NAVENDA NÛÇEYAN- Malek li gundê Alperulê…
Ev mala yekem ku Rêber APO dema ku çû Rojhilata Navîn lê ma, ji aliyê gel ve, bi taybetî jinên Kobanî ve bi baldarî tê parastin.
Di baxçeyê vê mala ku Rêber APO di Tîrmeha 1979’an de dema ku derbasî Rojhilata Navîn bibe çû Kobanî, kevokên ku Rêber APO pir jê hez dikir û ji zarokatiyê heta pêvajoya komployê xwedî dikir û ji lênêrîna wan kêfxweş dibû, hene. Di heman demê de, ji ber ku Rêber APO ji jiyanek şînkahî hez dikir û qîmet dida, li dora baxçeyê malê gelek kulîlk û darên fêkiyan hatine çandin.
Hundirê malê ji 4 odeyan pêk tê. Mal bi wêneyên Rêber APO û şehîdan hatiye xemilandin, û ji bilî vê, di her odeyê de pirtûkxaneyên ku ji sedan pirtûkan, bi taybetî pirtûkên Rêber APO, pêk tên hene.
Di malê de rojnivîskek bi Kurdî û Erebî jî heye; Her kesê ku tê vê malê dikare hest û ramanên xwe yên ji bo Rêber APO binivîse.
Ev mal, ku wekî mala ku Rêber APO tovên Şoreşa Rojava lê çandiye tê zanîn, her roj ji hêla bi dehan kesan ve tê ziyaret kirin.
Yek ji kesên ku ji bo parastin û ewlehiya malê dixebitin endama Kongra Star Bakire Sancar e. Bakire hêvî dike ku rojekê ew ê dîsa Rêber APO li vê malê mêvandar bikin.
“Em hemû karmendên vê malê ne. Ji ber ku dema Rêber APO ket vê malê, wî ji bo me bingeha gelek tiştan danî. Dema ku em tên gundê Alpelûr, em bêhna şoreşê distînin. Ji ber ku Rêber APO li vir mêvan bûye û li vir pir ked daye; ji ber vê yekê em ji vir bêhna wî distînin.
Dema ku mesele dibe mala Rêber APO, em hemû karên xwe yên din dihêlin û tên vir. Em ji her tiştê ku di malê û baxçeyê de hewce dike berpirsiyar in. Em hêvî dikin ku dema azadiya fîzîkî ya Rêber APO pêk were, em ê dîsa bikaribin wî di vê malê de di nav xwe de bibînin û wî hembêz bikin.”
