NAVENDA NÛÇEYAN – Komîteya Rêveber a Tevgera Şoreşger a Yekbûyî ya Gelan (HBDH) daxuyaniyeke nivîskî weşand û got,
“Di 30’ê Adara 1972’an de li gundê Kizildere yê Tokata Nîksarê, 10 şoreşgerên ji kadroyên pêşeng ên Tevgera Şoreşger a Tirk, bi berxwedaneke mezin a li hemberî hêzên faşîst ên dewletê nemir bûn. Ev şerê ku ji aliyê yekîneyên pêşeng ên tevgera şoreşger a Tirkiyeyê pêk hat, bi beriya xwe û bi bîranîna we re dîrokek afirand.
Berxwedana Kizildereyê bi tena serê xwe nikare di nava berxwedana serdemê de cih bigire. Ruhê berxwedana Kizildereyê nabe ku ji şoreşgeriya sala 1971’an were qutkirin. Pêşengên tevgera şoreşger a sala 1971’an ji bo pêşengiya tevgera ciwanan a sala 1968’an, dest bi pêşengtiyê kirin. Kizildere navê îradeya bêserûber a têkoşîna li dijî faşîzmê ye. Kizildere cesaret û şoreşgeriya fedaî ye.
Ji ser berxwedana Kizildereyê re 51 sal derbas bûn. Ji bo me ne tenê roja bîranînê ye. Ji bo me tê wateya îddîaya avakirina şoreşa yekgirtî ya Tirkiye û Bakurê Kurdistanê. Ev şerê li dijî faşîzmê ji bajaran heta çiya û barîkat û çeperen didome û wê bidome jî.
Rêberên şoreşger ên sala 1971’an berjewendiyên şoreşê, gelan û bindestan dan pêşiya her tiştî, hemû bername û çalakiyên xwe yên şoreşgerî li ser vê rastiyê ava kirin û bi vî rengî bûn pêşeng. Him di rêxistinên cuda de li dijî faşîzmê şer kirin û him jî di têkoşîna li ser zemîna şoreşa yekbûyî de jî berpirsyariya şoreşgerî wergirtin.
Tovê ku ji Denîzan heta Mahîr û Îbrahîman, pêşengên şoreşger ên sala 1971’an îro di nav têkoşîna me ya şoreşê ya di bin pêşengiya HBDH’ê de didome.
Di têkoşîna xwe ya li dijî faşîzmê de, bi xwedîderketina vê mîrateyê, bi fêrbûna ji cesareta şoreşgerî, baweriyên şoreşê yên yekbûyî û ruhên fedaî em bi pêş ve diçin. Em di şerê xwe yê li dijî faşîzmê de bi pêş ve biçin. Em diyar dikin, li hemberî faşîzmê tekane rê şoreş e.”
