Komalên Ciwan civîna xwe ya rêveberiyê li dar xist. Di civînê de li gel biryarên girîng, ji bo berxwedanê bang hate kirin.
NAVENDA NÛÇEYAN – Li gorî daxuyaniya Koordînasyona Komalên Ciwan, civîna rêveberiyê di navbera 6-9’ê Gulanê de bi rengekî ‘serketî’ hatiye kirin.
Di encamnameya civînê de hate gotin, “Di civîna xwe de ku me di meha şehîdan meha Gulanê de pêk anîn, pirsgirêkên pêşengiyê yên tevgera ciwanên Apoyî û wezîfeyên wê nirxandin û ji bo pêşengiya pêvajoya nû ya têkoşînê biryarên girîng girtine.”
Di danezanê de hate ragihandin ku di civînê de yek ji pêşengên PKK’ê Hakî Karer û hemû şehîdên meha Gulanê bi rêzdarî hatin bibîr anîn û sekn û tevlîbûna wan weke xeta berxwedana şoreşgerî ya tevgera ciwanan hatiye destnîşankirin.
Koordînasyona Komalên Ciwan işaret bi berxwedana dîrokî ya Efrînê kir û destnîşan kir ku di şexsê Şoreş Gabar û Navdar Serhed de civîn diyarî şehîdên berxwedana serdemê ya Efrînê hatiye kirin.
Koordînasyonê êrîşên faşîst bi bîr xist û berxwedana dîrokî ya li dijî êrîşên dagirkeriya dewleta Tirk destnîşan kir.
Di encamnameyê de hate gotin, “Faşîzm, ji bo qirkirina gelan êrîşên xwe yên li Kurdistanê bi dijwarî didomîne. Van êrîşên ku dewleta Tirk serkêşiyê jê re dike, li Efrînê dest pê kir û niha hewl tê dayin ku li Iraqê bên temamkirin. Faşîzm gefê li her bihosteke axa Kurdistanê dixwe. Dîktatoriya faşîst a AKP-MHP’ê tinekirina gelê Kurd weke sedema hebûna xwe dibîne, lewma bi barbarî êrîş dike. Li dijî van polîtîkayên êrîşê, bi pêşengiya jin û ciwanan, ji bo hilweşandina faşîzmê û azadiya gelan, berxwedaneke xurt hatiye birêxistinkirin. Bi taybetî li Xakurkê bi pêşengiya hêzên gerîla derbên mezin li dewleta Tirk hatine xistin. Hêzên mêtinger ku bi derbên giran ên ji berxwedana Efrînê dixwe ketiye pêvajoya hilweşîne, polîtîkaya îmhayê li dijî gelê me xistine meriyetê. Li dijî faşîzma ku bi Efrînê re dixwaze demografiya Kurdistanê biguehrîne û gelên me neçarî koçberiyê bihêle, li dijî faşîzma ku bi her rê û rêbazan dixwaze jin û ciwanan bitirsîne, yekane rê BERXWEDAN e. Ev berxwedan roj bi roj bi gavên mezin xurtir dibe. Civîna me armancên ji bo hilweşandina faşîzmê daniye pêşiya xwe û di vê mijarê de biryardariyeke xurt nîşan daye.”
Di dewama danezanê de hate destnîşankirin ku li dijî her Şêwe êrîşên ku paşeroja ciwanan tine dike, zanebûn, rêxistinbûn û berxwedana topyekûn wezîfeya bingehîn a Tevgera Ciwanên Apoyî ye.
BIRYAR
Li gorî danezanê çend ji biryarên di civînê de hatine girtin wiha ne:
“- Hemû karên me wê li ser bingeha parçekirina sîstema êşkenceyê ya Îmraliyê û misogerkirina tenduristî, ewlekarî û azadiya Rêbertî bên kirin.
Ji bo azadiya Efrînê, we hemû ciwanên Kurdistanê sewqî têkoşînê bê kirin.
– Qonaxa duyemîn a pêngava SERÎ HILDE wê bê destpêkirin.
– Ji bo hilweşandina dîktatoriya faşîst a AKP-MHP’ê, ji bo pêşîgirtina li polîtîkayên şer ên taybet, wê pêşengî ji avakirina blokeke antî-faşîst re bê kirin.
– Li Bakurê Kurdistanê û Tirkiyeyê di hilbijartinan de ji bo siyaseta demokratîk xurt bibe, ji bo ciwan di hilbijartinan de bi rola xwe rabin û siyaset ciwan bibe, wê kar bê kirin.
– Li dijî polîtîkayên modernîteya kapîtalîst a dûrxistina ciwanan ji koka xwe, wê hewl bê dayin ku di nava ciwanan de hest û hişmendiya welatparêziyê bê xurtkirin.
– Wê destek ji boykotkirina malên rejîma faşîst a T.C bê dayin.
– Ji bo pêkhatina Kongreya Neteweyî ya Kurd wê ciwan bi rola pêşengiyê rabin.
– Ji bo geşkirina têkoşîna azadiyê ya jinan, tevgera ciwanan û tevgera jinên ciwan wê di çarçoveya pêngava SERÎ HILDE de li dijî zîhniyeta serdest am êr têkoşîneke radîkal bidin.”
