QAMIŞLO – Bi boneya roja rojbûna Rêberê Gelan, berdevka komîteya Ekolojîk ya Kongra-Star Rîhan Temo ji ajansa me re axivî û got; “Hemû Netew, welatî û civak, Rêber Apo ji xwe re weke pêşeng dibînin û li ser xeta Rêber Apo têkoşîna xwe berdewam dikin.”
Rêber Apo ji bo jinan cihê hêz, berxwedan û baweriyê ye
“Navê min Rîhan Temo, berdevka komîtiya ekoloji ya Kongra-Star de cihê xwe digirim. Di serî de roja vejînê, roja ku ronî daye cîhanê, roja ku ji bo me bûye roja xilasiya gelê kurd, rojbûna Rêber Apo li we pîroz dikin. Em vê rojê li tevahî gelê kurd û li tevahî gelê bindest pîroz dikin. Em dikarin bi gotinekê bêjin ev roj tê wateya ronahiyeke nû hatiye dinyayê. Li ser vê bingehê em weke gelê azadîxwaz vê rojê pîroz dibinin. Rastî em weke jinên ciwan yên ku di nava sîstema baviksalariyê de hertim hatiye kolekirin, yanê jî li ser jin hemû rêbazên tundiyê dane meşandin, yan jî bi rêbazên cuda cuda hewldane vê jinê kole bikin, bê rol û bê maf bikin. Din ava sîstemeke wiha de derketina Rêber Apo ji bo me derketine dîrokî û xwedî girîngiyeke cuda ye. Dibe ku Rêber Apo weke kesekê were dîtin, lê ji bo me jinan Rêber Apo cihê hêz, berxwedanî û baweriyê ye. Rêber Apo ji bo azadiya jinên kedeke bê hempa da û têkoşîneke pir mezin da meşandin û hîn jî dewam dike. Rastî jî em çiqasî bînin ser ziman wê têrê nekê. Lê em dikarin bêjin ku bi pêşengtiya Rêber Apo kirî, îro em jin cihê xwe di nava şoreşan de digirin û li hember ferastenên desthildar têkoşîn dikin.”
Girêdana bi Rêbertî re tê wateya lêgerîna li aşîtî û demoqrasiyê
Hemû newtew, welatî û civak Rêber Apo ji xwe re wekî pêşeng dibinin, ji fikir û felsefeyên wî bi bawerin, hem li ser şopa wê xetê ne û hem jî wê fikir û felsefeye belav dikin û wê dikin mînak. Derketina Rêbertî di serdemeke wisa de an jî di vê sedsalê de ji bo me girêdanên pir semîmî bi rojên azad re didin çêkirin. Girêdana bi Rêbertî re tê wateya lêgerîna li aşîtî û demoqrasiyê.
Rêber Apo di bin tecrîdeke pir giran de jiyan dike, ev tecrîda ku 22 salin dewam dike, ne tenê ser Rêber Apo ye, em weke tecrîda destpêkê ser jin û piştre ser netew û gelên cuda ve dibinin. Ji ber vê yekê dema ku berxwedanî li Îmraliyê bilind dibe, berxwedaniya me jî vê derê bilind dibe. Ji ber ku di şexsê Îmraliyê de em dikarin bêjin geleke berxwe dide. Her çiqasî em dema jin û civak têkoşîna xwe bilind dikin, ewqas hêzên desthilat jî li hember me astengiyan çêdikin. Bi taybet jî li hember kesên ku bi fikir û felsefeya Rêber Apo têkoşîn dikin wan dixin bin tecrîdeke girankirî. Ev bû demeke dirêj agahî ji Rêber Apo nayê girtin. Lê bila bizanbin ku parêzname û pirtûkên Rêbertî hemû li gel me ne.
Jinên Rojava bi fikir û felsefeya Rêber Apo pêşengtiya şoreşê dikin
“Bi fikir û felsefeya ku Rêber Apo ji me re peşkêş kir, jinên ku îro li Rojavayê Kurdistanê dimînin di pêşengtiya şoreşê de cihê xwe digirin. Ev têkoşîn wê berdewam bike heya serkeftinê, berxwedana me wê ji bo azadiyê her berdewam be. Fikir û felsefeyên Rêber Apo azadin, lê di nava sala 2022’an de û sedsala 21’yemîn divê em êdî Rêber Apo fîzîkî azad bikin, êdî dem dema azadiyê ye. Ji ber ku tevahî gelê bindest azadiya xwe di azadiya Rêber Apo de dibîne. Li ser vê bingehê ez jî weke jineke ciwan ku cihê xwe di nava sîstema civakê de digirim, em jî niha di nava fikir û felsefeya Rêber Apo de jiyan dikin. Li ser vê esasê li tevahî mirovan pîroz dikin, roja vejîn û hebûnê wê me bigihîne serkeftinê. Herî dawî bang li hemû jinan dikim ku em di sedsala 21’yemîn de li dora Rêber Apo xelekekê çêbikin.”
NC/Viyan Serhed
