NAVENDA NÛÇEYAN – Rejîma Akp piştî hilbijartinên Stenbolê ku binket, vê carê xwe bi temamî da karên derve ango ket ferqa vê yekê, ev binketin di dîroka wî de derbeyek mezin bû. Wî bixwe ji vê yekê baş dizanî bû ku ev çûrska yekemîn ya tekçûna wî bû. Ji ber vê yekê jî ji niha ve hilbijartinên 2023 yan dixe rojevê ku di vir de esas armanc bi giştî dizayneke nû dayîna komara Tirkiyê ye. Jixwe armanca ava kirina Akp’ê ji despê ke ve ew bû ku pilanên DYE yên li Rojhilata Navîn bi destê Akp li Tirkiyê werin bicîh anîn. Ango cih Tirkiyê û yê ku vê yekê pêk bîne Erdoğan bû. Lê çawa ku hemû diktator bi vî awayî bûne, Erdogan jî dora wî hatiye û ku bixwe jî vê yekê baş dizane. Bi taybet derbeya 15’ê Tirmehê bû tirsa herî mezin ji bo wî. Dewleta perwaz ango dewleta kûr ku Rêberê Gelan Abdullah Ocalan hertim bal dikşîne ser, bi awayê herî şênber li vê derê xwe da der ku ev ne tiştek kêm bû. Piştre jî jixwe berdewamiya vê hat, heta ku di hilbijartinan de ji alî gel ve jî helwest hat dayîn. Ji ber vê ye ku ewqas 2023’yan dixe rojev ango 100 saliya damezrandina komara Tirkiye de wê dizaynek nû bide hikumetê. Ji bo ku çarenûsa wî neşibe diktatorên dîtir, dixwaze xwe bi şêwazek bike ku ne girêdayî yek dewletê be ango xwe tenê bi DYE ve girêdayî nehêle. Mijara S-400 û F-35an ji bo vê yekeye. Disa li Behra Spî hewildanên ku li gel Bakurê Komara Kîprosê ya Komara Tirkiye parek ji wir bigre jî bi heman armancê ye. Li gel vana bi Çîn, Japonya û gelek dewletên derve re hevdîtinan pêk tîne. Disa li Lîbya yê şerê ku ketiye nav jî wisa ye. Bi van yekan çawa ku armanca sereke ew e ku Erdogan dibêje qey wê xeteriya derbeyek tine bike û bixwe bibe xwedî hegemonyayek, dixwaze gel jî bi vê bide bawer kirin.
Hemû rojev bûne ticareta Erdogan ya li derve, hevdîtinên wî bi welatên derve re û hwd. lê ne di ferqê de ye ku esas dîktatoriyên mezin hertim jî hindir ve dirûxin. Erdogan got qey dewleta perwaz fêm kiriye, lê xuyaye ku ne wisaye. Bi hinek rojevên wek “me FETO xelas kir” dibêje qey her tişt çareser bû. Lê hewildanên ava kirina partiyeke nû ne tiştek ji rêzêye û wê Akp’ê hêdî hêdî birizîne ya rastîn ji Erdoğan qut bike. Ango ev partiya ku tê hedef kirin wê bi desteka DYE ji kûrve xwe rêxistin bike. Li gel vê yekê piştî hilbijartinan referandûmê ewqas xistina rojev Erdogan dide mecbûr kirin ku edî wek berê nêz nebe. Ango divê xwe ji nasnameya Akp’yî bûnê dûr bixe û ev jî li gel armanca ava kirina partiyeke nû wê destê Erdogan hîn lawaztir bike. Dîsa gelê Tirkiyê her ku diçe esas ji rojevên siyasî dûr dikeve û li rewşa di serî de aborî, pirsgirêkên civakî mêze dike û li gor wê hilbijêrka xwe dike. Di vê mijarê de jî her çiqas wek ku her tişt berbi başbûnê ve diçe binirxîne jî di esas de di gel de di vê mijarê de bêbaweriyek çêbûye. Disa piştî hilbijartinan hinek şîrket, sazî û dezgehên dewlemend ku aboriya Tirkiyê li ser piyan dihêlin ji Akp’ê qut bûn ku sedemek sereke ya ji çavan ketina Erdogane. Dema ku vana tên gel hevdû, di nav civakê de xwe bibandor kirina hêzek û fikrek nû wê ne zehmet be. Disa mijareke dîtir ya sereke jî bêguman êrîşên faşîzane yên li hember Tevgera Azadiyê ne. Di esas de ti hêzek Erdoğan jî di vê de nîne û xwe bi spartina xeta hevkar PDK’ê vê yekê dike lê di serî de Rojava, Bakûrê Sûrî û Bakûrê Kurdistanê bi destxistina statûyek ango ewlekariya makezagonî kû Rêberê Gelan Abdullah Ocalan her carê bal dikşîne ser wê di vî alî de tiştek ku Erdoğan xwe bispêrê nemîne. Di warê leşkerî de jî ev ji bo wî rewşên zehmet bi xwere tîne. Jixwe piştî ku li Îdlibê jî di navber DYE û Rûsya de bimîne wê ev jî ji bo wî rewşeke hîn zehmettir ava bike. Tiştê ku li bendê ye jî wê bi dest nexe…
