maşîneyên zirxî yên polîs û leşkeran dibin sedema kuştina gelek mirovan û gelek mirov birîndar kirin. Bi taybetî di serî de li Şirnex, Amed û Mêrdînê û li gelek bajarên din di 16 mehan de 6 jê zarok herî kêm 21 kesan jiyana xwe ji dest dan. 2 jê zarok 36 kes jî birîndar bûn.
NAVENDA NÛÇEYAN – Di 16 mehên dawî de hin bûyerên ji ber maşîneyên zirxî yên polîs û leşkeran rû dane wiha ne:
* Di 9’ê sibata 2017’an li navçeya Kerborana Mêrdînê maşîneya zirxî ya polîsan li Berfîn Dîlek a 7 salî qelibî û jiyana xwe ji dest da. Lêpisîna bûyerê venguherî dozê.
* Di 15’ê sibata 2017’an li taxa Şabaniyê ya Artemêtana Wanê maşîneya zirxî ya polîsan li dolmişa rêwiyan qelibî û 7 sivîl birîndar bûn.
* Di 4’ê adara 2017’an de li ser riya Êlih û Sêrtê maşîneya zirxî li Kerem Aslan ê 34 salî qelibî û jiyana xwe ji dest da.
* Di 20’ê adara 2017’an de maşîneya zirxî li otomobîla sivîl ku ji navçeya Hezexa Şirnexê diçû navçeya Cizîrê qelibî. Okan Înce, Bahadir Beyazlioglu û kesek navê wî nehat hînbûn jiyana xwe ji dest dan.
* Di 29’ê adara 2017’an de li semta Ofîsa Amedê maşîneya zirxî ya leşkeran li dolmîşa rêwiyan qelibî 4 rêwî birîndar bûn.
* Di 18’ê nîsana 2017’an de navenda Wanê maşîneya zirxî li du kesan qelibî û Abdulvahap Taş bi giranî birîndar bû.
* 27 Nisan 2017 tarihinde Diyarbakır kent merkezi Gevran Caddesi’nde askeri zırhlı aracın çarptığı 55 yaşındaki Hatun Elhuman yaşamını yitirdi.
* Di 28’ê nîsana 2017’an de maşîneya zirxî ya polîsan li du welatiyan qelibî û Samî Uçan ê rakirin nexweşxaneyê jiyana xwe ji dest dan.
* Di 4’ê gulana 2017’an de li navçeya Silopî ya Şirnexê polîs maşîneya zirxî li malê qeliband û Furkan û Muhammed Yildirim ên birayê hev jiyana xwe ji dest dan. Kujerê zarokan polîs di danişîna ewil de hat berdan. Doz didome.
* Di 9’ê hezîrana 2017’an de li ser kolana Midyadê ya li Nisêbînê maşîneya zirxî ya polîsên tîmên taybet vediguhezand li motosîkletekê qelibî û M.Ş.B. ê 17 salî bi giran birîndar bû.
* Di 14’ê Hezîrana 2017’an de li navçeya Licê ya Amedê maşîneya zirxî ya bi navê Ejder a tîmên taybet li Pakîze Hazar a 85 salî qeliband û wê di bin maşîneyê de eciqand. Hazar li cihê bûyerê jiyana xwe ji dest da. Çawîşê pispor S.K. ê ji dozê tê darizandin ji aliyê dadgehê ve cezayek wek xelat salek û 8 meh ceza lê birî û cezayê birî jî taloq kir.
* Di 19’ê hezîrana 2017’an de li ser riya Amed û Licê maşîneya polîsên tîmên taybet li mînîbusek rêwiya qelibî û ajokarê wesayîta sivîl Remzî Menteşe û zarokek 9-10 salî yê navê wî nehat hînbûn jiyana xwe ji dest da.
* Di 20’ê hezîrana 2017’an de li navçeya Elkê ya Şirnexê maşîneya zirxî ya leşkeran li otomobîlekê qelibî û 3 welatî birîndar bûn.
* Di 20’ê hezîrana 2017’an de li gundê Fîsê ya bi ser navçeya Licê ya Amedê maşîneya zirxî ya polîsan li otomobîlek sivîl qelibî û 5 welatî jiyana xwe ji dest dan.
* Di 1’ê tebaxa 2017’an de li semta Okmeydani ya Stenbolê maşîneya zirxî ya polîsan li Raşîd Oso yê 8 salî ku ji Kobanê ye qelibî û jiyana xwe ji dest da.
* Di 19’ê cotmeha 2017’an de li taxa Çal a Sêrtê maşîneya zirxî ya polîsan li Felek Batur a 6 salî qelibî û jiyana xwe ji dest da.
* Di 19’ê cotmeha 2017’an de li navçeya Xîzana Bedlîsê maşîneya zirxî ya polîsan li Gulten Yaraşli ya 55 salî qelibî û jiyana xwe ji dest da.
* Di 5’ê mijdara 2017’an de li ser riya Batman-Amedê maşîneyek zirxî li otomobîlek sivîl qelibî û 3 jê leşker 5 kes birîndar bûn.
* Di 5’ê mijdara 2017’an li taxa Korikê ya Êlihê maşîneyek leşkeran a taybet li Burak Îlhan ê 5 salî qelibî û jiyana xwe ji dest da.
* Di 19’ê mijdara 2017’an de li taxa Saray a navçeya Kerborana Mêrdîn maşîneya zirxî ya digeriya li Fatma Nure Dursun qelibandin û ew birîndar kirin.
* 22’ê mijdara 2017’an de li taxa Sûrê ya navçeya Cizîrê ya Şirnexê polîsan maşîneya zirxî li R.C. ê 8 salî qeliband û zarok birîndar bû.
* Di 17’ê kanûna 2017’an de li navçeya Hezex a Şirnexê maşîneyek sivîl a polîsan li Umut O. yê 4 salî qelibandin û bi giranî ew birîndar kirin. Umut ê biçûk bi mehan e li nexweşxaneyek Batmanê tê dermankirin.
* Di 19’ê kanûna 2017’an de li semta Ofîsê ya Amedê maşîneyek zirxî li otomobîlekê qelibî û ajokarê otomobîlê birîndar bû.
* Di 22’ê çileya 2018’an de li ser riya Cizîr û Silopî maşîneyek zirxî li otomobîlek sivîl qelibî. Di bûyerê de Mehmet Saît û zarokên xwe Hişyar û Halît Alpkan birîndar bûn. Dermankirina bavê zarokan Alpkan didome.
* Di 25’ê çileya 2018’an de li Birca Belek a Cizîra Şirnexê maşîneya zirxî ya polîsan li S.A. 10 salî qelibî û ew birîndar bû.
* Di 16’ê adara 2018’an de li navçeya Şemzînan a Colemêrgê maşîneya zirxî ya leşkeran li Îsmaîl Firat qelibî û birîndar bû.
* Di 7’ê nîsana 2018’an de li navçeya Silopî Nesrîn Kiliç û kurê xwe Sûavî yê 4 salî dema di rê de derbasî aliyê din dibûn maşîneya zirxî ya polîsan li wan qelibî û her du jî birîndar bûn. Lingek Sûavî yê biçûk hat jêkirin. Polîsek ji peywîrê hildan.
* Di 22’ê nîsana 2018’an de li navçeya Kerborana Mêrdînê maşîneya zirxî ya polîsan li Suphiye Yakut a 50 salî qelibî û polîsan Yakut birîndar kirin.
* Di 28’ê gulana 2018’an de li navenda Dersimê maşîneya zirxî ya leşkeran li Hasan Huseyîn Çîmen ê 60 salî qelibî û ew birîndar kir.
* Di 6’ê hezîrana 2018’an de li navçeya Rezan a Amedê maşîneya zirxî TOMA ya polîsan li Mehmet Ertekîn ê 75 salî qelibî û ew birîndar kirin.
