Bi pêşengtiya ciwanan bi daxuyaniyek Platforma Seferberiya Berxwedana Efrînê hat îlan kirin.
QAMIŞLO – Bi pêşengtiya ciwanan li bajarê Qamişlo ji bo berxwedana serdemê ya Efrînê Platfroma Seferberiya Berxwedana Efrînê bi îngilîzî, erebî û kurmancî bi daxûyaniyek hat îlan kirin.
Daxûyaniya kurmancî wihaye:
“Gelê me yê Efrîn’ê û QSD di bin pêşengtiya şervanên azadiyê YPG û YPJ’ê de li hemberî êrîşên herî dijwar ên dewleta Tirk a faşîst û dagirker li berxwedidin. Ev berxwedana Efrînê berxwedana serdemê ye. Êrîşa ku li ser xaka me û gelê me pêktê ji bo me êş û xeteriya herî mezin , lê berxwedana leheng û pîroz ku li beramberî wê tê pêşxistin di heman demî de ji bo me hemû yan rûmet û ierefa herî mezin e. Di vê çarçoveyê de em dixwazin berê her tiştî di şaxsê Ş. Avesta Xabûr de tevahî şehîdên Efrînê bibîrtînin. Em silavên xwe yên dilgerm ji şervanên azad,ya ku niha di cepheyên şer de li Efrînê li berxwedidin em slav dikin. Îro hukûmeta faşîst ya AKP-MHP, Erdoğan û Bahçelî tunebûna gelên Kurdistanê tevahî dike hedefa xwe. Li ser vî esasî di sala 2015 û 2016 an de bajarên Bakurê Kurdistanê hilweşandin û ji ber vê yekê jî îro êrîş li ser Efrînê birin. Efrînê ji ber ku sembolekê welatparêzî, berxwedan û şoreşger e, sembola paradîgmaya civaka demokratîk, ekolojîk û azadiya jin. Di heman demê de ev şer ji bo dagirkeriya Tirka jî şerê hebûn ya tûnebûnê ye. Yanî ev şer wê tenê pêşeroja Efrînê diyar neke, wê pêşeroja çar parçeyên Kurdistanê diyar bike û tevahî heremê bandor bike. Serkeftina Efrînê wê bibe serkeftina xeta demokratîk a gelan li Rojhiata Navîn.
Aniha di van kêliyan dewleta dagirker a Tirkiye tev çeteyên xwe ve bi tank, top, balafirên şer û hezaran leşkerên xwe êrişî Efrînê dikin û hewldidin xaka me hemûyn dagir bikin. Li beramberî vê, yekê berxwedana herî mezin ji aliyê keç û xortên vî welatî tê nîşandan. Ne tenê keç û xortên Efrînê, lê ciwanên welatparêz ji çar parçeyên Kurdistanê îro berê xwe dane cepherên şer. Ji Başûr, Bakur, Rojhilar, Mexmûr û kantonên din ên Rojava û Bakurê Sûriye ciwan tevlî berxwedana serdemê bûn. Her wiha hejmarekî şervanên enternasyonal ên dilxwaz jî li Efrînê di nava refên azadiyê de cihê xwe girtin.
Em dixwazin her kes vê tiştî bizane. Heger desthilatdar, kedxwar, neyar û dagirker xwe bikin yek li hemberî vîna azad a gelan, ewçax em ê jî sed carî yekîtiya gelên bindest pêşbixin. Li ser vî esasî em îro kombûne, em Platforma Seferberiya Berxwedana Efrînê bi fermî îlan dikin. Ji vir şûnde em ê di dirûşmeya “Her tişt ji bo Efrînê” kar û xebatên tevlîbûna seferberiya berxwedan Efrînê li Rojava bimeşînin û tevahî dostên şoreşa Rojava û Bakurê Suriye re bibin navnîşan. Di vê çarçoveyê de em ê ji vir şûnve wekî platformekî xebatê xwe 24 saetan bimeşînin. Kî dixwaze tevlî berxwdana Efrînê bibe, bila bi me re bikeve nava peywendiyê. Li ser van esasan em di serî de bang li tevahî ciwanên welatparêz ên Rojava, Başur, Rojhilat dikin ku berê xwe bidin Efrînê û tevlî berxwedana rûmet bibin. Em bang li tevahî kesayet, rêxistin, sazî û hêzên demokratîk li Tirkiye, Rojhilata Navîn, Ewrupa û tevahî cîhanê dikin ku bêdeng nemînin, di şaxsê parastina Efrînê de îro parastina nirxên mirovatiyê bibin. Her wiha em bang li hemû hêzên şoreşger ên cîhanê dikin ku carekê din bi hemû hêza xwe ji bo şoreşa Rojava seferber bibin, rabin ser piya û berê xwen bidin Rojava da ku tevlî şerê li dijî faşîzm û deshilatdariyê bibin.
Çawa ku Kobanê bi seferberiya ciwanên çar parçe Kurdistanê û dostên me yên enternasyonal serket û bû despêka dawiya DAIŞ’ê, wê îro jî Efrîn bi seferberiya tevahî ciwan û gelê welatparêz û hêzên demokratîk û şoreşger biserbikeve.”
Daxûyanî bi sloganên, “Bijî Berxwedana Efrînê”, “Bijî Şoreşa Rojava” û “Şehîd Namirin” qediya.
Hûn bi ketina vê https://seferberlikplatformu.wordpress.com sîteyê karin têkilî dayînin.
