NAVENDA NÛÇEYAN –
Jixwe PKK, di hemû pêvajoyên xwe yên dîrokî de tevgerek ku bi komployên paşverû yên nav-netewî re rûbirû hatiye. Yeqîn nakim komployek evqasî di asta nav-netewî de li derdora ti tevgerê bê pêşxistin. Ji ber ew tevgerek sosyalîst a herî xurt û tevgerek rizgariya netewî ye, lewma bû sedema rê ji pêşketinên komploya nav-netewî re veke. Lê belê li ber xwe da û têk neçû. Di her pêngava xwe ya nû de bi berdevkiya sosyalîzmê re, bi sekna xwe ya hevgirtî ya di nava şer de, netêkçûna xwe diselmîne. Dev ji têkçûna wê berdin, bi gavên hinek din ber bi serkeftinê ve diçe de, tevgera wê ya xurt, di heman demê de weke xisleta bingeha van tevan, diselmîne ku tevgerek sosyalîste.
Bêguman pêwîste zanebûna dîrokî, zanebûna serdemê hîn zêdetir xwe bigihîne raveyek zanistî. Dîsa pêwîste ji bo çareseriya pirsgirêkan bi kûranî bersivên nû bibîne. Hewce dike li ser bingehên nû pênaseyên partiya kedê, demokrasiya sosyalîst û çalekiyên dewlet-milet pêş bixe. Di şênberiya pratîka me de jî tevgerek gel a berfireh bi taktîkên cur be cur derketiye holê.
Partiya me rêya rizgarî ji bo azadbûna hemû civakê, nexasim ne tenê ji hejaran re, ji derdorên civakî yên din re jî vedike. Li hember kedxwariya mêtîngerî, kolekirina jinê û dîsa zextên ku cewaziya mezheban û nakokiyên millî rê jê re vekirine, dikare ku nêzîkbûnên azadkirinê û çareseriyên berfireh pêş bixe. Tevî zehmetî û nebesiyên wê, pêşketina xwe didomîne û li ser bingeha rêzdariya beramber kedê ya esas digire bûna partiya xwediyên kedê ye. Hêjayî eslê mirov kesayeta herî leheng û fedekar, mijara şêwaza jiyanê, di berfirehiya ku ti partiyê de nehatiye destgirtin, bersivên wê ewqasî hatine pêşxistin.
Mirovatiya ku rastiyek PKK‟ê dijî, tê wateya mirovatiya rizgarbûyî.
Me hêj ev di radeya herî biçûk de pêş xistiye. Ger em bikarin vê ji bo gelê xwe tam bigihînin serkeftinê, em pir baş dizanin ku, ev bi navê mirovatiyê destkeftiyek mezine. Jixwe me zanî ku rizgariya di kes de pêk tê, veguherînin rizgariya bi gel re pêk tê. Em ji her demê zêdetir pê ve girêdayîne ku, mebesta rizgariya bi miletekî re pêk tê, veguherînin rizgariya di mirovahiyê de pêk tê.
Baweriya me bi mirovahiyê heye, em dizanin ku jiyana hêjayî mirov heye. Ji ber em pir kûr bi vê ve girêdayî ne, bi şêweyek ti partiyê de neyê dîtin jiyana xwe fedayî mirovahiyê dikin. Tevgerek evqasî civakbûnê dijî, ji bo vê fedekarî û wêrektiyê pêş dixe, bivê-nevê, tevgera herî sosyalîst a cewherî ye. Jixwe serbilindiya vê bûye para PKK‟ê. Ji ber vê xisleta bingehîn a partiya me, bêguman em ê weke reşka çavê xwe biparêzin. Hemû şahadet li ser vî bingehîne û ji bo vê ne. Berxwedêrî û fedekariyên herî mezin, hemû ji ber xêra vê cewhera saxlem derketin holê û em mezin bûn. Li gorî mezinbûna me jî bi parastin û xurtkirina vê cewherê ve pêk tê, em yeqîn dikin ku di vê mijarê de jî peywirdarin. Em zanebûna vê kûr dijîn. Dîsa biryardarî û pêkana vê jî di asta herî jor de ye.
Nêzîkbûna ku em jê re dibêjin tempoya xebatê û şêwaza lêdanê pir pêş ketiye. Bi dahûrîna Rêbertiyê re, ji banga; “Bi xwe re gel pêk bîne, bi xwe re mirovatiya nû pêk bîne, ji bo vê jî xwe bike rastiya mirovahiyê û ji bo vê jî çi hewce dike bike” re bersivek biçûk neyê dîtin hatiye dayîn.
Ev rastiyên ku ji aliyê pir kêm hêza partiyê ve tên fêmkirin, ji vir û şûn de bi tevkariyek hîn zêdetir ve wê pêl bi pêl di nava gelê me, gelê herêmê û mirovatiyê de diyar bibe. Bi bilindbûna rastiya sosyalîzmê ve girêdan, nêzîkbûnek zanistî jê re kirin, dibe rastiya me ya herî bingehîn.
Tevgera me ya sosyalîst ku li ser vî bingehî derketiye holê û di roja me de veguheriye partiya herî pêşketî, bêguman dê ji vir û şûn de jî xurt, biryardar û bi şêweyek serkeftî ber bi armancên xwe ve bimeşe. Ji ber vê em dibêjin; bersiva roja ked, yekîtî, pişgirî û têkoşînê ji 1‟ê Gulanê re erênî hatiye dayin. Me girêdana xwe ya bi kedkarên cîhanê tevê re domandiye, baweriya xwe ya li hember dîrok û rojaneya wê raber kiriye. Em dibêjin ku; me pêşeroja xwe jî li ser vî bingehî bi şêweyek herî baş bi biryar kiriye.
Bijî roja yekîtî, pişgirî û têkoşîna hemû kedkaran 1‟ê Gulanê!
1 Gulan 1993
Rêber APO
Çavkanî: DI SOSYALÎZMÊ DE ISRAR DI MIROVBÛNÊ DE ISRARE
