NAVENDA NÛÇEYAN – Dewleta Tirk a qirker li dijî gerîla bikaranîna çekên kîmyewî didomîne û sûcên xwe ya şer ku hêza wê ji NATO û NY (Neteweyên Yekbûyî) digre ji her demê zêdetir dike. Fermandariya Biryargeha Navenda Parastina Gel nasnameya 17 gerîlayên ku bi çekên kîmyewî hatine şehîd xistin di 18’ê Cotmehê de ragihand. NPG’ê di daxuyaniya xwe de got; “Ji ber bêdengiya cîhanê ya li dijî sûcên dewleta qirker dewleta Tirk bikaranîna çekên kîmyewî didomîne. Li dijî faşîzma Tirkiyê divê tevahî hêzên demokratîk, welatparêz, sazî, jin, ciwan xwedî helwesta pêwîst bin û xwedî li berpirsiyariyên xwe derkevin.”
Ji xwe beriya ragihandina nasnameya 17 gerîlayan, di demên cuda cuda de nasnameya 27 gerîlayên ku di encama êrîşên dagirkeriyê yên bi çekên kîmyawî de şehîd bûne hatibû ragihandin. Di vê derbarê de jî NPG’ê anî ziman; “Dewleta Tirk a qirker dîsa bi çekên kîmyawî êrîş kiribû û di demên pêşiya wê de nasnameya 27 gerîlayan ku di encama êrîşên kîmyawî de şehîd bûne hatibû eşkere kirin. Lê herî dawî 9 hevalên me li herêma Şikefta Birîndara, 5 heval qada Karker, li qada Avaşîn û Werxelê 3 hevalên me bi çekên kîmyewî hatin şehîd xistin.”
Fermandariya biryargeha navenda parastina gel da xuya kirin ger ku li dijî faşîzma dewleta qirker helwesteke cidî neyê raber kirin wê ev sûcên şer ê dewleta dagirker bidome. Her wiha fermandariyê bang li tevahiya hêzên demokratîk kir li dijî sûcûn şer xwedî helwest bin û got; “Divê welatparêz, sazî, jin, ciwan xwedî helwesta pêwîst bin û xwedî li berpirsiyariyên xwe derkevin.”
Heman demê de derbarê hemû hevreyên ku şehîd bûne de NPG’ê nirxandinên xwe kirin. Li ser nirxandinên NPG’ê me jî weke ajansa ciwanan ji bo bîranîna 17 gerîlayên azadiyê xebatek dosyayî da destpêkirin. Dosyaya me di beşa xwe ya 15’emîn de ji bo bîranîna şehîd Mazlûm Nisêbîn e.
Şehîd Mazlûm li Nisêbînê ji dayîl bûye, di nava malbateke welatparêz de mezin bûye, ev jî dibe sedem ku hîna ji biçûkaniya xwe de partiyê nas bike û di temeneke ciwan de dest bi têkoşînê bike.
Fermandariya Biryargeha Navenda Parastina Gel NPG’ê kesayetê têkoşer û şehîdê azadiyê Mazlûm Nisêbîn bi vê rengî dinirxîne;
“Hevrêyê me Mazlûm li Nisêbînê hatiye dinê. Bi zanabûna welatparêziyê mezin bûye û rastiya dijmin û hovîtiya dijmin hêrsek mezin mezin bûye. Hevrê Mezlûm ê hê ciwan lêgerîna wî dest pê kir, di xebatên nava ciwanan de, bûye xwedî nasnameyek polîtîk. Di dema sala 2015’an pêvajoya şer dest pê kir de, li Mêrdînê tevlî gerîla dibe. Piştre li Zapê perwerdehiya xwe ya bingehîn dibîne. Di bin fermandariya Alî Piling, Dilşad û Mervan de gerîlatiyê dike. Li Zapê bi fedayî û bê hesab di nava milîtanên fedayî de şer kiriye. Bi têkoşîna 7 salan kedek mezin daye. Li Zapê tevlî gelek xebatan bûye, di şerê tunelan de kedeke wî ya girîng heye. Bi kesayetiya xwe ya fedekar, kedkar ji aliyê hevrêyên xwe ve hatiye hezkirin.
Dîsa li Zapê cih di gelek çalakiyan de girtiye, di warê leşkerî de gelek ezmûn girtiye. Di şerê li Zapê de tim li pêş cih girtiye. Di êrîşa dagirkeriyê ya 14’ê Nîsanê de bi ruhê Apoyî tevlî têkoşînê bûye. Hevrê Mazlûm ê di encama êrîşên kîmyawî de şehîd bû, bû yek ji hevrêyên me yên ku ji sekna milîtanî ya Apoyî tawîz neda. Hevrê Mezlûm ê girêdana bi şehîdan û hildana tolê tim zindî hişt, tim xwestiye xeyalên şehîdan pêk bîne, bibe layîqî keda û şopdarê wan.”
