ŞENGAL – Îro TAJÊ ji bo 25 Mijdarê Roja Tekoşîna Li Hemberî Tundiya Li Ser Jinê Ya Navneteweyî daxuyaniyek niviskî da. Di daxwiyaniyê de hat ragihandin ku jina ku biçuk û bêhêz dihat dîtîn, niha cihê xwe di hemû qadên jiyan û tekoşînê de digirin. Ev yek nîşaneya têkçuyina deshilatdariya mêr û pêşketina azadiya jinê ye.
Ji bo balkişandina tundiya li ser jinê îro TAJÊ ji bo 25 Mijdarê Roja Tekoşîna Li Hemberî Tundiya Li Ser Jinê Ya Navneteweyî daxwiyaniyek niviskî da.
Di daxwiyaniyê de wiha hat gotin:
Wekî ku tê zanîn em di serdemeke dîrokî ya ku ji hemû aliyan awarte û hesas re derbas dibin. Hêzên dagirker ji bo ku fikir û ramanê Rêberirtiya me ji me bê par bihêle, her şêwaz û rêbazan bikar tîne. Bi vî awayî dixwazin gel û Rêbertî ji hev bên qut kirin. Dema ku mirov li tekoşîna Rêbertiya me mêze dike, kengî di cîhanê de qeyranek derketiye Rêbertiya me jê re bûye çareserî û pespektîfên xwe pêşkeş kiriye. Di heman demê de dema ku dest bi tekoşîna azadiya gelan kir, berî her tiştî azadiya jinê kir armanc û li ser xebîtî, ji bo rêxistin û arteşbûyina jinê proje pêş xist. Di keseyata Berîtan, Bêrîvan, Zilan her wiha gelek şopdarê wan hevalan de tekoşîna azadiya jinê pêl bi pêl mezin bû, li Kurdistanê û tevahî cîhanê belav bû.
‘Rêxistinbûna jinê pêşî li girtina tundiya li ser jinê ye’
TAJÊ di daxuyaniya xwe de bal kişand ser rêxistinbûna jina êzidî û daxwiyaniya xwe wiha dewam kir: Di Şengalê de jî tekoşîna azadiya jinê bandora xwe nîşan da. Di fermanê de yê herî zêde hat çewisandin, hat firotin û bi kirînê rû bi rû man jin bûn lê jinên êzidî a niha di pêşengiya tevgera azadiya jinê de gihaşt asta vîn û bîryardayinê. Jinên Êzidî ji bo tolhildana xwe berê xwe dan Reqayê, ev vê yekê dide diyar kirin ku jina êzidî ji bo têkoşîna azadiya xwe amede ye. Her roj beşdarbûna jinên êzidî ya ji bo rêxistinbûyinê zêde dibin. Çimkî ew dizanin ku rêxistinbûna jinê pêşî li girtina tundiya li ser jinê ye.
‘Rêxistinbûna jinê têkçûyina desthilatdariya mêr e’
Tevgera Azadiya Jinên Êzidî wiha dawî li daxwiyaniya xwe anî û bang li hemû jinan kir ku wê rojê li hemû qadan ji bo azadiya Rêberê xwe tekoşînê bidin meşandin: Di civakê de dihat gotin ku jin nikarin werin gel hev lê bi saya Felsefeya Rêber Apo îro bi hezaran jin tên gel hev, ji bo azadî û tekoşîna xwe berxwe didin. Jina ku biçûk û bêhêz dihat dîtîn, niha cihê xwe di hemû qadên jiyan û tekoşînê de digirin. Ev yek nîşaneya têkçûyina desthilatdariya mêr û pêşketina azadiya jinê ye. Em wek TAJÊ Tevgera Azadiya Jinên Êzidî bang li hemû Jinan dikin ku derkevin qadan, ji bo tundiya li dijî jinê bi dawî bibe û ji bo Rêberê me azad bibe tekoşînê bidin meşadin. Heta ku em Rêberê xwe azad nekin em ranewestin û bê navber em di hemû qadan de berxwedana xwe ya bêhempa bidin meşandin.
Nûçê ciwan
( Dûnya Qasim
