HEILBRONN – Meşa Dirêj a ku di çarçoveya Pêngava “Ji Rêber APO re Azadî, Ji Pirsgirêka Kurd re Çareserî” bê lidarxistin, li bajarê Heîlbronn ê Elmanyayê bi coşeke mezin ji aliyê ciwanan ve destpê kir.
Meşa yekem a Kurdên li sirgûnê:
Di Gulana 1984’an de yekemîn destpêka Meşa Azadiya Kurd hat dayîn. 41 sal berê bi beşdariya bi sedan Kurdistanî ji bajarên Elmanya Hanaû û Hannoverê heta paytexta wê demê Bonnê bi dirûşma “Azadî ji Kurdistanê re, dawî li êşkence, girtin û zilmê bînin” li dijî şerê qirêj ê dewleta Tirk a li Kurdistanê li dijî Kurdan dide meşandin, meşiyan. Di vê çalakiya Kurdan de 730 km mesafeyek hat derbaskirin. Meşa Azadiyê ya 1984’an weke meşa herî dirêj a Kurdan kete dîrokê.
Her wiha li dijî xemsariya civaka navneteweyî, bi taybetî jî li ser çekên ku ji Elmanyayê ji bo Tirkiyeyê hatine diyarîkirin, dengê xwe bilind bike û balê bikişîne ser îşkence, zext û zilma li ser girtiyên li girtîgehên Kurdistan û Tirkiyeyê. Gelê Kurdistanê li gel esareta Îmraliyê ya sala 1999’an û bi şertê ku şert û mercên azadiya fîzîkî ya Rêber APO pêk bên, di nava tecrîd û esareta giran a 26 salan de bi şertê ku şert û mercên azadiya fîzîkî ya Rêber APO pêk bên, bi armanca azadiya Rêberê Gelê Kurd Rêber APO veguherîne daxwazeke civakî, li gel dîlgirtina Îmraliyê ya sala 1999’an, ji bo hişmendiya civakî meşiyan.
Li ser vê bingehê meşa “Ji Rêber APO re azadî, ji pirsgirêka Kurd re çareserî” di navbera 10-15’ê Sibatê de li bajarê Heîlbronn ê Elmanyayê bi tevlîbûna ciwanên enternasyonalîst û Kurd li gelek bajarên Ewropayê dest pê kir.
Çalakger roja Yekşemê li Navenda Civaka Kurd a Demokratîk a Heîlbronnê li hev civiyan. Piştî ku li ser girîngiya meşa hefteyekê ji aliyê komîteya amadekar a meşê ve agahiyên pêwîst hatin dayîn, bi Kurdistaniyên li bajarê Heîlbronnê dijîn re civînek hat lidarxistin.
Çalakger saet di 08.00’an de li ber stasyona trenê ya navendî ya Heîlbronnê (Heîlbronn HBF) hatin cem hev û saet di 10.00’an de meş destpê kir.
Çalakî bi daxuyaniya çapemeniyê ya bi Kurdî û Elmanî ji aliyê pêkhateyên ciwanan û Hevseroka KCDK-E Zubeyde Zûmrût ve destpê kir. Di nava rojê de ciwan wê ji navenda bajarê Heilbronn heta DKTM 16 km bimeşin. Danê êvarê jî bi beşdariya kesên beşdarî berxwedana Tişrînê ya li Navenda Civaka Kurd a Demokratîk a Heîlbronnê dibe, ji Rojava rasterast bi salona Semînerê ve tê girêdan.
Sêşem, 11ê Sibatê, roja 2:
Saet di 08:00 de jî gel wê li ber Gara Trenê ya Lûdwîgsbûrgê (HBF) li hev kom bibin û 17 km ber bi navenda bajarê Stûttgartê ve bimeşin. Danê êvarê jî wê li Stûttgartê ji bo bîranîna şehîdan civînek bê lidarxistin.
Çarşem, 12ê Sibatê, roja 3:
Serê sibê saet di 08:00 de em ê li stasyona trenê ya navendî ya Stuttgartê werin cem hev û ber bi navenda bajêr ve 21 km dest bi meşê bikin. Êvarê ew ê herin DKTM ku ew jî li Böblingen e û li wir dê semînera “Jinên ciwan û zayendî” li hev bicivin.
Pêncşem, 13ê Sibatê, roja 4:
Wê sibehê saet di 08:00 de li ber gara trenê ya Offenburgê kom bibin û 19 km ber bi navenda bajarê Offenburgê ve bimeşin. Di roja 4’an a meşê de wê organîzekirina rê ji aliyê ciwanên enternasyonalîst ve bê girtin û danê êvarê jî li DKTM’ê ya Lahrê bi semînera “Têkoşîna Navneteweyî” ku ji aliyê enternasyonalîstan ve hatiye plankirin, dê fikr û nîqaşên hevpar bên dayîn.
Înî, 14ê Sibatê, roja 5:
Serê sibê saet di 08:00 de em ê li meydana Freiburg Golf Dietenbach Parkê kom bibin û 8 km li kolana herî qelebalix a bajêr bimeşin. Di çarçoveya bernameya “Rêber Xwendina” de danê êvarê em ê li Navenda Civaka Kurd a Demokratîk a Freîbûrgê bên cem hev.
15ê Sibatê, roja 6′ê:
Serê sibê saet di 07:00 de wê bi otobusan ber bi bajarê Strasboûrgê ve bi rê bikevin û li nuqteya meşê ya navendî bi girseyî bicivin.
