HESEKE – Tevgera Ciwanên Şoreşger û Yekîtiya Jinên Ciwan duh bi daxuyaniyekî nivîskî banga hemû ciwanên herêmê kirin ku ji bo bersiva êrîşên li ser Helebê beşdarî şer li dijî dagirkeriyê bibin.
Îro 30 xort û jinên ciwanên Heseke ragihandin ku bersiva banga seferberiyê ya Tevgera Ciwanên Şoreşger û Yekîtiya Jinên Ciwan dikin û wê bi rihê parastina cewherî tevlî şerê li dijî çete û dagirkeran bibin.
Daxuyaniya ciwanên ku tevlî seferberiyê bûne bi vî rengî ye:
“Di van 12 salên şoreşa Rojava de dewleta Tirk a dagirker û çeteyên xwe, tim bi tim êrîşên li ser îradeya gelê herêmê pêk anîn. Gelê berxwedêr, bi ramanê Rêber Apo, her di azadiya xwe de israr kir û rêveberiya xwe ya demokratik ava kir. Di rojên dawî de, carekî din çeteyên di bin fermana dewleta Tirk a faşîst de dest bi êrîşên hovane li ser Helebê kirin, di planekî berfireh de ji bo têkbirina îradeya gel û rêveberiya xwe ya demokratik. Rejîma Sûrî û alîgirên wê jî, dev ji cihê xwe berdan û rê ji dagirkerî re vekirin. Gelê me yê Efrîn, Şehba û taxên Şêx Meqsûd û Eşrefiyê dîsa li beramberî dagirkerî disekinin û ji bo jiyanekî bi rûmet tekoşîn dikin.
Em weke ciwanên apoyî, tevlî seferberiya ku ji aliyê Tevgera Ciwanên Şoreşger û Yekîtiya Jinên Ciwan ve hat ragihandin dibin û beşdarî hêzên parastinê dibin. Em banga hemû gelê herêmê dikin ku li hemberî êrîşên heyî bisekinin û bi rihê parastina cewherî erkê xwe di nava şerê gelê şoreşgerî de bi cih bînin.
Bijî berxwedana Rojava!
Bijî Serok Apo!
Yan Serkeftin, Yan Serkeftin!”
