Ji ber ku Rêber Apo jî dibêje “Asta pêşxistina jiyanê, ji asta pêşxistina ziman tê”, eger zimanekî kesekî nîne be, ew kes bê nasname, bê dîrok û bê pêşeroj e. Ji ber ku her tişta mirovekî ji zimanê wî destpêdike.”
‘Şoreşa ziman ya ku li Rojava bi pêşketî, bi saya fikir û felsefeya Rêber Apo ye’
“Me jî destpêkê zehmetî kêşan, bi taybet ji ber ku kesên karbin zimanê Kurdî bixwînin û binivîsin, pir kêm bûn, kesên amade jî nîn bû. Xebatê me ya perwerdê ji çend kesan destpêkir. Ji ber aboriya kêm jî me gelek astengî dîtin, kesên wisa ku karbin, malên xwe ji me re vekin jî pir kêm bûn. Tapî herkes jî dizane, bi saya fikir û felsefeya Rêber Apo û tevgera azadiyê, me karîbûye pêşketinên bi vê rengî bi dest bixin. Tevgera azadiyê ji beriya ku şoreş destpêbike de, amadekariyên xebatên bi vî rengî dikir, piştî avabûna şoreşê jî amadekariyên ku hatibûn kirin, me jî ji wir de xebat berdewam kir. Li ruxmî hemû zehmetî û kêm derfetiyan, dîsa me xebata xwe dewam kir û heya em gihîştin vê astê. Em dikarin bêjin di roja me ya îro de 21500 mamosteyên me çêbûne, ji wan zêdeyî 10000 mamosteyên me, bi zimanê kurdî dixwînin û nivîsînin. Ji derveyî wê bi hezaran xwendakarên me hene, bi zimanê Kurdî dixwînin û dinivîsin, ev tiştekî ji rêzê nîne.”
‘Serkeftina şoreşa Rojava di avakirina şoreşa ziman de bû’
“Çawa ku di şoreşa Rojava de şoreşa çekdarî destpêkir û bi serket, şoreşa ziman jî destpêkir û bi serket. Serkeftina şoreşa Rojava di avakirina şoreşa ziman de bû. Heya roja îro gelek akademî, peymangeh û zanîngehên me çêbûne. Di nava van salên ku me şoreş avakirî de, me Rêjîm ji qadên xwe derxistin û me perwerdeyên xwe ya zimanê dayîkê dîtin. Di nava tevahî şoreşên dinyayê de, dikarim bêjim pir kêm şoreşan karîbûne derfetên bi vê rengî bi dest bixin.”
NC// Îlan Kobanê
