DIRBÊSIYÊ – Endamên Yekîtiya Jinên Ciwan ên Dirbêsiyê bi daxuyaniyeke komkujiya ji aliyê HTŞ’ê ve li dijî Elewiyên li Sûriyeyê şermezar kirin û diyar kirin ku divê berpirsyar bên girtin.
Di daxuyaniyê de hat gotin, “Em weke jinên ciwan van êrîşên bi tundî şermezar dikin û diyar dikin ku em ê heta dawiyê vê qebûl nekin. Em bang li her kesî dikin ku li dijî êrîşên li ser gelê Elewî dengê xwe bilind bikin û rabin ser piyan.”
Tevahiya daxuyaniya ku bi erebî hatiye xwendin wiha ye:
“Em di demeke wiha de derbas dibin ku dijmin bi hemû hêza xwe gelê me qetil dike, her cure êrîşan pêk tîne, li dijî gelê me şerekî qirêj tê meşandin. Hemû qetlîamên talankirin û wêrankirinên ku li her welatekî, çi Kurd, çi Ereb û çi Elewî, li her welatekî heye, bêyî ku sûcekî bikin qurbankirina zarok, jin, dê û bav, sûc in. Gelê me yê Elewî li Lazqiye û Tertûsê mexdûriyeta hêzên HTŞ’ê didome. Weke jinên ciwan em van êrîşên tund şermezar dikin û diyar dikin ku em ê qetlîamên dijî Elewiyên heta dawiyê qebûl nekin. Em bang li her kesî dikin ku dengê xwe bilind bikin û li dijî êrîşên li ser gelê Elewî rabin ser piyan. Komkujiyên heyî yên di vê meha Remezanê de bi ti awayî nayên qebûlkirin, divê em ji vê re çareyekê bibînin û HTŞ êrîşên ser gelê Elewî berdin.
Dema dijmin behsa çareseriya pirsgirêkan dike, li aliyê din xwîn li ser axa sor dirijîne. Dayikên Elewî zarokên xwe li ber çavên wan qetil dikin. Em çawa dikarin vê rave bikin, lewma divê em li her welatî dengê xwe bilind bikin. Em naxwazin di Sûriyeya nû de mirovahî bindest be.
Na ji qetlîamên Elewiyan re
Na ji tundiya li ser jinê re
Na ji êrîş û hovîtiyê re
Yekîtiya Jinên Ciwan ên Dirbêsiyê”
