SWİSRE– Li bajarê Zurîh ê Swîsreyê bi pêşengiya ciwanên endamên Tevgera Ciwanên Şoreşger (TCŞ) di çarçoveya pêngava “Ji Rêber APO re azadî, Pirsgirêka Kurd re çareserî” meşek hat lidarxistin. Piştî meş deqeyek rêzgirtina ji bo şehîdên azadiya Kurdistanê destpê kir.
Li dû kêliya rêzgirtinê, gelê Rojava ku di demên dawî de li dijî êrîşên çeteyên dewleta Tirk a faşîst, qirker û çeteyên SMO, li ser bendava Tişrîn û derdora wê berxwedaneke mezin nîşan da, bi dirûşmeyên “Bijî Berxwedana Rojava” hatin silavkirin.
Li ser navê TCŞ’ê ya Swîsreyê Yusuf Tayfun axivî û got: “Em bi pêşengiya xwe, partiya xwe, gelê xwe û rêhevalên xwe yên ciwan û jin, li tevahiya Kurdistanê bi taybet li Rojava bi berxwedaneke mezin ketin sala nû.”
Yûsif Teyfûn got, “Weke her carê li hemberî van geşedanên dîrokî, Tevgera Azadiyê bi hemû pêkhateyên xwe di pêşengtiya Rêber APO de dest bi amadekariya vê pêvajoyê kir.” Yusuf Tayfun got, “Li Rojava hêzên emperyalîst dest bi derxistina ji hevkêşeyê kirin, li ber çavên hemû cîhanê cihên sivîl, sivîl û rojnameger hatin qetilkirin. Li aliyekê ev polîtîkayên qirkirinê bênavber dewam dikin, li aliyê din jî muzakereyên nû yên bi Rêber APO re destpêka serdemeke nû nîşan dide. Ev encama berxwedana Tevgera Azadiyê ye.”
Îro roj roja bilindkirina têkoşînê ye
Piştre Hevseroka CDK-S’ê Dîlan Çetînkaya axivî û got, “Di serî de em ciwan û jinên Kurdistanê bi rêzdarî silav dikin. Ji vir em hemû hevrêyên xwe yên li Tişrînê bi lehengî li berxwe didin silav dikin. Sedsala nû wê bibe sedsala mafên Kurdistanê, jin û ciwanan. Çawa ku berxwedana Kobanê beriya deh salan ji cîhanê re bû mînak, îro jî berxwedana li Tişrîn û Qereqozax wê ji cîhanê re bibe mînak. Îro roj roja bilindkirina têkoşînê ye. Sibe dibe ku pir dereng be, îro em ê Tişrîn, Pira Qereqozax û Şoreşa Jinê ya Rojava li her qada ku lê bin biparêzin.”
Piştî axaftinan Kurdistanî û dostên wan bi coşeke mezin meşiyan. Di meşê de pankartên “Dema azadiyê ye, Abdullah Ocalan e” û “Tirkiye, Kurdistanê bi gazên jehrî bombe dike” hatin vekirin. Her wiha di tevahiya meşê de alên YPG, YPJ, TCŞ’ê û alên Rêber APO hatin daliqandin.
Di tevahiya meşê de li kolanên Swîsreyê bê navber siloganên “Bijî Serok APO”, “Bê Serok Jîyan Nabe”, “Bijî Berxwedana Rojava”, “Bijî Berxwedana QSD”, “Bijî Berxwedana YPG” û “Bijî Berxwedana YPJ” hatin berzkirin.
Di dawiya meşê de Endamê Konseya KCDK-E Mûsa Farisogûllarî axaftinek kir. Musa Farisogullari got, “Em jin û gelê Kurd, bi taybet ciwanên li Rojava li dijî êrîşên dewleta Tirk a faşîst û qirker û çeteyên SMO yên hevkar ber xwe ve didin re silav dikin. Ji îro û pê ve em ê îsal jî mîna sala par bibin dengê têkoşîna azadiyê. Di çarçoveya pêngava ku me par da destpêkirin de heta ku Rêber APO azadiya xwe ya fîzîkî bi dest bixe, em ê her roj têkoşîna xwe xurtir bikin.”
Piştî axaftina Musa Farisogullari çalakî bi dirûşmeyan bi dawî bû.
