AMED – Bi pêşengiya Tevgera Jinên Azad (TJA) jinên ji bajaran curbicur ber bi Enqerê ve dest bi meşê kirin. Gelek Jinên Ciwan ji tevli meşa “Em bi hêviyê ber bi azadiyê ve dimeşin” bun û rengê xwe dan diyar kirin.
Endamên Meclîsa Jinên Ciwan ên Partiya DEM’ê bi coş beşdarî meşê bûn û pankarta “Em bi rihê berxwedanê li dijî zîhniyeta komploger ber bi serketinê ve dimeşin” hilgirtin.
Hevseroka Giştî ya Partiya Herêmên Demokratîk (DBP) Çîgdem Kiliçgun Uçar, Sebahat Tuncel, Ayla Akat Ata, hevşaredar û bi sedan jin li pêşiya avahiya rêxistina Partiya Wekhevî û Demokrasiyê ya Gelan (DEM Partî) a Amedê hatin gel hev. Jinên ku ji hêla polîsan ve hatin dorpêçkirin, bi dirûşmên “Jin, jiyan, azadî”, “Azad bike Rêbertî”, “Bijî Serok Apo” û “Bê Serok jiyan nabe” ev dorpêç protesto kirin.
Jinan dû re ber bi Îstasyona Gaziler Çeşme ve meşiyan, li wir bi sedan kes li benda wan bûn, çepik, tililî û dirûşmeyan qîriyan. Jinan pankarta “Dema wê ye ku bi rihê berxwedanê li dijî hişmendiya komploger ber bi serketinê ve birevin” vekirin û demek dirêj bi def û stranên xwe govend gerandin. Li Îstasyona Çeşmeyê, jinan daxuyanî dan û gelek caran dirûşmeyên wekî “Mafe hevî ye mehfe gella yê” û “Mafê hêviyê nayê paşxistin” qîr kirin.
