Hevseroka Meclisa Sûriyeya Demokratîk Emîna Umer di konferansa yekemîn a mamosteyên herêma Tebqayê de axivî.
TEBQA – Emîna Umer rewşa siyasî ku Sûriyeyê tê re derbas bû nirxand. Destpêkê bal kişand li ser hevdîtinên MSD û rêjîma Sûriyeyê.
Emîna Umer anî ziman ku, giraniya hevdîtinên wan, li ser mijarên xizmetguzarî li herêmên bakur û rojhilatê Sûriyeyê û hewldanan MSD’ê ku Sûriyeyê veguherîne, dewleteke ne navendî pirreng e û wiha domand: “Em ji aliyê rêjîma Sûriyeyê ve hatin vexwendin, me vexwendina wan bi cih anî, li ser vê yekê me şandeyek ji 5 kesan ava kir, , nûnerên herêmên Tebqayê di nav wan de hene. Şande çû Şamê û bi rayedarên rêjîmê re hevdîtin kirin. Di hevdîtinan de mijarên xizmetguzarî, destur û têkiliyên pêşerojê yên di navbera herdu aliyan de gotûbêj kirin.”
Emîna Umer, tekez kir ku heya niha ti lihevkirina di navera wan û rêjîmê de pêk nehatin û wiha bi lêv kir: “Heya niha ti tîfaq pêk nehatin, tenê tîfaq li ser avakirina komîteyeke hevbeş ji bo şopandina sîstema Rêveberiya Xweseriya Demokratîk û qanûna rêveberêiya herêmî ya hejmara 7 hatin kirin. Her wiha lihevkirina li ser berdewama diyalogan çêbû. Komîteyek ji aliyê MSD’ê ve ji 7 kesan ji hiqûqnas û nunerên Rêvebeiya Xweseriya Demokratîk hate avakirin û li ser hevpeyamana civakî, sîstema Rêveberiya Xweseriya Demokratîk lêkolîn kirin û çûne Şamê, li wir hevdîtinên berfireh pêk anîn û Rêveberiya Xweseriya Demokratîk û qanûna herêmî hatin nîqaşkirin, lê heya niha em negihiştine encaman.”
Emîna Umer her wiha, mijara Idlibê nirxand û wiha got: “Tirkiyê, Rûsya, Îran û rêjîma Sûriyeyê ji bo Idlibê destwerdan dikirin. Rûsiya û rêjîma Sûriyeya dixwestin şer pêk were. Îran jî ev yek dixwaset. Tirkiyê muhlet da Cebhet El-Nusra, lê ji ber ku nedikarî wê îqna bike, ew xist lîsteya terorê.”
Emîna Umer, wiha domand: “Şerê Idlibê hîna wekî xwe ye, rêjîm û Rûs topbaran dikin, lê zexet ji aliyê civaka navdewletî heye. Rûsya zext li Tirkiyê dikir da ku encama ji civînan derxîne. Tirkiyê jî zext li komên çete dikir, her wiha zexet li sivîlan dikir da ku wan îstîsmar bike û wan wekî mertalên zindî bi kar bîne.”
Emîna Umer destnîşan kir ku civaka navdewletî û koalîsyona navdewletî zext li Rûsya kirin da ku şer li Idlibêê dernekeve û got: “Rûsiya ji aloziya mirovî ya ku li Idlibê rû bide berpirsyar e.”
Hevseroka MSD’ê di berdewama axaftina xwe de, anî ziman ku gelek aliyan hêviyên xwe spartibûn civîna Tehranê û ev tişt anî ziman: “Gelek kesan hêviyên xwe spartibûn civîna Tehranê. Belê welatên girantor ên Astanayê li Tehranê civiyan, ji cîhanê re diyar kir ku ew li hev nakin. Lê pişt perdeyê rewş cuda ye. Di roja din de, niyeta van dewletan aşkera bûn, Îran hejmarek mûxalfiên hindirîn darve kir, di heman demê de barghehên partiyên siyasî yên muxalif bombebaran kir. Li aliyekî din jî dewleta Tirk hejmareke nunerên Partiya Demokratîk a Gelan girtin.”
Emîna Umer, wiha domand: “Li Sûriyeya, li Qamişlo bûyer rû dan, ev bûyer amadekarî û pilan jê re hatibûn kirin, armanc jê ew bû ku bandoreke neyinî li ser diyalogan bike.”
Der bare îtîfaqên civîna Tehranê de hevseroka MSD’ê Emîna Umer wiha anî ziman: “Em nizanin ku dê çarenûsa Idlibê Nusra razî bike ya na, heger were derxistin jî dê bi kuderê ve biçe, Efrîn?, anî Tirkiyê dê wê li ser sînorê xwe, li herêmên Mertala Firatê pêşwazî bike, lê di encam de xeteriya wê her heye.”
Emîna Umer diyar kir ku Amerîka der barê van lihevkirinan de ti helwest nedaye, rast e li dijî êrîşkirina Idlibê ye, lê helwesta xwe diyar nekiriye.
Hevseroka MSD’ê Emîna Umer, di dawiya axaftina xwe de wiha got: “Hemû tîfqanên navdewletî, heger li Cinêv, an Astana, yanî jî deverek din be, MSD’ê tê de beşdar nebe encamên wê, wan eleqedar nake, ya girîng ji bo MSD’ê gel biparêze û li hemberî pilanên ku aramiya herêmê dike hedef bisekine.”
ANHA
