QAMIŞLO – Rêberê gelan Abdullah Ocalan di 15’ê Sibata 1999’an de bi komployeke navneteweyî dîl hat girtin. Her çiqas bi vê komployê dihat xwestin gelê Kurd bê tinekirin jî, dewletên emperyalîst nekarîn vê bi dest bixin. Rêberê Gelan û şehîdên ku derdora Agiriyê dorpêç kirine ev komplo pûç kirine.
Gelê Kurd îsal li her derê hêrsa xwe ya li dijî komploya navneteweyî nîşan dide, ji bo dilsoziya xwe ya bi Rêberê Gelan re nîşan bide daket qadan. Me jî ji kesên ku bi salan berê Rêberê Gelan re yekem hevdîtina wan, hest û hêrsa wan a li hemberî komployê guhdar kir.
Bi tevahiya hevpeyvîna me wiha ye:
Navê min Necah Gulo ye. Endamê saziya malbatê şehîdame ya bajarê Qamişlo. Rastiya dîtina Serokatî tiştekî pir cuda ye wek jin wek Kurd pir cuda ye bi riya fikrê Serokatî xwe naskirin çêdibe. Wê demê me welatparêzî bi riya malbatê naskir. Di 90 î de hevalan em birin gotin hûnê herin serokatî zindî bibînin cara yekemîn bû, dema hevalan got me bawer nekir coş û heyecanek pir mezin me girt em malbat malbat çûn yê min 4 zarok bûn.
Min Egîd hişt lê min Rêzan, Rêber û Mezlûm bir, em çûn heya Libnanê bi wê coş û heyecana dîtina serokatî em ne bi riya dirêj fikirîn û ne bi birçîbûnê fikirîn. Bi vî awayî me berê xwe da Şamê. Em bi kemyona apê min çûn songer tê de hebûn ji ber ku zarok tê de xew kirin nîvê malbata me bû û çend dayîk ji Qamişlo bûn em gihiştin Libnan, me Serokatî dît. Ew hevalên di qampê de ji me re savarek girs çêkirin, xwarin tanîn nan xelas dibû bi vî awayî bû wisa heyecan hebû. Piştre em kom kirin Serokatî hat. Dema Serokatî ji nav wan keviran derket min bawer nekir ku rastî ye min got qey ez li ber TV me em rabûn bi slogan çepik û lîlandina hevalan jî toren çêkiribûn, me bi vî awayî Serokatî pêşwazî kir. Serokatî 4 seatan axivî, li ser welatparêziyê li ser axa kurdistanê li ser 28 serhildanê kurdan axivî ji wê zêdetir tiştê ku min guhdar kir rabûn û rûniştina Serokatî bû.
Emê heya dawî li pey riya serokê xwe bin
Tiştê ku min girt 28 serhildanê kurdan bû ku pêwîste em ya ji bo vî welatî bikin. Em Serokatî re hefteyekê li wê derê man, roja din serokatî mange mange digeriya hat gazî me kir got werin sahê hemû jin û dayikan dan çepik û tilîliyan serokatî got bisekinin hûn ew qas rê hatine em kêmekî bi axivin. Eger hûn nesekinin ezê keviran bavêjim we. Got dema her tiştî heye û her însan dikare cihê xwe di nava şoreşê de bigire, heya dayikek temen mezin dikare dua bike. Piştî çend roja em hatin moralê me di kar û jiyanê de pir bilind bû me bi xwe hîskir wekî ku em jî tiştekin wek jin. Serokatî got ev zarokê we yê tevlêbûne erê we aniye lê min xwedî kiriye wane zarê we eger bi were hatin wan bibin lê wê kî welat biparêze? Got dema yek şehîd dikeve wekî parçeyeke ji canê min diçe, got hûn jî alîkar bin di perwerdekirina zarokan de got pêwîste hûn jî tevlêbûnê xwe bikin. Serok seatek me kir 24 seat, emê heya dawî li pey riya serokê xwe bin. Bê serok jiyan nabe, Bijî Serok Apo!
Emê serokê xwe azad bibînin
Navê min Qehreman Gulo ye, bavê Ş. Nûredîn. Ez vê qomploya hanê ya li ser rêberê gelê kurd şermezar dikim, di 15 sibatê de ev qomploya navdewletî ji aliyê İsraîl, Tirk, Rûsya, Emerîka û hemû dinyayê li ser rêbebertî û gelê kurd pêk hat em şermezar dikin. Bavê min du caran bi Rêbertî re maye, apê min Reşîd Brahîm Gulo Ehmed Gulo nîvê malbatê Serokatî dîtine. Bavê min û sê kes ji malbatê tevlêbibûn, barê malê hemû li ser milê min bû. Dîtina Serokatî ji bo min bibû kuleke carekê min terektora xwe li çolê sekinand min got ezê biçim rêbertî bibînim. Bavê min bikuje ezê biçim min bi Ş.Mehdî û Ş. Merwan re nîqaş kir.
Gotin emê rûpelê te çêkin û te bişînin gel rêbertî di 91 de em çûn gelek hevjînê şehîdan jî bi min re bûn. Erebeyek apê min hebû em komek gel pê çûn, em gihiştin Şamê. Nasnameyê me jî tunebûn ji ber vê yekê em di çiya re çûn. Her tiştê wê mîna Kurdistanê bû pişt re em gihiştin hevalan. Em pêşwazî kirin Rêbertî hat ez û apê xwe bûn gotin hûnê firavînê bixwin, xwarinek danîn mîna keşelokê bû. Bi rastî Rêbertî însanekî pir mutewazî bû ez bûm apê min bû û Seydayê mele Xerzanî bû. Piştre gotin xwe rehet bikin piştre me nedî t serokatî ji bin erdê derket civînek ji mere çêkir li ser rewşa Qamişlo rêbertî her kes îkna û razî dikir piştî em hatin me go her tiştî em ji bo kurdistan û rêbertî bikin hingî em bandor û hestiyar bûn tiştê ku li efrîn , Girê spî û Serêkaniyê nûbûna qomplo bû dinya hemû li me bûn yek her beriya 15 sibatê tiştekî dikin qomplo di Hesekê de jî şikest û wê hertim bişke. Serkeftin ya meye. Emê serokê xwe azad bibînin.
