TEBQA – Meclisa Ciwanan a Partiya Sûriyeya Pêşerojê ya Kantona Tebqayê panelek bi sernavê “Ciwan û avakirina siberojê: Ji paşguhkirinê ber bi beşdariya siyasî û avakirina Sûriyeya siberojê ve” li dar xist. Panel li hola meclisê ya li bajarê Tebqayê bi beşdariya bi dehan ciwanan hat lidarxistin.
Endama Meclisa Ciwanan a Partiya Sûriyeya Pêşerojê Xedîce Mihemed axivî û got tevî ku çîna herî mezin û herî çalak di civakê de ne, lê li Sûriyeyê bi dehan salan xeleka herî lawaz di avakirina biryarên siyasî û civakî de bûn.
Xedîce Mihemed bi bîr xist ku ciwan ji qadên avakirina siberoja welat hatibûn dûrxistin û got: “Dem hatiye ku merheleya paşguhkirinê bi dawî bibe û serdemeke nû dest pê bik ku cwan cihên xwe yên xwezayî wekî hêza herî çalakî ya ku hêzê veguherîne hêvê û xebatê vegerînin.”
Xedîce bi dewama axaftina xwe de got: “Em ciwan nabe ku li welatê xwe temaşe bikin ku bêyî me tê guhertin. Beşdariya siyasî ne dirûşmeke, lê belê bepirsyarî û kareke çalak di sazkirina biryarê û avakirina Sûriyeyeke demokratîk, pirrengî û nenavnedî ye.”
Xedîce îşaret pê kir ku Partiya Sûriyeya Pêşerojê bi hêza ciwanan bawer e bingeha projeyeke nîştimanî ya demokratîk û hêza bingehîn a vakirina Sûriyeya nû ya li ser hêmanên azadî, hemwelatîbûn û edaleta civakî ne.
Beşdaran li ser mijara panelê, astengiyên li pêşiya ciwanan û rola wan di avakirina Sûriyeyê de nêrînên xwe parve kirin. Hate gotin ku pirsgirêka herî mezin berdewama hişmendiya kevin e ku rola ciwanan paşguh dike.
Beşdaran di dawiyê de dane zanîn ku berpirsyariya pêvajoyê dikeve ser milê ciwanan û divê ciwan beşdariya siyasî veguherînin bingeheke daîmî ya avakirina Sûriyeya siberojê.
