Hevseroka Giştî ya HDP’ê û Endama Heyeta Îmraliyê Pervin Buldan, bal kişand ser aşkerekirina rapora CPT û wiha got: “CPT 2 sal şûnde rapora Îmraliyê aşkere dike û diyar dike ku tenduristî û ewlehiya Ocalan baş e. Ev ne helwestek rast e. Balkêş e Tirkiye ket nava Efrînê rapor aşkere kirin. Ev nişan dide ku Tirkiye ketiye zorê.”
NAVENDA NUÇEYAN – Komîteya Peşîlêgirtina Muameleya Xerab û Îşkenceyê ya Konseya Ewroayê (CPT), di 28-29’ê Nîsana 2016’an de çûbû Îmraliyê û Rêberê PKK’ê Abdullah Ocalan li Îmraliyê ziyaret kiribû. CPT 2 sal şûnde di 20’a 2018’an de encama raporê aşkere kir û diyar kir ku rewşa tenduristî û ewlehiya Ocalan baş e û xwest parêzer û malbat karibin bi Ocalan re hevdîtinê bikin. CPT li ser daxwaza rayedarên Tirkiye rapor aşkere kir. Dema rapor aşkere kirin TSK ketibû nava Efrînê û şer berdewam dikir. CPT diyar kir ku Ocalan 5 salin nikare bi parêzerên xwe re û 18 mehin nikare bi malbata xwe re hevdîtinê bike. Dîsa diyar kir ku têkiliya Ocalan û girtiyên din bi cîhana derve re hatiye qutkirin. CPT da zanîn ku telefon jî di navde bi tu awayî bi derve re hevditin nekiriye.
‘CPT BERPIRSIYARIYA XWE PÊK NEANÎYE’
Hevseroka Giştî ya HDP’ê û Endama Heyeta Îmraliyê Pervin Buldan, têkildarî aşkerekirina rapora CPT û geşedanên dawî yên li ser rewşa Ocalan ji Ajansa Mezopotamya (MA) re axivî. Buldan ku tevî heyeta Îmraliyê herî dawî di 5’ê Nîsana 2015’an de bi Rêberê PKK’ê Abdullah Ocalan re hevdîtin kir, diyar kir ku CPT piştî 2 salan hêj nû encama raporê aşkere dike û ev yek pir pir dereng e. Buldan, destnişan kir ku CPT erk û berpirsiyariya ku dikeve ser milê wê bi awayekî cîddî îhmal kiriye û berpirsiyariya xwe pêk neanîye.
‘EW DIZANIN PERSPEKTÎFA OCALAN DÊ WAN XELAS BIKE’
Buldan anî ziman ku piştî CPT, TSK û OSO ketin nava bajarê Efrînê encama raporê aşkere kirin û wiha got: “Aşkerekirina raporê ya di vê pêvajoyê de nîşan dide ku Tirkiye ketiye zorê û asê maye. Yên Tirkiye birêve dibin dizanin ku nirxandinên Birêz Ocalan ên der barê polîtîkayên Sûriye û perspektifên Ocalan dê Tirkiye rizgar bike. Ji ber vê yekê destûr dan ku CPT raporê aşkere bike. Tirkiye têkildarî meseleya Efrînê ketiye zorê. Tirkiye di qada şerê navneteweyî de winda dike. Tirkiye ji bo xwe ji vê rewşe xelas bike serî li hemû rêyan dide. Aşkerekirina rapora CPT jî yek ji van rêyan e. Dewleta Tirkiye û hikûmeta AKP’ê piştî ket nava gloka şer ji bo xwe ji nava vê tora şer xelas bike hêj nû di qada navnetewî de ket nava lêgerînên cuda.”
‘DIVÊ BI LEZ HEYETEK BIÇE ÎMRALIYÊ’
Buldan, anî ziman ku divê demek berî demekê heyeta ku ji parêzer, malbat ango heyetek siyasî pêk tê biçin Îmraliyê û wiha got: “Me beriya daxuyaniya CPT jî bi dehan caran xwest ku heyet biçin Îmraliyê. Çûna heyetê ya piştî aşkerekirina rapora CPT bêtir bi wate ye. Hikûmeta AKP’ê divê demek berî demekê deriyê Îmraliyê veke û bi Birêz Ocalan re hevdîtinê bide destpêkirin. Divê teqez heyetek bê avakirin û bi Ocalan re ji nûve hevdîtinê bide destpêkirin. Divê fikrên Birêz Ocalan bi raya giştî re bê parvekirin. Gel hem fikrên Ocalan hem jî ewlehî û tenduristiya wî meraq dike. Teqez divê demek berî demekê heyet bi Ocalan re hevdîtin bike.”
‘RAPORA CPT KÊM E’
Buldan, anî ziman ku CPT rapora der barê tenduristiya Ocalan de 2 sal şûnde parve dike û wiha got: “Ev rapor ya 2 sal berê ye. Lê niha ewlehî û tenduristiya Birêz Ocalan çiye em nizanin. Em herî dawî di 5’ê Nîsana 2015’an de çûbûn. Ji wê demê heta niha çû bû em nizanin. Der bare rewşa wî de tiştek nehat parvekirin. CPT li gorî rapora 2 sal berê niha nirxandinan bike ne rast e. Ev raporek kêm û pir dereng maye ye. Rapora CPT têr nake. Mirov nikare li gorî rewşa 2 sal berê nirxandinê bike.”
‘GEL DI NAVA BENEWARIYEK MEZIN DE YE’
Buldan, herî dawî da zanîn ku divê demek berî demeke bi Ocalan re hevdîtin bike û wiha got: “Ez wekî endama heyetê ya ku 2 sal berê bi Birêz Ocalan re hevdîtin kir, rapora CPT’ê girîng dibînim. Lê raporek pir dereng maye. Ji ber ve yekê divê bi lez heyetek biçe Îmraliyê. Em hevî dikin ku hevdîtin dê pêk bê. Gel di nava bendewariyek mezin de ye. Fikar û bendewarî gelek zêde ne.”
ÇEND XALEN DI RAPORA CPT DE HENE WIHA YE
Komîteya Pêşîlêgirtina Îşkenceyê ya Konseya Ewropayê (CPT) ku di Nîsana 2016’an de Grava Îmraliyê ziyaret kir, tam piştî 2 salan rapora Îmraliyê aşkere kir. CPT’ê xwest Ocalan bi parêzerên xwe re hevdîtin bike. CPT’ê, di raporê de diyar kir ku Rêberê PKK’ê Abdullah Ocalan 5 salin nikare bi parêzerên xwe re hevditin bike û 18 mehin nikare bi malbata xwe re hevdîtin bike. CPT’ê di raporê de anî ziman ku girtiyên din ên bi Ocalan re di heman girtîgehê de dimînin jî tekiliya wan a bi derve re hatiye qutkirin. Telefon jî di navte tu hevdîtin nayê kirin. CPT’ê xwest ev rewş bi dawî bibe. CPT da zanin ku di şertên girtiyan de pêşketinek hebû, lê di aliyê ragihandine de xera bûye. CPT, herî dawî xwest bi Ocalan re herî kêm mehê 2 caran mafê telefonê yê bi malbat û parêzeran re pêk bîne.
