Li gorî zanyariyên ku çavkaniyên li herêmê ji ajansa me re ragihandine, asayîşa PDK’ê li gundê Dêreşê yê bajaroka Şeladizê ya girêdayî navçeya Amêdiyê ya Duhokê du ciwan binçav kirin.
AMÊDIYÊ – Li bajaroka Şeladizê ku welatiyan li dijî baregehên leşkerî yên dewleta Tirk raperîn pêk anî bû, 2 ciwan ji aliyê hêzên PDK’ê ve hatin binçavkirin.
Li gorî zanyariyên ku çavkaniyên li herêmê ji ajansa me re ragihandine, asayîşa PDK’ê li gundê Dêreşê yê bajaroka Şeladizê ya girêdayî navçeya Amêdiyê ya Duhokê du ciwan binçav kirin.
Çavkaniyan destnîşan kirin ku herdu ciwan di 2’yê Nîsanê de hatine binçavkirin û navên wan Remezan Yunis Dêreşî û Firset Remezan Dêreşî ye.
Hat diyarkirin ku herdu ciwan bi îdîaya ku pêwendiya wan bi PKK’ê re heye hatine girtin.
Piştî serhildana Şeladizê gelek kes hatibûn girtin
Di 23’yê Çileya 2019’an de li Dêralok û bajaroka Hêtûtê yên Amêdiyê di encama êrîşa balafirên şer ên dewleta Tirk a dagirker de, 4 welatî şehîd bibûn û 2 jî birîndar bibûn.
Li ser êrîşan di 26’ê Çileyê de welatiyên bajaroka Şêladizê li hemberî dagirkerî û êrîşên dewleta Tirk serî hilda û bi ser baregehên dewleta Tirk a dagirker de girtin. Di encama serhildanê de baregeha artêşa Tirk hat şewitandin. Piştî serhildanê hêzên PDK’ê li herêmê pêla binçavkirina welatî, rojnamevan û çalakvanên sivîl da destpêkirin. Di encamê de zêdetirî 80 kes hatibûn binçavkirin.
