QAMIŞLO – Bertekên li hember hevkariya PDK didomin. Herî dawî Tevgera Ciwanên Şoreşger û Yekitiya Jinên Ciwan li dijî hevkariya PDK, Piştgiriya Berxwedana Gerîla û Ji bo girtina cenazeyên Şehîdan meşeke dirêj dabûn destpêkirin. Ev meş li Qamişloyê destpêkir û di roja 3’yan de gihîşte Deriyê Sêmalka.
Li ber deriyê Sêmalka Ciwanan xwest ku derbas bibin û cenazeyên xwe bigrin. Lê li ser sînor çeteyên Roj û PDK bi hovane çek û keviran ve êrişê ciwanan kirin. Li ser vê ciwan ketin pozîsyona xwe parastinê.
Li dijî van êrîş û tevahî hevkariya PDK’ê me nêrînê Dayîka Zeynep girt. Dayika Zeynep Rêvebiriya PDK û malbata Berzanî Şiyar kir û got “Hişê xwe hildin serê xwe”
Bi tevahiya axaftina Dayîka Zeynep wiha ye:
Ez tiştekî bibêjim; Li her çar perçeyên Kurdistanê em dorpêç in. Çima kesayeta me tune,çima em Kurd wisa ne? Ên ku me îdam dikin, ên ku kemîna ji me re datînin zarokên me Şehîd dixin.
Ev bu sê meh ku dayik li ser sînor, dixwazin tabûtên zarokên xwe bi dest xwe bixin. Çima hûn nadin? Hûn ê çi bikin wan tabûtên miriyan? Hûnê xwe têxin tabûtên wan, xwe têxin ber wan? Ma ne hûn bi xêra wan hene. Weleh, weleh, weleh ku ev 40 sal e Gerîla ne li wî çiyayê pîroz ba, Kurdistana Başûr nedibû Kurdistana Başûr. Bila hûn baş bizanibin. An ê Başûrê Tirkmanîstanî û dê nasnameya wan jî dê Erdoxanî ba. Bes, banga me ji Birêz Mesûd heye; Aqilê xwe bîne cîh, destê xwe bi serê xwe bide, birayê xwe yê Kurd hembêz bikin, destê hev bigirin. Hûn dibînin ku me li aliyekî îdam dikin, li aliyekî Şehîd dixin, li aliyekî top û tangên wan tên me. Li Serêkaniyê binêrin, li Efrînê binêrin. Ma hûn racin cisra ji bo hûn wan çil Şehîdên me nadin me? We ciwanên me yên Şoreşger we hemu birîndar kirin. Heqê wan e ku keviran bavêjin û bibêjin; Şehîdên me bînin. Çi bela we ye? Çima hûn Şehîdan nadin? Hûn ê çi bikin wan Şehîdên mirî? Şehîd ketine! Xwîna xwe rijandine. Ma ne heyfa wan e! We kirine ku derê? Hûn çima nadin? Qêrîna wan dayikan e li ser Sînor. Qey dilê we bi wan dayika naşewite! Kezeba wan şewitiye. Xwedê kezeba we bişewitîne wek a wan dayikan. Bes, heyf e ku navê Kurdîtiyê li we ye? Bi serê Gerîla sond bixwin ku ne gerîlayê li çiyayên azad ba a niha ji zû de Kurdistana Başûr ne Kurdistan bû; Tirkmanistanî bû, Erdoxanî bû, wê nasnameya wan Erdoxanî bûya. Bila hûn baş bizanibin. Hûn çima li me wisa dikin? Destê xwe li destê heval, bira û gelê xwe bixin.
Daeş li wir dîzivire li paş de li we dixe. Gava hûn bibin yek , kes dikare nêzikî we bibe.. Şengal kê xilas kir? Hûn hatin we xwe vekişand, hûn reviyan. Gerîla hat xilas kir! Çima hûn ji PKK’yê aciz in. Min fêm nekir? Çima? Ji bo çi?Ma hûn qet nafikirin ku dijmin çi tîne serê we, bê çawa dideşifîne, we li hevûdin sor dike,fitnê dixe nava we. Li aliyekî hinek me darve dikin, hinek topa davêjin me, hûn jî li aliyekî kemînê ji Gerîla re datînin, dikûjin û cenazeyên wan nadin dest dayikan. Bifikirin ku dayikên we jî sibê wisa qêrîn bikin li zarokan bigerin û bi destê wan nekeve inşela . Em nifiran dikin, em li xwe dikin! Em diqeherin em wisa dibêjin! Bila hişên xwe bînin serê xwe. Miletê Kurd hişê xwe bînin serê xwe. Hevûdi hembêz bikin. Xiyanet heta kengî? Bes e ji xiyanête re. Ma ne bes e? Em wek gel di mala xwe de disekinin, dinêrin bê ka kurd bi destê dijmin bi hev çi dikin. Fedî bikin! Bes bila dijmin bi me re bilîze Bi her çar perçeyan dilîze! Ji bo çi? We li wir, Ciwanên Şoreşger hemu li wir birîndar kirin. Ji bo wan şehîdan beqebeqa wan dayikan ku ev sê meh e ku li ser sînor in. Ma hûn ji xwedê natirsin?Wan şehîdan bidin, çima hûn ê cisr(pirr-koprî) rakin? Çima hûn perçe dikin. Dijmin em kirin perçe, hûn jî nû dikin. Ev cara duyem e ku hûn wisa dikin. We carekê xendek kolan, we temirand a niha radihêjin cisr. Çi bela we ye? Hûn bi kê soz didin. Şerm e şerm. Hûn Kurd in, xwîna we yek e. Destê xwe bidin hev; bila kes henekên xwe bi we neke! Bila dijmin wek Lozanê li we neke. Ew kî ne ku we dikin se-çar perçe? Hişên xwe bînin serê xwe. Banga min li wan ev e: Ez dixwazim Kurd hemu bibi yek. Bes tehdeyê li hevûdin bikin. Hûn li vî alî cenazeyên me nadin me. Ê ku me bi dardixin, ê ku xwe bi xwe hûn li hevûdin dixin. Ev çi ye? Qey hûn nafikirin? Zarokeke vêga li vir be, dê bibêje; Ma hûn dîn bûne hûnbihev dikevin. Hinek we li hev sor dikin. Xuya ye! Em bi fikra ku Rêber Apo ji bo me diyar kirî; Me bi ciwanan dest pê kir em ê bi ciwanan jî serbikevin. Em wek dayikên Şehîdan, em qebûl nakin ku ev cisr ji nû ve vebe. Çima tu yê bigirî, çima hûn ê li ciwanên me yên şoreşger bixin û çima hûnê cisr bigirin. Em wek dayikên Şehîdan nema qebûl dikin ku ew cisr bê vekirin. Ger vebê, wê demê hesabê we jî heye! Çima hûnê bigirin, çima hunê li ciwanên şoreşger bixin û çima hûnê bixiyanet, zarokên me radestî Tirkan bikin. Çima hûnê şehîden me radestî Tirkan bikin.
Çima? Em qebûl nakin! Em wek dayikên Şehîda em zarokên xwe dixwazin. Divê radestî me bên kirin û em nema qebul dikin ku ev cisr jî vebe. Em pişta ciwanan bernadin. Heta dilopek xwîna me hebe em ê wek dayikên şehîdan em ê rabin ser xwe. Em qebûl nakin! Em ê xwe tev bikin yek û em ê derbas bibin. Em cisr misr li ba me tune ye! Em ê sînor bixin û em ê derbas bibin. Em heta niha bisebr bûn lê êdî em bêsebr in. Destê kurda ye bila her çar perçeyên Kurdistanê bila destê xwe dirêjî neke. Bila me li hevûdin neelimîne. Em nema qebûl dikin.Wek dayikên Şehîdan, em nema rûdinin. Ciwanên Şoreşger wê bi serbikevin. Serok Apo dibêje: ‘Me bi ciwanan dest pê kiriye em ê bi ciwantî serbikevin’ Heta dawiyê jî ‘Me bi ciwanan dest pê kiriye em ê bi ciwantî serbikevin’ Heta dawiyê jî em ê bi serbikevin. Ku bi me dayikên Şehîdan ma be ku em piştê şoreşgeran bigirin, em nema qebul dikin û cisr nema vedibe. em ê bi serbikevin. Ku bi me dayikên Şehîdan ma be ku em piştê şoreşgeran bigirin, em nema qebul dikin û cisr nema vedibe.
