QAMIŞLO – Bi boneya roja rojbûna Rêber Apo jina ciwan ya bi navê Koçer Hisên ji ajansa me re axivî. Koçer di nava axaftinê xwe de bal dikşîne ser derketina Rêber Apo ya dîrokî û got; “Her danûstandinek bi Rêber Apo re tê wateya gavên mezin ber bi azadiyê ve avêtin. Ji bo ku tu kes vê gavê bi Rêbertî re nevêje, hemû hêzên navnetewî di nava tevgerê de ne û bi polîtîkayên xwe yên qirêj rê li gelek qirkirina vedikin. Armaca her hêzê jî ewe ku ev gelê azadîxwaz di şexsê Rêber Apo de werin tunekirin.”
Derketina Rêber Apo ji bo me şanseke mezine
“Navê min koçer Hisên e. Em weke jinên ciwan di destpêkê em 4’ê Nîsanê li tevahî gelê cîhanê pîroz dikin, taybet em li Rêber Apo pîroz dikin. Em jî weke gel dibêjin rastî jî em gelekî bi şansin ku kesayetekî weke Rêber Apo li welatê me ji dayîk bû û bû pêşengê me. Em çiqasî li ser jiyana Rêber Apo vebêjin, bi taybet aliyê fikir û ramanên Rêber Apo ya derbarê jin de jî têrê nake. Dema em dibêjin rojbûn yan jî ji dayîkbûna Rêber Apo em hertim dikevin wê ferqê de ku em çiqas însanê bi şensan bi Rêberekî wisa re. Di dîrokê de jî û niha jî gelek kes bi navê serok hene, lê her kes li pey berjewandiyên xwe yên şexsî ketine. Di felsefeya Rêber Apo de mirov xwaşiyên dîroka mirovahiyê dibîne. keda Rêber Apo hemû di xizmeta mirovahiyê de ye.”
Ji bo ku em bigihêjin heqîqeta xwe em Rêber Apo bixwînin
“Erdnîgariya Urfa weke ku Rêber Apo jî her behs dike, li wê derê çanda dayîk-xwedawend berdewame. Ev yek jî li ser kesayetan ji aliyê civakbûn û baweriyan ve bandor dike. Îro Rêber Apo ji civak û gelê xwe ve gelek derfetên xwe perwerdekirinê daye pêş me, gelo em weke ciwan çima van pirtûkan naxwînin û xwe perwerde nakin? Gotineke Rêber Apo jî heye dibêje “Ez hertim gel we me, lê hûn min naxwînin” Çareseriya hemû pirsgirêkên Rojhilata Navîn di fikir û ramên Rêber Apo de derbas dibe. Raste Rêber Apo fîzîkî dîlgirtiye, lê fikir û ramanên Rêber Apo azadin. Ji bo ku em bigihêjin heqîqeta xwe em Rêber Apo bixwînin. Ji ber ku fikir û ramanên Rêber Apo hemû plan û projeyên dijmin vala derxistin û wê hîn jî derbixe. Ji ber ku Rêber Apo hemû polîtîkayên dijmin teşîr kir, dijmin jî nikarîbû li hember kesayet û sekneke wisa berxwe bide, ji ber vê jî bi hemû hêza xwe û bi her awayî êrîş dike.”
Her danûstandinek bi Rêber Apo re tê wateya gavên mezin ber bi azadiyê ve avêtin
Tişta ez dixwazim bêjim ewe ku divê her kesek dengê ciwanan bibhîse ku em dibêjin Rêber Apo bi fikir û ramanên xwe azade, tu carî dîl nayê girtin. Di heman demê de ev nayê wê wateyê ku em Rêber Apo fîzîkî azad nekin. Her ku dem diçe tecrîda ser Rêber Apo jî girantir dibe. Di nava tu hiqûq û qanûnan de rêbazeke bi vê rengî ya girtinê nîne. Her danûstandinek bi Rêber Apo re tê wateya gavên mezin ber bi azadiyê ve avêtin. Ji bo ku tu kes vê gavê bi Rêbertî re nevêje, hemû hêzên navnetewî di nava tevgerê de ne û bi polîtîkayên xwe yên qirêj rê li gelek qirkirina vedikin. Armaca her hêzê jî ewe ku ev gelê azadîxwaz di şexsê Rêber Apo de werin tunekirin. Ji ber ku jin pêşeng û hebûna civakê ye, dijmin hertim êrîşî ser wê dike, her kes dixwaze jinê tune bike. Lê Rêber Apo dixwaze jinê vegerîne ser cewhera wê û jin bi rola xwe ya sereke di nava civakê de derkeve pêş.
NC/Viyan Serhed
