HELEB- Bi pêşengiya Tevgera Ciwanên Şoreşger û Yekîtiya Jinên Ciwan, bi sedan kes serkeftina Berxwedana Tişrînê li taxa Eşrefiye ya Helebê b şahiyekî pîroz kirin. Di çalakiyê de posterên Rêber APO û alên QSD, YPG û YPJ’ê hatin hildan.
Berî destpêkirina pîrozbahiyê, ji bo şehîdên Tişrîn, Rojava û Kurdistanê deqeyek bêdengî hat girtin. Piştre Zeyneb Abdo li ser navê Tevgera Ciwanên Şoreşger daxuyaniyek nivîskî xwend.
Di daxuyaniyê de, ku tê de hate gotin ku heqîqet bi rihê berxwedanê yê ku bi banga Rêber APO hatiye afirandin bi ser ketiye, ev tişt hatin gotin:
Di demên herî dijwar û aloz ên Rojhilata Navîn û bi taybetî li Rojava de, bêaramiya di civakê de, hin nakokiyên neteweyî û nakokiyên ku gelên Sûrî û Kurd ji hev veqetandin, rastiya ku bi sedan kesan bê teredût bi ruhê welatparêziyê li dijî êrîşan canê xwe feda kirin, helwest û berxwedana gel ji bo hemû gelên cîhanê bû mînak, û êrîş bê encam man.
Rêber APO peyama xwe ji ciwanan re ragihand, bang li wan kir ku pêvajoyê bilezînin û her kes rola xwe bilîze. Wek ciwan, em bi serbilindî peyama Rêberê xwe pêşwazî dikin û diyar dikin ku em ê li ser vê bingehê têkoşîna xwe hîn bêtir berfireh bikin û soz didin ku em ê herêmê bikin cihekî ewle û azad. Em ê xwe li ser bingeha raman û felsefeya Rêber APO birêxistin bikin, em ê li ser vê bingehê beşdarî pêvajoyê bibin û em soz didin ku em ê tola hemû şehîdên xwe hilînin.”
Daxuyanî bisloganê Bijî Serok APO, Bijî Ciwanên APOYÎ bi dawî bû.
Piştî daxuyaniyê, pîrozbahî bi govendeke helayî û stranên pê re bi dawî bû.
