BÎLEFELD – Yekemîn roja çalakiya Meşa Dirêj a ciwanên Kurd û enternasyonalîst ku wê di navbera 15-20’ê Îlonê de pêk were, li Bîelefeldê bi dawî bû.
Ciwanên ku li bajarê Bielefeld ê Elmanyayê di çarçoveya Pêngava “Ji Rêber APO re Azadî, Ji Pirsgirêka Kurd re Çareserî” de hatin gel hev, li Gara Trenê ya Navendî daxuyaniyeke çapemeniyê dan.
Di roja yekem a Meşa Dirêj de, ciwanên Kurdistanî û enternasyonalîst bi coş û enerjiyeke mezin daketin qadan.
Ciwanên ku rêya jiyana azad û cîhanek demokratîk di felsefeya Rêber APO de dibînin, ji çar aliyên Ewropayê ji bo azadiya fîzîkî ya Rêber APO hatin cem hev û careke din ji her kesî re ragihandin ku wan Rêber APO jiyanî kiriye û wê di çarçoveya pêngavê de pêşengtiya tekoşînê bikin û bighînin lûtkeyê. Ciwanan govenda ku bûye sembola berxwedanê jî ji bîr nekirin.
Meşa ku dirûşmên “Bijî Serok APO”, “Be Serok Jiyan Na Be”, “Freiheit Für Öcalan”, “Jin Jiyan Azadi” hatin berzkirin, li ber HBF’ê ya Bîelefeldê bi dawî bû.
Ciwanên Kurdistanî û enternasyonalîst bi govendan ve meş bi dawî kirin û roj bi semînera felsefeya “Jin Jiyan Azadî” bi dawî bû.
Beriya semîner dest pê bike, danezana dawî ya Konferansa “Rastiya Rêbertî û Rola Ciwanan” ya duh hat lidarxistin hat xwendin. Di daxuyaniya dawî de; hat destnîşankirin ku ciwan wê tola her rojên ku Rêber APO di girtîgehê de derbas kiriye hilînin. Her wiha di daxuyaniyê de hate destnîşankirin ku divê helwesta ciwanên Kurd a li hemberî komploya navneteweyî zelal bibe û hat diyar kirin ku yekane rêya azadiya fîzîkî ya Rêber Apo, xwe perwerdekirin û rêxistinbûn e. Di daxuyaniya dawî de ku bal hat kişandin ser xeta azadiya jinê: Divê Zîlan û Bêrîtan weke mînak bên girtin.
Encamname dawî bi kurdî û almanî ji aliyê Şiyar Zîlan û Elîsa Ginzburg ve hat xwendin. Encamname ji aliyê ciwanan ve hat qebûlkirin.
Di destpêka semînerê de hunermend Hakim Sefkan derket ser dikê. Dadger Sefkan da zanîn ku şoreşgerên Filistînî jî pirtûkên Rêber APO ji xwe re kirine rêber û destnîşan kir ku paradîgmaya Rêber APO ne tenê ji bo gelê Kurd, ji bo hemû mirovahiyê çareserî ye û destpêka meşa dirêj a ku ciwanên enternasyonalîst jî tê de beşdar bûn pîroz kir.
Di salvegera qetilkirina Jîna Emînî de, ciwanên ku îro weke roja jinên ciwan bi nav kirine û li ser Felsefeya Jin Jiyan Azadî panelek li dar xistine re wiha got: Felsefeya Jin Jiyan Azadî ya we ye. Ger kesek hewl bide ku ji we bigire, ji bo wî şer bikin.” Paşê jî helbesta ku ji bo Jîna Emînî nivîsandiye got.
Piştî Hekîm Sefkan, hunermend Sînan jî bi stranên xwe yên bi sazê re reng da şahiya ciwanan. Ciwanan jî bi stranên wî ve govend girtin.
Piştî hunermendan sînevîzyonek hat pêşandan. Di sînevîzyonê de Rêber APO tehlîlên jinûve afirandin û rizgariya jinê û her wiha axaftinên wî yên li ser avakirina jiyana azad bi giştî û sosyalîzma ku di PKK’ê de pêk hatiye cih girt.
Piştî nîşandana sînevîzyonê ciwanan nêrînên xwe anîn ziman ku dirûşma “Jin Jiyan Azadî” ji bo wan çi ye û çima bi kar tînin. Hate diyarkirin ku felsefeya Jin Jiyan Azadî mifteya azadkirina civakê bi hêza jinê ye.
Zîhniyeta ku Jîna Emînî qetil kir di heman demê de zîhniyeta dijminê dagirkeriya Kurdistanê ye; Hat diyarkirin ku ji bo jiyaneke exlaqî û polîtîk divê vê zîhniyeta dijmin bişkînin û felsefeya Jin Jiyan Azadî bipejirînin.
Piştî semînerê ciwanên ku bi dirûşma “Jin Jiyan Azadî” roja xwe ya 1’emîn bi dawî kirin, wê sibê saet di 09.00’an de li Gara Trenê ya Navendî ya Hammê werin cem hev û Meşa xwe ya Dirêj berdewam bikin.
Rêyên çalakiya Meşa Dirêj wiha ne;
17.09.2024
Cih: Hamm HBF
Saet: 09.00
18.09.2024
Cih: Dortmund HBF
Saet: 09.00
19.09.2024
Cih: Essen HBF
Saet: 09.00
20.09.2024
Cih: Rawestgeha Tramvayê Marxloh Pollman (Hûn dikarin bi hejmara tramvaya 903 ji Duisburg HBF bigihîjin vê xalê.)
Dem: 09.00
Ji bo ragihandinê;
Mail: [email protected]
Instagram: @mesadirej2024
Telegram: @mesadirej2024
TikTok: @mesadirej2024
X (Twitter): @mesadirej2024
