NAVENDA NUÇEYAN – Êrîşên balafirên Artêşa Tirk ya dagirker li ser gund û çiyayên Kurdistanê bê navber berdewam dikin. Balafiran di nava deh rojan de bi dehan car gund û çiyayên başurê Kurdistanê topbaran kirin. Di encama topbaranê de sivîlan jiyana xwe ji dest dan û gelek welatî jî birîndar bun. Gelê herêma Kurdistanê ku dixwaze serî hilde û êrişan şemezar bike ji aliyê asayîşê ve tên asteng kirin û bi kuştinê tên tehdît kirin.
Êrîşên balafirên Artêşa Tirk ya dagirker li ser gund û çiyayên Kurdistanê bê navber berdewam dikin. Balafiran di nava deh rojan de bi dehan car gund û çiyayên başurê Kurdistanê topbaran kirin. Di encama topbaranan de gelek welatiyan jiyan xwe ji dest dan, agir bi gund û çiyayên Kurdistanê ket. Bax û baxçeyên gundiyan zirarek mezin dîtin.
Êrişên Topbarana dewleta Tirk li ser gund û çiyayên Kurdistanê wiha ne;
-Balafirên şer ên dewleta Tirk ya dagirker di 15’ê Hezîranê de derdora gundê Enzê yê Binarê Qendîlê bombebaran kir. Hat zanîn ku liv û tevgera balafiran li herêmê berdewam dike. Ji ber wê sedemê di derbarê ziyanan de tu agahî bi dest ne ketin.
-Balafirên şer di 17’ê Hezîranê de çiyayê Korek û Suredê bombebaran kirin. Balafir heya roja paştir li esîmanên Bînarê Qendîl bê navber geriyan.
-Balafirên şer di 21’ê Hezîranê de bi du balafiran Herêma Xakurkê û Şekîf bombebaran kirin.
-Balafirên şer ên Tirk di 23’ê hezîranê de girên derdora gundê Şeraniş ya ser bi qezaya Batûfa ya girêdayî navçeya Zaxoyê bombebaran kir.
-Balefirên şer ên artêşa Tirk di 24’ê hezîranê saetên êvarê de gundê Nawdarok yê herêma Biradost bi dijwarî bombebaran kir. Di encama êrîşê de agir bi zeviyên gundiyan ket û ziyanek mezin a madî giha gundiyan.
-Balafirên şer ên dewleta Tirk di 24’ê Hezîranê de serê saetên sibehê çiyayê Xantûr û geliyê Pisaxa yên dikevin herêma Sindiyan a ser bi navçeya Zaxo bombebaran kir.
-Balafirên şer ên dewleta Tirk di 25’ê Hezîranê de cara duwem gundê Navdarok ê devera Biradost a ser bi parêzgeha Hewlêrê bombebaran kirin. Ji ber bombebaranê agirek mezin bi eraziyê deverê ketiye. Ev herêm di du rojan de 3 caran hat topbaran kirin.
-Balafirên şer ên dewleta Tirk di 26’ê hezîranê de Devera Goşîna ya herêma Biradostê topbaran kir. Welatiyek jiyana xwe ji dest da yek ji birîndar bu. Li gorî agahiyên herêmî gundiyên devera Goşînê ji ber topbarana zêde, malên xwe berdane û berê xwe dane gundek din.
-Balafirên şer ên dewleta dagirker disan di 26’ê Hezîranê de herêma Bîrîkîm ya Biradostê bi giranî topbaran kir. Balafiran sê rojan heman herêm bê navbera topbaran kirin. Ji ber topbaranê agir bi arazi ketiye û nayê vemirandin.
-Leşkerên artêşa Tirk a dagirker di 27’ê hezîranê de gundê Kestê ya li devera Berwarî serbi herêma Metînan dan ber topan. Têkildarî ziyanên topbaranê tu zanyariyek zelal bi destneketin.
-Balafirên şer ên artêşa Tirk di 27’ ê hezîranê de li nêzî gundê Berd Kuran li du wesayîtên sivîlan xistin, di encama êrîşê de 3 sivîl şehîd bûne, 5 sivîlên din jî birîndar bûne. Herwiha di encama êrîşê de agir bi erazî ketiye.
-Balafirên şer ên dewleta dagirker di 27’ê Hezîranê de gundê Nawdarok û herêma Xakûrkê ya ser bi Hewlêrê topbaran kirin. Têkildarî ziyanê ti agahî bi dest neketin.
-Balafirên şer ên artêşa Tirk di 28’ê Hezîranê de gundê Pîromer û Brayetyan yên li ser bajarokê Çoman a ser bi Hewlêrê bomberan kirin. Xetên ava vexwarinê ku tên gund ziyanek mezin dîtin.
Di êrişan de 4 kes şehîd bûn, 6 kes birîndar bûn
Balafirên şer ên artêşa Tirk di 27’ê hezîranê de li çiyayê Kortekê yê Binarê Qendîlê nêzî gundê Berd Kuran li du wesayîtên sivîlan dema ji gund vedigeriyan bajêr topbaran kirin. Di encama topbaranê de ji heman malbatê 3 sivîlên di nava wesayîtê de jiyana xwe ji dest dan û 5 kes jî birîndar bun. Di nava şehîd û birîndaran de jin û zarok jî hebun.
Her wiha di 26’ê hezîranê de balafirên dewleta Tirk ya dagirker li devera Goşînê ya herêma Biradost wesayîtek ya sivîlan hedef girtin. Du birayên ku di nava wesayîtê de, yek şehîd bu yek jî bi giranî birîndar bu. Herdu sivîl xelkê Balekayetî bun û ji bo geştê çûbûn çiyayê Helgurd.
Hêjayî bi bîrxistinê ye ku di 21’ê Tebaxa sala 2011’an de balafirên dewleta dagirker, li ser rêya Kortek a Binarê Qendîlê wesayitek gundiyan bombebaran kiribû. Di encama bombebaranê de ji heman malbatê 7 kes hatibûn qetilkirin. Di nava kesên hatine qetilkirin de 4 zarok û jinek ducanî jî hebû.
Gefa kuştinê li welatiyan tê kirin
Demeke ku artêşa Tirk li herêma Başurê kurdistanê hemu coreyên dagirkeriyê pêk tîne. Balafirên artêşa dagirker di 27’ê hezîranê de li Çiyayê Kortekê nêzî gundê Berd Kuran komkujî pêk anîbû. Ji bo şemezar kirina komkujiyê biryar bu ku li Helebçe çalakiyek ya şemezarkirinê bi hatiba li darxistin. Lê hêzên asayîşa Helepçe çalakî bi hinceta ‘Helebçe herêmek sînore û ew cûrên çalakiyan ji bo ewlehiya herêmê nebaşe’ destûr neda çalakî pêk were.
Ji bo gel li hemberî dagirkeriyê dengê xwe dernexe, hêzên asayîşê gefan li gel dikin. Hat zanîn ku li Hewlêr ciwanê bi navê Rawan Ebdulla Silêman, ji ber ku di tora medya civakî de bêdengiya hukumeta herêmê li hemberî topbaranê rexne kiriye, hêzên asayîşê gefa kuştinê lê kirine.
ÇAVKANÎ: Navenda Lêkolînên Stratejîk a Kurdistanê
