NAVENDA NÛÇEYAN
Sala par dewleta tirk a dagirker bi destûra PDK’ê û hikumeta Irakê êrîş bir ser Girê Lêlikanê. Îsal jî bi heman awayî û îttîfaka qirêj dixwazê Xakurkê dagir bike. Ev bûyerana têkiliya dewleta tirk a dagirker û PDK’ê ya di salên 1990’î de tîne bîra mirov. Wê were bîra hemû kesan, di salên 1996, 1997 û 1998’an de dewleta tirk tevî PDK’ê êrîşî qadên gerîlayan kiribû. Di sala 1992’an de jî PDK û YNK’ê bi hev re êrîşî gerîlayan kiribûn. Îro dewleta tirk a dagirker hewl dide bi hevkariya hikumeta Iraqê û PDK’ê axa Başûrê Kurdistan gav bi gav dagir bike û xwe li vir bicih bike. Gerîlayên Azadiya Kurdistan li dijî wê îttîfaka 3’yan çalakiyên dîrokî pêk tine û parastina axa Başûrê Kurdistan û hem jî ya Iraqê dike. Heta niha hemû êrîşên artêşa tirk a dagirker ruxmê ku ewqas teknîk bikartine li beramberî berxwedana gerîlla têk çûye. Dewleta tirk a dagirker li hemberî binketina xwe neçar mane xwe bisperê Şerê taybet. Li ser medyaya xwe bi nûçeyên derew hewl didin rastiyê berovajî bike û wendahiyên xwe veşere.
PDK Û YNK LI SER XETA ÎXANETÊ AXA BAŞÛRÊ KURDISTANÊ DIFROŞE
Beriya êrîşên dewleta dagirker a tirk li ser Xakurkê û herêmê Gerîla destpê bike namzetê PDK’ê Nêçîrvan Barzanî weke serokê herêma Kurdistanê hatbû hilbijartin. Balkêşe ku piştî Nêçîrvan qaşo bû Serokê Kurdistanê pîlanên dagirkirina Başûrê Kurdistan hin berfirehtir bûn. Têkiliya dewleta tirk a dagirker û PDK’ê tên zanîn. Ji destpêka Têkoşîna Azadiya Kurdistanê ku PKK da destpêkirin, PDK û YNK li ser xeta îxanetê hertim Kurdan firot û ji bo berjewendiyê partiya xwe ya malbatî Kurdistanê kir malê firotinê. PDK û YNK ji bo li Başûrê Kurdistanê desthilatdariya xwe bide rûniştandin hertim li gorî neyarên Kurdan tevgeriyan. Ruxmê ku balafirên şer ên artêşa tirk a dagirker bi salane axa Başûrê Kurdistan bombebaran dike û herî dawî jî Peşmerge hedef girt, deng ji PDK’ê û YNK’ê ne hat.
HIKUMETA IRAQÊ DESTÛR DIDE DAGIRKERIYA TIRK
Serdana Serokkomarê Iraqê Berhem Salih ya li Tirkiye hemwexte li gel êrîşa dagirkeriyê ya dewleta Tirk li dijî herêma Xakurkê daye destpêkirin bû. Berhem Salih di serdana xwe ya tirkiye de bi Erdogan re lihev civiyan û derheqê pîlanên xwe yên qirêj plansazî danin pêşiya xwe. Krîza sîyasî û aborî li Iraqê hikumetê tengav kiriye, ji ber vê jî Berhem Salih bi Erdogan re li ser hindek hevpeymanên sîyasî û aborî lihevkirin û li ser vî esasî destûr da operasyona Xakurkê. Dewleta tirk a dagirker bi her awayî dixwaze dagirkeriya xwe rewa bike û wiha nîşan bide ku ew di çarçoveya zagonên navdewletî tevdigere. Lê baş tê zanîn ku dagirkeriya Tirk her roj li dervî sinorê xwe kesên sivil dikuje, bombeyan dibarîne, gundan xirabiyê dike û êrdê Başûrê Kurdistan gav bi gav talan dike. Tu rewabûna dagirkeriya dewleta tirk nine. Tevahî cîhan li beramberî vê dagirkeriya tirk bêdeng dimine, di serî de hikumeta Iraqê û malbata Barzanî PDK.
Piştî seredana Çavuşoglu çend roj û şunde ji Wezareta parastinê ya Iraq û başurê Kurdistanê daxuyaniyên, ‘’Wezareta Pêşmerge û Wezareta Parastinê ya Iraqê komisyonekî hevbeş ya parastina sînorên Iraq û başurê Kurdistanê ji ber êrişên li ser Tirkiyê ava dikin’’, ‘’ Em destur nadin ku axa me bibe cihê êrişên li ser welatên cîran’’ hatin dayîn. Li pey van daxuyaniyan û şunde li meclisa Tirkiyê di bin rêveberiya Nunerê taybet yê Serokkomariya Tirkiyê li Iraqê, ji bo çareserkirina pirsgirêka avê ya Iraqê civînek hat li darxistin. Ji bo berdewamiya niqaşkirina van mijaran Serokwezîrê Iraqê Adil Ebdulmehdî jî seredana Tirkiyê kir. Li gorî encamên ku di hevditinê de derketîn holê mijara sereke ya Erdoğan berfireh kirina operasyonê li Başurê Kurdistanê û ya Ebdulmehdî jî pêşxistin û berfirehkirina têkiliyên aborî û ji nû ve avakirina Iraq’ê bu.
BI DAGIRKERIYA TIRK RE WÊ XETA ÎXANETKAR JÎ TÊK BIÇE
Diyar ku dagirkeriya Tirkiye ya xaka Iraq û Başurê Kurdistanê, yek ji sedemên herî bingehîn yên pirsgirêkên siyasî, aborî û civakî yên Iraq û Başurê Kurdistanê ye. Eger ku hikumeta Iraq û Başurê Kurdistanê dev jî vê îttîfaka qirêj ya bi Akp-Mhp’ê re bernedin û çavê xwe ji dagirkeriya xaka Iraq û başurê Kurdistanê re bi girin, wê Gerîlayên Azadiya Kurdistan bi tinebuna rejîma Akp-Mhp’ê re dawî li desthilatdariya xwe jî bînin.
NC/Lecwan Munzur
