Berxwedana Serdemê ya Efrînê bi xwe re pêvajoyeke nû pêşxist. Ev berxwedan Komploya Navnetewî ya li ser Rêberê Gelên Kurdistanî Abdullah Ocelan bibin xist.
Nûçe Ciwan- Efrîn- Di vê derbarê de weke ajansa Nûçe Ciwan me bi endamê Koordînasyona Yekîtiya Ciwanên Rojava Şahîn Cûdî re hevdîtin pêk anî.
Cûdî di destpêka axaftina xwe de ji bo tolhildana komploya navnetewî diyar kir ku ew weke YCR’ê di qada Efrînê de bi berxwedaneke mezin digrin.
Cûdî Komploya Navdewletî bibîrxist û diyar kir ku Rêber Ocelan ked û berxwedaneke pir mezin da ji bo derxistin û pêşxistina hêza gel û got ku Rêber Ocelan di zindanê de tolhildana mezin digre.
Şahîn Cûdî wisa berdewam kir: Em jî bi fikir, felsefe, mejî û perspektîva Rêberê xwe di Berxwedana Serdemê de cih digrin. Çawa ku QSD’ê bi fikir, felsefe û îradeya Rêber Apo û keda wî ya 40 salî li berxwe dide. Me jî weke ciwanên Rojava li Efrînê bi hazirtiyeke mezin şer dikin.
Endamê Koordînasyona YCR’ê destnîşan kir ku ew bi rengê şerê li hember dagirkeriyê di nava Berxwedana Serdemê de cih digrin û ku hember dewleta Tirk dagirker hêza şerekî mezin di xwe de ava dikin.
Di berdewama axaftina xwe de Cûdî çalakiyên rêxistinkirina ciwanên Efrînê û rêkirina wan a şer, destnîşan kir û diyar kir ku ev şer li hember heman hêzên dagirker e, ku bi destê wan Rêber Ocelan weke fîzîkî, dîl hate girtin.
Di derbarê helwesta ciwanên Efrînê de Cûdî got ku ew bi hêza tolhildana ji Komplogeran tevlî Berxwedana Serdemê bûne û wiha berdewam kir:
Li hemberî vê komployê bi serkeftina şerê Efrînê, li hember dewleta dagirker û faşîst a Tirk heya ku hêza me hebe, emê bi asteke pir bilind li ber xwe bidin û komplo bişkînin. Hemû sûcên ku dewleta Tirk pêşkêşî civaka navnetewî dike nerast in û bi vê yekê dixwazin îrade û xwesertiya gelê kurd têk bibin.
Şahîn Cûdî diyar kir ku di şexsê Rêber Apo de gel û demokrasî li berxwe didin û di şexsê Rêber Apo de Berxwedana Serdemê ya li Efîrnê li ber xwe dide. Şervan û ciwanên Efrînê û tevahî Yekîtiya Ciwanên Rojava hemû ciwan bi hêza fikir û felsefeya Rêber Apo de li ber xwe didin.
Şahîn Cûdî di dawiya axaftina xwe de diyar kir ku ewê dewleta Tirk di Efrînê de tune bibe û komplo li ser Tirkiyê veguhere zindaneke mezin û got ku heya ciwanek li Efrînê heye ewê kes nikaribe axa Efrînê dagirk bike. Bi berxwedan, tolhildan û serhildana ciwanên Efrînê ewê berxwedan biserkeve û komplo têk biçe.
https://www.youtube.com/watch?v=-QRZ-M6tAEk&feature=youtu.be
