QENDÎL- Şêniyên ji çar parçeyên Kurdistanê ji bo pîrozkirina Newrozê ji niha de diherikin qada Newrozê ya li Binarê Qendîlê. Bi hezaran kesên ku xwe gihand qada Newrozê agir vêxistin û li ber stranên şoreşgerî govend gerandin.
Li Qada Newrozê bêyî navber dirûşmên “Bijî Serok Apo” û “Bijî berxwedana gerîla” hatin berzkirin û alên PKK’ê û wêneyên Rêber Apo hatin hildan.
Kesên tevlî pîrozbahiyê bûne diyar kirin ku bi boneya “Banga Aştî û Civaka Demokratîk” a Rêber Apo du cejnan bi hevre pîroz dikin.
Ji niha ve gel û girse ji coşa Newroza sibe re amade ye.
Hêjayî gotinê ye ku her sal wek kevneşopiyekê li qûntara Qendîlê bi beşdariya dehan hezar kesî Newroz tê pîrozkirin û peyamên girîng tên dayîn.
