NAVENDA NUÇEYAN- Endama Yekitiya Jinên Ciwan ên Rojhilat (YJCR) Zîlan Sosin bi boneya 25’ê Mijdarê Roja tekoşîna li dijî tundiya li ser jinê ji Ajansa Nuçe Ciwan re axifî.
Endama YJCR’ê Îsyan Sosin ku bi silavkirina hemû jinên berxwedêr û hemû jinên ji bo azadiya xwe têdikoşin dest bi axaftina xwe kir û got: “25 Mijdarê roja tekoşîna li dijî tundî û tijiya li ser jin hatiye diyarkirin. Bê guman ev roj mirasek xwe ya dîrokî û berxwedanî heye. Ev roj di encamê tekoşîna hemû jinên cihanê derketiye holê.”
Sosin, anî ziman ku li seranserê cîhanê gelek tundî û komkujî li ser jinan heye û got, “Bitaybet li ser jinên ciwan êrîşekî dijwar tê meşandin. Ev êrîş her roj xwe mezintir û dijwartir dike. Li Rojhilatê Kurdîstanê û Îranê êrîşên pir dijwar li ser jin û taybet li ser jinên ciwan tê meşandin. Ev êrîş rojane bi şewazên cûda cûda xwe didin der. Cihên ku em dixweynin, kar dikin, di nav malabatan de her roj em ru bi ruyê êrişên cûda cûda tên.”
Sosin bal kişand ku roj nîne ku jinek ji ber zext û tundiya ku tê jiyîn neyê qetilkirin û întîxar neke û got, “Ev hemû ji aliyê rejima faşist, rejima jinkuj a Îranê ve tê kirin. Dive ku em bi awayekî fizikî ru bi ruyê êrîşan nayên bes êrîşên pir tund li ser ruhê me, hêstên me û fikrên me tê kirin.”
Îsyan Sosin diyar kir ku divê mirov lê binêre ka tiştên ku em jiyan dikin çiqasî li gorî nasname û çanda me ne an jî cewherê me diparêzin û got, “Rojane êrîşên ku li ser me tê kirin ji bo tûnekirina hebûna, xwebûna me û nasnameya me ye. Ev êrîş sedema tirsa rejima Îranê ya jinkuj a ji hêza jin e. Taybet jî ji jinên Rojhilatê Kurdîstan û Îranê tirsekî ne normal jiyan dike. Ji ber wî jî her diçe êrîşên xwe dijwartir dike. Minaka herî berbiçav me di şoreşa Jin Jiyan Azadî de dît. Her wiha biryara sêdarê ya ku li ser Pexşan Ezîzî û Warîşa Muradî û sedan jinên ku li ser wan biryara îdama hatiye dayîn mînaka tirsa rejîma Îranê ye.”
Sosin da zanîn ku weke jinên ciwan ji bo şikandina êrîşên li ser nasnameya jinê pêwîst e êrîşên heyî rast analîz bikin û fêm bikin û got: Divê em fark nakin lê rojane ev êrîşana li ser me pir nerm û zirav jî tê meşandin. Divê em van fam bikin û tahlil bikin da ku beramberê wan tekoşîn bikin.”
Endamê YJCR’ê Îsyan Sosin diyar kir ku rêya herî baş a têkbirina van êrîşan Parastina Cevherî ye û got, “Dema em dibêjin parastina cevherî em tenê aliyê wi ya çekdarî behs nakin. Her wiha aliyê wî ya xwe perwerdekirin, xwe zanekirin, xwe rexistinkirin û xwe parastina aliyê ruhî fikrî û hestî jî tînin ser ziman.”
Sosin amaje bi wê yekê jî kir ku bi taybetî weke jinên ciwan ji bo ku em bigihêjin wateya jiyana rast, wateya jiyana azad divê em xwe baş perwerde bikin û bi rêxistin bikin û got, “Ji xwe dema ku em xwe zane bikin bi xwezayî emê bigihijin wateya rast ya jiyanê ya azadî ye.”
Endama YJCR Îsyan Sosin di dawiya axaftina xwe de diyar kir ku weke jin îrade û hêza xwe bi şoreşa “Jin Jiyan Azadî” dîtin û got, “Em dawî de bangawaziya hemû jinan û taybetî jî jinên ciwanên Rojhilatê Kurdîstanê dikin: Em bangawaziya tekoşînekî hin xurttir dikin. Em divê li hemberî van êrîşan seknekî xurt raber bikin. Ji bo jiyanekî rast divê em jinên tekoşer û şoreşger ji xwe re mînak bigrin. Mîrasekî me yê pir mezin heye û gelek mînakên me yên ber bi çav jî hene. Mînakên me heval Sara ye, heval Berîtan e, heval Zîlan e. Em van hevalan ji xwe re mînak bigrin. Ger me mînak girt emê bikaribin bigihijin armanca xwe, em ê bikaribin van êrîşan vala derxinin û bigihijin azadiya xwe. “
