BEHDÎNAN – Navenda Ragihandin û Çapemeniyê ya HPG’ê agahiyên nasnameyê yên gerîlayên ku li Êlih û Şemzîzanê şehîd bûne bi bîr anî.
HPG’ê di daxuyaniya xwe de ev agahî dan:
“Di daxuyaniya we de ya 28’ê Tebaxê me bi raya giştî re par ve kiribû ku 24’ê Tebaxê artêşa TC’ê ya dagirker li Colemêrg Şemzînanê li qada Tuyê operasyonek daye destpêkirin, bi bombebarana dema operasyonê sê hevalên me şehîd bûne.
Agahiyên nasnameyê yên hevalên me yên şehîd wiha ne;
 |
Nasnav: Madora Ûrmiye Nav û Paşnav: Sureya Şaîfî Cihê Jidayikbûnê: Ûrmiye Navê Dayik – Bav: Gulşen – Abdulazîz Cih û Demê Şehadetê: Şemzînan / 24’ê Tebaxa 2019’an |
 |
Nasnav: Dijwar Tolhildan Nav û Paşnav: Azad Nas Cihê Jidayikbûnê: Mêrsîn Navê Dayik – Bav: Meryem – Idrîs Cih û Demê Şehadetê: Şemzînan / 24’ê Tebaxa 2019’an |
 |
Nasnav: Rûken Ekîn Amed Nav û Paşnav: Rûşen Temel Cihê Jidayikbûnê: Amed Navê Dayik – Bav: Redde – Azîz Cih û Demê Şehadetê: Şemzînan / 24’ê Tebaxa 2019’an |
MADORA ÛRMIYE
Hevrêya me Madora 1989’an li bajarê Uramiyê yê Rojhilatê Kurdistanê hatiye dinê. Hevrê Madora ku li nav çanda geş a Rojhilata mezin bûyî, ji nêz ve zext û polîtîkayên asîmîlasyonê yên pergala dewletê yên li ser Kurdan dîtiye, hevrê Madora ku ev pergala li dijî hebûn, ziman û çanda Kurdan ti carî qebûl nekirî, ji felsefeya azadiyê ya jinan a Rêbertî pir karîger bûye û ew rastî ditiye ku li dijî vê pergalê têkoşîna esasî li çiyayên Kurdistanê dikare were dayin. Bi vê çarçoweyê hevrê Madora 2011’an tevlî nav refên gerîla dibe, ji roja ku pêşî ya ku tevlî nav gerîla di nav Tevgera Azadiya Kurdistanê de dibe milîtaneke fedayî û fermandareke zîrek. Hevrê Madora ku di nav hevalên xwe de bi helwesta xwe jiyanê û fedekariya xwe zanîn dibe mînaka hevrêtiyê. Tim li dijî dijmin di nav têkoşînekê de bûye û hemû peywirên ku ketine ser milan bi cih aniye. Heta gava ku şehîd bûyî jî ji bo azadiya gelê Kurdistanê şer kiriye û tevlî nav karwanê şehîdan bûye.
DIJWAR TOLHILDAN
Hevrê Dijwar li Mêrsînê li nav malbateke welatparêz hatiye dinê. Hevrê Dijwar polîtîkayên dewleta TC’ê ya dagirker a li dijî gelê Kurd li metropolan ji nêz ve dîiye, 2014’an, ew civanê ku ji xaka xwe hatî qutkirin tevlî nav gerîla dibe. Piştî ku di nav refên gerîlda cihê xwe distîne bi dînamîzma ciwanan di demeke kurt de adepteyî jiyana gerîla dibe û li gorî rihê dema nû xwe gihandiye. Hevrê Dİjwar ku bi rûkenî, zelaliya xwe bandor li hevrêyên xwe kiriye, li her devera ku çûyî jê hatiye hezkirin. Di têkoşîna dijî dijmin de qet sist nebûye û her roj bi îdeolojiya azadiyê ya Rêber Apo xwe bi pêş ve biriye. Li dijî operasyona dagirkeriyê ya TC’ê ya faşîst bi lehengî şer kiriye û bûye xwedî kedeke mezin.
RÛKEN EKÎN AMED
Hevrêya me Rûken li Amedê li nav cîhaneke welatparêz hatiye dinê û mezin bûye. Hê ji zaroktî konsepta şer a ewleta TC’ê ya faşîst a li ser Amedê dîtiye û ev qebûl nekiriye. Hevrê Rûken ku dîtî dewleta TC’ê ya dagirker ti hurmeta xwe ji Kurdan û çi tiştên têkilî Kurdan re nîn e, 2015’an tevlî nav Tevgera Azadiya Kurdistanê dibe û wih a bersiva herî mezin dide faşîzmê. Hevala me Rûken ji roja peşî ve ku gava xwe avêtî nav çiyayên Kurdistanê hewl daye ku bibe şervaneke xurt. Bi hîsên herî pak yê wê derdora welatparz ku lê gihiştî di nav têkoşînê de tim fedekarî nêz bûye. Heval Rûken li ser felsefeya azadiya jinê ya Rêber Apo xwe kûr kirye, bi nirxên hevrêtiyê, bi têkoşîna ku dayî li dijî êrîşên faşîzma TC’ê têkoşîneke bêhempa daye. Ji hêla dilnizmî, kedkar û têkoşeriya xwe ve ji hêla hevalên xwe ve wê tim were bibîranîn û mînak were girtin.
27’ê Tebaxe bi daxuyaniyekê me bir raya hiştî re par ve kiribû ku 24’ê Tebaxê artêşa TC’ê ya dagirker li qada Qelanisê ya Êlihê operasyon daye destpêkirin, 25’ê Tebaxê bi encama bombebarê 2 hevalên me şehîd bûne. Di van bombebaranan de agahiyên nasnameyê yên hevalên me yên şehîd Dijwar (Ekrem Aksoy) û Harûn (Ugur Dagli) wiha ne:
 |
Nasnav: Dijwar Sason Nav û Paşnav: Ekrem Aksoy Cihê Jidayikbûnê: Êlih Navê Dayik – Bav: Edîbe – Îhsan Cih û Demê Şehadetê: Êlih / 25’ê Tebaxa 2019’an |
 |
Nasnav: Harûn Berxwedan Nav û Paşnav: Ûgûr Dagli Cihê Jidayikbûnê: Êlih Navê Dayik – Bav: Ayten – Vahdettîn Cih û Demê Şehadetê: Êlih / 25’ê Tebaxa 2019’an |
DIJWAR SASON
Hevrêyê me Dijwar Sason 1987’an li Qozlikê ya Êlihê li nav derdoreke welatparêz tê cîhanê. Hevrê Dijwar ku ji nêz ve faşîzma dewleta TC’ê ya dagirker dîtî, 2010an tevlî nav refên gerîla dibe û li dijî dijminên gelê Kurd, li dijî hovitiya wan dibe xwedî helwesteke aktîv. Hevrê Dijwar ku dema êrîşên dijmin zêde bûn li Eyaleta Xerzanê bi aktîvî peywir dikir, li dijî dijmin bi fedaî têkoşiyaye û derbên giran li dijmin dane. Her kêliya ku li nav refên gerîla mayî, peywirên ku ketine ser milê wî bi bîrewerî lê xwedî derketiye û bi daxwazeke mezin peywirên xwe bi cih anîne. Hevrê Dİjwar ku bi tecrûbeya gerîlatiyê bûyî fermanarekî pêşeng, kedeke mezin daye. Her kêliya ku jiyaye di ber azadiya gelê Kurd de daye û bûye yek ji milîtanê fedayî yê rastî yê Rêber Apo.
HARÛN BERXWEDAN
Hevrê Harûn jî li navenda Êlihê hatiye dinê û ji nêz ve polîtîkayên tinekirinê, pişaştinê yên dijmin ên li ser gelê Kurd îtiye. Li dijî dewleta TC’ê ya faşîst ku ji bilî komkujiyan tiştek layiqî Kurdan nabîne 2014’an tevlî nav refên gerîla dibe. L iser xeta Fedayî ya Apoyî xwe daye azadiya gelê me û gaveke jî dudilî nebûye ku tevlî têkoşînê nebe, li dijî polîtîkayên qirker ên dijimn ên li ser gelê me heta dawiyê şer kiriye. Li Eyaleta Xerzanê hevrê Harûn bûye şervanekî mînak, bi fedakarî û biryardariya xwe bûye milîtanekî ku serê xwe berjêr nekirî.
Di serî de serê malbatên hevrêyên me yên ku şehîd bûne, serê tevahiya gelê Kurdistanê yê welatparêz sax be, em soz didin ku alaya azadiyê ya ku şehîdên me rakirî bi Rêbertiya Azad- Kurdistana azad tacîdar bikin.”
